TN BJP : జిల్లా అధ్యక్షులకు “ఇన్నోవా కార్లు” గిఫ్ట్ గా ఇచ్చిన బీజేపీ

తమిళనాడులోని నాలుగు జిల్లాల బీజేపీ అధ్యక్షులకు జాక్ పాట్ తగిలింది.

Tn

TN BJP తమిళనాడులోని నాలుగు జిల్లాల బీజేపీ అధ్యక్షులకు జాక్ పాట్ తగిలింది. కోయంబత్తూర్,కన్యాకుమారి,​ఈరోడ్,తిరునెల్వేళ్లి జిల్లాల పార్టీ అధ్యక్షులకు ఆదివారం లగ్జరీ ఇన్నోవా కార్లను కానుకగా ఇచ్చింది బీజేపీ. రాష్ట్రంలో ఏప్రిల్-6న జరిగిన ఎన్నికల్లో సుమారు 20ఏళ్ల తరువాత ఈ నాలుగు జిల్లాల్లోని.. ప్రతి జిల్లాలో ఒక అసెంబ్లీ సీటు చొప్పున కమలనాథులు ఎమ్మెల్యేలుగా విజయం సాధించిన నేపథ్యంలో వారి గెలుపునకు చేసిన కృషికి గాను ఈ నాలుగు జిల్లాల బీజేపీ అధ్యక్షులకు ఇన్నోవా క్రిస్టా SUV కార్లను గిఫ్ట్ గా ఇచ్చింది అధిష్ఠానం.

ఇన్నోవా కార్లు దక్కించుకున్న వారిలో కోయంబత్తూర్​ జిల్లా బీజేపీ అధ్యక్షుడు నందకుమార్​, ఈరోడ్ జిల్లా బీజేపీ అధ్యక్షుడు​ సుబ్రమణియన్​, కన్యాకుమారి జిల్లా బీజేపీ అధ్యక్షుడు ధర్మరాజన్​లు,తిరునెల్వేళ్లి జిల్లా బీజేపీ అధ్యక్షుడు మహారాజన్​ ఉన్నారు. వీరికి కేంద్రమంత్రి ఎల్​ మురగన్​ కార్లను అందజేశారు.

ఈ కార్యక్రమానికి బీజేపీ రాష్ట్ర అధ్యక్షుడు అన్నామలై, పార్టీ సీనియర్​ నేత సీపీ రాధాక్రిష్ణన్​ లు హాజరయ్యారు. ఎల్​.మురగన్​ గతంలో రాష్ట్ర పార్టీ అధ్యక్షులుగా ఉన్నప్పుడు.. అభ్యర్థులు గెలిస్తే ఇన్నోవా కార్లు ఇస్తామని హామీనిచ్చారు. ఈ మేరకు వారిని గెలిపించిన జిల్లా అధ్యక్షులకు కార్లను గిఫ్ట్ గా ఇచ్చారు.