మిస్ మ్యాచ్ : `అరెరే అరెరే` పాట‌ విడుదల చేసిన త్రివిక్రమ్

ఉదయ్ శంకర్, ఐశ్వర్య రాజేష్ జంటగా నటిస్తున్న ‘మిస్‌మ్యాచ్’.. (ఈజ్ ది రియల్ మ్యాచ్) చిత్రంలోని మొదటిపాటను దర్శకుడు త్రివిక్రమ్ విడుదల చేసారు..

ఉదయ్ శంకర్, ఐశ్వర్య రాజేష్ జంటగా నటిస్తున్న ‘మిస్‌మ్యాచ్’.. (ఈజ్ ది రియల్ మ్యాచ్) చిత్రంలోని మొదటిపాటను దర్శకుడు త్రివిక్రమ్ విడుదల చేసారు..

తమిళ్‌లో విజయ్ ఆంటోని హీరోగా ‘డా.సలీమ్’ చిత్రాన్ని రూపొందించిన దర్శకుడు ఎన్.వి.నిర్మల్ కుమార్ తెలుగులో తెరకెక్కిస్తున్న సినిమా.. ‘మిస్‌మ్యాచ్’.. (ఈజ్ ది రియల్ మ్యాచ్) ‘ఆటగదరా శివ’ ఫేమ్ ఉదయ్ శంకర్, ‘కౌసల్యా కృష్ణమూర్తి’ సినిమాతో తెలుగు ప్రేక్షకులను ఆకట్టుకున్న ఐశ్వర్య రాజేష్ జంటగా నటిస్తున్నారు. అధిరోహ్ క్రియేటివ్ సిగ్న్స్ బ్యానర్‌పై జి.శ్రీరామ్ రాజు, కె.భరత్ రామ్ నిర్మిస్తున్నారు. ఇటీవల విడుదల చేసిన ట్రైలర్ ఆకట్టుకుంటోంది. ‘మిస్ మ్యాచ్’ చిత్రంలోని మొదటిపాటను దర్శకుడు త్రివిక్రమ్ సోమవారం విడుదల చేసారు.

ఈ సందర్బంగా డైరెక్టర్ త్రివిక్రమ్ మాట్లాడుతూ…’మిస్ మ్యాచ్’ టైటిల్ కొత్తగానూ,ఆసక్తికరంగానూ ఉంది. డైరెక్టర్ నిర్మల్ తీసిన ‘డా.సలీమ్’ సినిమా తమిళ్, తెలుగులో మంచి విజయం సాధించింది. తెలుగులో అతను ఫస్ట్ టైమ్ డైరెక్ట్ చేస్తున్న ‘మిస్ మ్యాచ్’ సినిమా విజయం సాధిస్తుందని ఆశిస్తున్నాను. చిత్ర యూనిట్‌కు గుడ్ లక్. ‘మిస్ మ్యాచ్’ ఫ్యామిలీ అందరూ కలిసి చూడదగ్గ సినిమా అవుతుందని భావిస్తున్నాను. హీరో ఉదయ్ శంకర్‌కు నటుడిగా మంచి భవిష్యత్ ఉంది. ఇప్పుడు రిలీజ్ అయిన ‘అరెరే అరెరే’ మెలోడీ సాంగ్, వినాలనిపించేదిగా ఉంది” అన్నారు.

హీరో ఉదయ్ శంకర్ మాట్లాడుతూ… నా అభిమాన దర్శకుడు త్రివిక్రమ్ ‘మిస్ మ్యాచ్’ చిత్రంలోని ఫస్ట్ సాంగ్‌ను విడుదల చేయడం ఆనందంగా ఉంది. ఈ చిత్రం అందరికి నచ్చుతుందని భావిస్తున్న అన్నారు. నా మొదటి సినిమా ‘ఆట కదరా శివ’ సినిమాకు త్రివిక్రమ్ గారు సపోర్ట్ చేశారు. మళ్ళీ ఈ సినిమా సాంగ్ ఆయన చేతుల మీదుగా విడుదలవ్వడం సంతోషంగా ఉంది. ఈ సినిమా కోసం అందరూ కష్టపడి పనిచేశారు. నిర్మాతలు సినిమాను ఎక్కడా రాజీ పడకుండా నిర్మించారు అన్నారు..

నిర్మాత శ్రీరామ్ మాట్లాడుతూ…స్టార్ డైరెక్టర్ త్రివిక్రమ్ గారు సాంగ్ రిలీజ్ చెయ్యడం హ్యాపీ గా ఉంది. ఆడియన్స్ కోరుకుంటున్న అన్నీ అంశాలు సినిమాలో ఉంటాయి. సినిమా బాగా వచ్చింది. డైరెక్టర్ ఎన్.వి.నిర్మల్ బాగా తీశారు. ఉదయ్ శంకర్, హీరోయిన్ ఐశ్వర్య రాజేష్ చక్కగా నటించారు. డిసెంబర్ ఆరున చిత్రం ప్రపంచ వ్యాప్తంగా విడుదల అవుతోంది. ఈరోజు విడుదల అయిన ఈ గీతం తరువాత మరో రెండు గీతాలను ఒకదాని తరువాత మరొకటి విభిన్నంగా విడుదల చేయబోతున్నాము అని తెలిపారు.

‘ఈ చిత్రానికి సంబంధించి ప్రముఖ దర్శకుడు ‘క్రిష్’ చేతుల మీదుగా  విడుదల అయిన ‘మిస్ మ్యాచ్’ తొలి ప్రచార చిత్రాలు, విక్టరీ వెంకటేష్ గారు విడుదల చేసిన చిత్రం టీజర్, అలాగే ప్రముఖ దర్శకుడు సురేందర్ రెడ్డి విడుదల చేసిన చిత్రం థియేట్రికల్ ట్రైలర్ కు ప్రేక్షకులనుంచి విశేషమైన స్పందన లభించిందన్న విషయాన్ని ఈ సందర్భంగా గుర్తు చేసుకుంటూ వారికి మరోసారి కృతఙ్ఞతలు తెలిపారు.

మ్యూజిక్ డైరెక్టర్ గిఫ్టన్ ఇలియాస్ మాట్లాడుతూ…సినిమాలో అన్ని పాటలు బాగా వచ్చాయి. ‘అరెరే అరెరే’ సాంగ్ త్రివిక్రమ్ గారి చేతుల మీదుగా విడుదలవ్వడం సంతోషం. శ్రేష్ఠ గారు ఈ పాటను రచించారు, ఎమ్. ఎమ్. మనస్వి పాడడం జరిగింది. ఆడియన్స్ అందరికి ఈ సాంగ్ నచ్చుతుందని భావిస్తున్నాను” అన్నారు.
డైరెక్టర్ ఎన్. వి.నిర్మల్ మాట్లాడుతూ..’అరెరే అరెరే’ పాట ఒక మెలోడీ, రొమాంటిక్ నెంబర్ ఈ సాంగ్. శ్రోతలకు త్వరగా నచ్చే సాంగ్ ఇది. గిఫ్టన్  కంపోజిషన్ లో మనస్వి చక్కగా పాడడం జరిగింది. త్రివిక్రమ్ గారు ఈ సాంగ్ రిలీజ్ చెయ్యడంతో ఆడియన్స్ కు ఈ సాంగ్ మరింత చేరువవుతుందని భావిస్తున్నాను” అన్నారు.

ఈ చిత్రం లోని ఇతర ప్రధాన పాత్రలలో సంజయ్ స్వరూప్, ప్రదీప్ రావత్, రూపాలక్ష్మి తదితరులు నటిస్తున్నారు. ఈ చిత్రానికి సంగీతం: గిఫ్టన్ ఇలియాస్, కధ: భూపతి రాజా, మాటలు: రాజేంద్రకుమార్, మధు; ఛాయా గ్రహణం: గణేష్ చంద్ర; పాటలు: సిరివెన్నెల సీతారామ శాస్త్రి, సుద్దాల అశోక్ తేజ; కళా దర్శకుడు: మణి వాసగం
దర్శకుడు. ఎన్.వి.నిర్మల్ కుమార్. నిర్మాతలు జి.శ్రీరామ్ రాజు, భరత్ రామ్.