‘తకిట తథిమి కొట్టరా డీజే’ – సాంగ్ ప్రోమో

సుప్రీం హీరో సాయి ధరమ్ తేజ్, రాశీ ఖన్నా జంటగా నటిస్తున్న ప్రతిరోజూ పండగే సినిమాలోని ‘తకిట తథిమి కొట్టరా డీజే’ సాంగ్ ప్రోమో విడుదల చేశారు..

సుప్రీం హీరో సాయి ధరమ్ తేజ్, రాశీ ఖన్నా జంటగా నటిస్తున్న ప్రతిరోజూ పండగే సినిమాలోని ‘తకిట తథిమి కొట్టరా డీజే’ సాంగ్ ప్రోమో విడుదల చేశారు..

సుప్రీం హీరో సాయి ధరమ్ తేజ్, రాశీ ఖన్నా జంటగా.. మారుతి దర్శకత్వంలో తెరకెక్కుతున్న ఫ్యామిలీ ఎంటర్‌టైనర్.. ‘ప్రతిరోజూ పండగే’. అల్లు అరవింద్ సమర్పణలో.. జీఏ2 పిక్చర్స్, యూవీ క్రియేషన్స్ కలిసి నిర్మిస్తున్నాయి. ఇటీవల విడుదల చేసిన లిరికల్ సాంగ్స్‌కి మంచి రెస్పాన్స్ వచ్చింది. గురువారం సాయంత్రం ‘తకిట తథిమి’ సాంగ్ ప్రోమో రిలీజ్ చేశారు.

ఈ పాటలో హీరో హీరోయిన్లతో పాటు సినిమాలోని ప్రధాన తారాగణమంతా కనిపిస్తున్నారు. బిగ్ బాస్ 3 విన్నర్ రాహుల్ సిప్లిగంజ్ కూడా ఈ పాటలో మెరిశాడు. ‘గెట్ రెడీ ఫర్ తమన్స్ దేశీ బీట్’ అంటూ నవంబర్ 30వ తేదీ ఉదయం 10:30 గంటలకు ఫుల్ సాంగ్ రిలీజ్ చేయనున్నట్టు తెలిపారు.

కుటుంబ బంధాలు, భావోద్వేగాలు ప్రధానంగా రూపొందుతున్న ‘ప్రతిరోజూ పండగే’.. ప్రస్తుతం పోస్ట్ ప్రొడక్షన్ వర్క్ జరుపుకుంటోంది. సినిమా డిసెంబర్ 20న విడుదల కానుంది. విజయ్ కుమార్, మురళీ శర్మ, అజయ్, ప్రవీణ్, శ్రీకాంత్ అయ్యంగార్ తదితరులు కీలక పాత్రల్లో నటించారు.. సంగీతం : థమన్, కెమెరా : జయ కుమార్, ఎడిటింగ్ : కోటగిరి వెంకటేశ్వరరావు, ఆర్ట్ : రవీందర్, నిర్మాత : బన్నీ వాసు.