Varun Tej Son: కొడుకు ‘వాయువ్ తేజ్’ను పరిచయం చేసిన వరుణ్ తేజ్- లావణ్య.. ఎంత క్యూట్ గా ఉన్నాడో చూడండి!
వరుణ్ తేజ్(Varun Tej Son) తన ముద్దుల కొడుకును సోషల్ మీడియా వేదికగా ప్రేక్షకులకు పరిచయం చేస్తూ పంచుకున్న అరుదైన దృశ్యాలు ప్రస్తుతం నెట్టింట వైరల్ అవుతున్నాయి.
- Published By: V Santhosh Kumar , Published On : September 10, 2026 / 09:27 PM IST
Varun Tej and Lavanya introduce their son Vaayuv Tej on social media
Varun Tej Son: టాలీవుడ్ మెగా ఫ్యామిలీకి చెందిన మెగా ప్రిన్స్ వరుణ్ తేజ్- నటి లావణ్య త్రిపాఠి దంపతులు ఇటీవల తల్లిదండ్రులుగా ప్రమోషన్ పొందిన సంగతి తెలిసిందే. తమ ఇంట్లోకి అడుగుపెట్టిన పండంటి బాబు రాకతో ఆ కుటుంబంలో సందడి వాతావరణం నెలకొంది. ఈ సంతోషకరమైన వార్తను అభిమానులతో పంచుకున్న నాటి నుండి, మెగా వారసుడిని ఎప్పుడు చూపిస్తారా అని సినీ అభిమానులు, నెటిజన్లు ఎంతో ఆసక్తిగా ఎదురుచూస్తున్నారు. తాజాగా ఆ నిరీక్షణకు తెరదించుతూ వరుణ్ తేజ్(Varun Tej Son) తన ముద్దుల కొడుకును సోషల్ మీడియా వేదికగా ప్రేక్షకులకు పరిచయం చేస్తూ పంచుకున్న అరుదైన దృశ్యాలు ప్రస్తుతం నెట్టింట వైరల్ అవుతున్నాయి.
తండ్రీకొడుకుల అపూర్వ దృశ్యం.. సోషల్ మీడియాలో మెగా ఫ్యాన్స్ కోలాహలం:
వరుణ్ తేజ్ తన కొడుకును ఎంతో ప్రేమగా ఎత్తుకుని ఉన్న పిక్ను పంచుకోవడంతో అభిమానుల సంతోషానికి హద్దులు లేకుండా పోయాయి. బాబు ముఖం కనిపించేలా ఉన్న ఈ ఫొటోలను చూసి మెగా అభిమానులు, సినీ ప్రముఖులు ఆ చిన్నారికి శుభాకాంక్షలు తెలుపుతూ కామెంట్ల వర్షం కురిపిస్తున్నారు. తమ ఇంట్లోకి వచ్చిన కొత్త వెలుగును పరిచయం చేస్తూ వరుణ్ తేజ్ షేర్ చేసిన ఈ పోస్ట్ క్షణాల్లోనే లక్షలాది లైక్స్తో సోషల్ మీడియాలో ట్రెండింగ్లో నిలిచింది. మెగా వారసుడి రాకతో అటు అల్లు, ఇటు కొణిదెల కుటుంబాల్లో సరికొత్త ఉత్సాహం నిండిపోయింది.
