Covaxin Production : విదేశాల్లో కోవాగ్జిన్ ఉత్పత్తి!

దేశీయంగా రెండు కోవిడ్-19 వ్యాక్సిన్ లు అవుతున్నప్పటికీ..వ్యాక్సిన్ కొరత రాష్ట్రాలను వేధిస్తోన్న విషయం తెలిసిందే.

Centre Explores Possibility Of Covaxin Production Outside India

Covaxin Production దేశీయంగా రెండు కోవిడ్-19 వ్యాక్సిన్ లు అవుతున్నప్పటికీ..వ్యాక్సిన్ కొరత రాష్ట్రాలను వేధిస్తోన్న విషయం తెలిసిందే. తగినన్ని డోసులు లేక కొన్ని చోట్ల వ్యాక్సినేషన్ కార్యక్రమం కూడా తాత్కాలికంగా నిలిపివేసిన విషయం తెలిసిందే. ఈ నేపథ్యంలో దేశం అవసరాల మేరకు వ్యాక్సిన్ ఉత్పత్తిని పెంచేందుకు కేంద్రం కీలక నిర్ణయాలు తీసుకున్నట్లు సమాచారం.

కొవాగ్జిన్​ ఉత్పత్తిని విదేశాల్లో చేపట్టేందుకు కేంద్రప్రభుత్వం ప్రయత్నిస్తున్నట్లు సమాచారం. దీనికి సంబంధించి మే18నే కేబినెట్​ అంతర్గతంగా సమావేశం నిర్వహించినట్లు సమాచారం. డీబీటీ(డిపార్ట్మెంట్ ఆఫ్ బయోటెక్నాలజీ)తో చర్చించి కొవాగ్జిన్​ వ్యాక్సిన్ ఉత్పత్తిని విదేశాల్లో చేపట్టాలని, ఈ విషయాన్ని ప్రపంచ ఆరోగ్య సంస్థ దృష్టికి తీసుకెళ్లడం,సాంకేతిక బదిలి ప్రాతిపదికన భారత్​లో మెడెర్నా, జాన్సన్​ అండ్ జాన్సన్​ టీకాలను ఇతర కంపెనీలు తయారు చేసేందుకు స్వచ్ఛంద లైసెన్స్ మంజూరు సహా పలు కీలక అంశాలపై కేబినెట్ అంతర్గత సమావేశంలో చర్చించినట్లు సమాచారం.

కొవిషీల్డ్​ వ్యాక్సిన్​ తయారీ సంస్థ ఆస్ట్రాజెనెకాకు ఇండియాలో మరిన్ని లైసెన్సులు కేబినెట్ ఆలోచించినట్లు తెలుస్తోంది. ఇందుకోసం అస్ట్రాజెనెకాను సంప్రదించాలని విదేశాంగశాఖకు ఆదేశించింది. ఫైజర్​ టీకా విషయంపై అంతర్గత వాణిజ్యం, పరిశ్రమలను ప్రోత్సహించే విభాగం, నీతి ఆయోగ్​, విదేశాంగ శాఖ, న్యాయ శాఖ కార్యదర్శితో సంప్రదించడం వంటి విషయాలను కేబినెట్ చర్చించింది.

ఇక, కొవిషీల్డ్ కోసం ముడి పదార్థాల సరఫరా అడ్డంకులను పరిష్కరించడానికి విదేశాంగ శాఖ, బయోటెక్నాలజీ విభాగం(డీబీటీ) రోడ్‌మ్యాప్‌ను సిద్ధం చేస్తున్నాయి. బయోసేప్టీ లెవల్స్​-3 సదుపాయం ఉన్న తయారీదారులతో పాటు భారతదేశంలో ఉత్పాదక స్థలాలను పెంచడానికి, అలాంటి సదుపాయాన్ని ఏర్పాటు చేయగల వారిని గుర్తించాలని డీబీటీ, డీసీజీఐను ప్రభుత్వం కోరింది.