The Raja Saab : నిధి అగర్వాల్‌తో రాజాసాబ్ సాంగ్ షూట్‌.. పాట రిలీజ్‌పై తేజ సజ్జ కామెంట్స్..

నిధి అగర్వాల్‌తో సాంగ్ షూట్‌ జరుపుకుంటున్న రాజాసాబ్. ఫస్ట్ సాంగ్ రిలీజ్ పై తేజ సజ్జ కామెంట్స్..

The Raja Saab : నిధి అగర్వాల్‌తో రాజాసాబ్ సాంగ్ షూట్‌.. పాట రిలీజ్‌పై తేజ సజ్జ కామెంట్స్..

Teja Sajja comments on Prabhas The Raja Saab movie song release

Updated On : April 18, 2024 / 2:47 PM IST

The Raja Saab : మారుతీ డైరెక్షన్ లో రెబల్ స్టార్ ప్రభాస్ చేస్తున్న హారర్ కామెడీ సినిమా ‘ది రాజాసాబ్’. పీపుల్ మీడియా ఫ్యాక్టరీ నిర్మిస్తున్న ఈ చితం సైలెంట్ షూటింగ్ జరుపుకుంటూ వస్తుంది. కల్కి మూవీ షూటింగ్ కి గ్యాప్ వచ్చిన సమయంలో ప్రభాస్.. ఈ మూవీ సెట్స్ లో పాల్గొంటూ షూట్ చేస్తూ వస్తున్నారు. ప్రస్తుతం ఈ మూవీలోని సాంగ్ షూట్ జరుగుతున్నట్లు ఫిలిం వర్గాల్లో వార్తలు వినిపిస్తున్నాయి.

ప్రభాస్ అండ్ నిధి అగర్వాల్ పై ఈ పాట చిత్రీకరణ జరుగుతుందట. ఈ షూటింగ్ కోసం నిధి కూడా ఇటీవల హైదరాబాద్ వచ్చారు. ఇది ఇలా ఉంటే ఈ మూవీ నుంచి మొదటి సాంగ్ రిలీజ్ చేయబోతున్నట్లు గత రెండు రోజులుగా వార్తలు వస్తున్నాయి. ఈ వార్తలకు ప్రముఖ నిర్మాత SKN చేసిన ట్వీట్ కారణం. మ్యూజిక్ సింబల్స్ పెట్టి ఎస్‌కెన్ ట్వీట్ చేయగా.. దానికి దర్శకుడు మారుతీ రియాక్ట్ అవుతూ స్మైల్ సింబల్ తో కామెంట్ చేసారు.

Also read : Aadi Saikumar : సూపర్ హిట్ కాంబో రిపీట్.. ఆది సాయికుమార్ కొత్త సినిమా అనౌన్స్..

దీంతో రాజాసాబ్ నుంచి సాంగ్ రాబోతుందని వార్తలు వినిపించాయి. ఇక రీసెంట్ గా ఈ మూవీ నిర్మాతలు.. తేజ సజ్జ సినిమా ఈవెంట్ తో మీడియా ముందుకు వచ్చారు. ఇక ఈ ఈవెంట్ లో రాజాసాబ్ గురించి నిర్మాత టిజి విశ్వప్రసాద్ ని ప్రశ్నించగా, ఆయన బదులిస్తూ.. “కల్కి రిలీజ్ అయిన తరువాత రాజాసాబ్ నుంచి అప్డేట్స్ వస్తాయి” అని చెప్పుకొచ్చారు.

అయితే ఇంతలో తేజ సజ్జ మాట్లాడుతూ.. “నాకెందుకో రాజాసాబ్ నుంచి త్వరలో ఓ సాంగ్ రాబోతుందని డౌట్ గా ఉందండి” అంటూ కామెంట్స్ చేసారు. ఇక ఈ కామెంట్స్ కి నిర్మాత చిరు నవ్వుతో సమాధానం ఇచ్చారు. మరి ఈ సాంగ్ ని ఎప్పుడు ఆడియన్స్ ముందుకు తీసుకు వస్తారో చూడాలి. కాగా ఈ చిత్రానికి థమన్ సంగీతం అందిస్తున్నారు. నిధి అగర్వాల్ తో పాటు ఈ సినిమాలో రిధి కుమార్, మాళవిక మోహనన్ కూడా కనిపించబోతున్నారు.