26/11 Attacks: దాడి జరిగిన 15 ఏళ్లలో ముంబై ఎలా మారిపోయింది? మన్ కీ బాత్లో ప్రస్తావించిన ప్రధాని మోదీ
ఈరోజు 26 నవంబర్ 2008 నాటి ముంబై ఉగ్రదాడి 15వ వార్షికోత్సవం సందర్భంగా, మన్ కీ బాత్ 107వ ఎపిసోడ్‌లో ప్రధాని నరేంద్ర మోదీ తన మనసులోని మాటను బయటపెట్టారు
- Published By: 10TV Digital Team ,Published On : November 26, 2023 / 06:52 PM IST
26 నవంబర్ 2008.. ఆ రోజును ముంబై ప్రజలే కాదు ఈ దేశ ప్రజలు ఎప్పటికీ మరచిపోలేరు. 10 మంది ఉగ్రవాదులు పాకిస్థాన్‌లోని కరాచీ నుంచి సముద్రం దాటి ముంబైలోకి ప్రవేశించి తాజ్ హోటల్, హోటల్ ఒబెరాయ్, నారీమన్ హౌస్‌లోకి ప్రవేశించి అమాయకులపై కాల్పులు జరిపిన రోజది. ఈ ఉగ్రదాడిలో 18 మంది భద్రతా సిబ్బంది సహా 164 మంది చనిపోయారు. 300 మందికి పైగా గాయపడ్డారు. ఈ దాడి అనంతరం ముంబై సహా దేశవ్యాప్తంగా భద్రతా ఏర్పాట్లని మొత్తంగా మార్చేసింది. కాగా ఈ దాడికి పాల్పడ్డ వారిలో కసబ్‌ను మాత్రమే పోలీసులు పట్టుకున్నారు. మిగిలిన వారు ఎదురుకాల్పుల్లో చనిపోయారు. ఈ రోజు ఆ దాడికి వార్షికోత్సవం సందర్భంగా, 15 ఏళ్లలో ముంబై ఎంత మారిపోయిందో తెలుసా?
దాడి నుంచి పాఠాలు తీసుకుంటూ పలు కీలక నిర్ణయాలు
మీడియా నివేదికల ప్రకారం.. ఈరోజు 26 నవంబర్ 2008 నాటి ముంబై ఉగ్రదాడి 15వ వార్షికోత్సవం సందర్భంగా, మన్ కీ బాత్ 107వ ఎపిసోడ్‌లో ప్రధాని నరేంద్ర మోదీ తన మనసులోని మాటను బయటపెట్టారు. 26/11 ఉగ్రదాడిని దేశం ఎప్పటికీ మరిచిపోలేమని, అయితే మన దేశ బలం ఎంతటిదంటే నేడు ఆ దాడి నుంచి తేరుకోవడమే కాకుండా ఉగ్రవాదాన్ని కూడా అణిచివేస్తున్నామని అన్నారు. దాడులు జరిగిన వెంటనే భారత ప్రభుత్వం భద్రతా ఏర్పాట్లకు సంబంధించి కొన్ని కీలక నిర్ణయాలు తీసుకుంది. వీటిలో సముద్ర భద్రతను మరింత పటిష్టం చేయడం కూడా ఉంది.
ఇది కూడా చదవండి: తెలంగాణ ఎన్నికలపై కీలక విషయాలు వెల్లడించిన రాష్ట్ర ఎన్నికల ముఖ్య అధికారి
దేశంలోని ఇంటెలిజెన్స్ వ్యవస్థలోని లోపాలను సరిదిద్దడం, ఉగ్రవాదాన్ని ఎదుర్కోవడానికి చట్టపరమైన ఫ్రేమ్‌వర్క్‌ను బలోపేతం చేయడం, ఉగ్రవాద దాడులపై దర్యాప్తు చేయడానికి ప్రత్యేక ఏజెన్సీలను సృష్టించడం వంటివి ఇందులో ఉన్నాయి. ఉగ్రవాదుల దాడికి ముందు ముంబైలో కొన్ని చోట్ల మాత్రమే సీసీటీవీ కెమెరాలు ఉండేవి. ఇప్పుడు నగరంలోని ప్రతి మూలన సీసీటీవీ కెమెరాలు ఉన్నాయి. కొన్నిచోట్ల ప్రభుత్వం, కొన్ని చోట్ల ప్రజలు అమర్చారు. ప్రతి సంస్థ, దుకాణం, మాల్, షోరూమ్‌పై మూడో కన్ను ఉంటుంది.
ముంబై సముద్రాన్ని 4 లేయర్‌లుగా ఏర్పాటు చేసి కాపాడుతున్నారు
ముంబైలో అమర్చిన సీసీటీవీలు నేరుగా పోలీసు కంట్రోల్ రూమ్‌తో అనుసంధానం చేశారు. నిఘా వ్యవస్థను మరింత మెరుగుపరిచే పని కూడా చేశారు. గతంలో ముంబైలో ఒక ఏటీసీ యూనిట్ మాత్రమే ఉండేది. ఇప్పుడు చాలా యూనిట్లు నిర్మించారు. 90కి పైగా పోలీస్ స్టేషన్లు ఉన్నాయి. ప్రతి పోలీస్ స్టేషన్‌లో యాంటీ టెర్రర్ సెల్ ఉంది. స్పెషల్ బ్రాంచ్‌తో పాటు, ఏటీసీ కూడా నిఘాను సేకరించే పనిలో ఉంది. దీని కింద విదేశాల నుంచి వచ్చే వ్యక్తులను క్షుణ్ణంగా విచారిస్తున్నారు. గతంలో ముంబయిలో క్విక్ రెస్పాన్స్ టీమ్ (క్యూఆర్‌టి) ఉండేది. కానీ వారికి అందించిన సౌకర్యాలు కరువయ్యాయి. నేడు ఈ బృందం వద్ద అసంఖ్యాక పోలీసు బలగాలు, ఆధునిక ఆయుధాలు ఉన్నాయి. సముద్ర భద్రతను కూడా పెంచారు. దీని కింద ముంబై సముద్రం 4 పొరలుగా విభజించి పర్యవేక్షిస్తున్నారు. పక్షి తప్పించుకోలేనంత భద్రత ఏర్పాట్లు చేశారు. 20 మీటర్ల కంటే ఎక్కువ పొడవు ఉన్న అన్ని నౌకలకు ఆటోమేటిక్ ఐడెంటిఫికేషన్ సిస్టమ్ (AIS)ని ప్రభుత్వం తప్పనిసరి చేసింది.
ఇది కూడా చదవండి: రైల్వే స్టేషన్‌లో దారుణం.. పోలీసులం అంటూ బెదిరించి మహిళను పొదల్లోకి లాక్కెళ్లి లైంగిక దాడి
UAPA, NIA చట్టం ద్వారా ఏర్పాట్లు
26/11 దాడుల తర్వాత చట్టవిరుద్ధ కార్యకలాపాల నిరోధక చట్టాన్ని (UAPA) సవరించారు. దేశంలో తొలిసారిగా జాతీయ దర్యాప్తు సంస్థ (ఎన్‌ఐఏ) చట్టాన్ని పార్లమెంటు ఆమోదించింది. ఈ కేంద్ర ఏజెన్సీ ఏ రాష్ట్రంలో జరిగిన ఏదైనా దాడిపై స్వయంచాలకంగా దర్యాప్తు చేస్తుంది.
