AK-203 Rifles IN India : భారత్‌లో AK-203 తుపాకులు తయారీ..!
ప్రపంచ ఆయుధ చరిత్రలో విప్లవం సృష్టించిన AK-47 తుపాకీకి మించిన తుపాకీని తయారు చేస్తోంది భారత్. AK-47 కంటే మించిన AK-203 తుపాకులు తయారు చే్స్తోంది భారత్.
- Published By: 10TV Digital Team ,Published On : January 20, 2023 / 04:30 PM IST
AK-203 Rifles Made IN India
AK-203 Rifles IN India : చరిత్రలో ఓ విప్లవం క్రియేట్ చేసింది AK-47 తుపాకీ. ఆటోమేటిక్ రైఫిళ్లలో దీనంత విధ్వంసకారి మరొకటి లేదు అప్పట్లో. ఈనాటికి ఏకే -47 అంటే తెలియనివారుండరు ఆయుధాలపై అవగాహనలేనివారు కూడా. ఒక్కసారి ట్రిగ్గర్ నొక్కితే ధనా ధనా బుల్లెట్ల వర్షం కురవాల్సిందే. ఆయుధాల్లో ఈ తుపాకీ అత్యంత ప్రత్యేకమైనదీ ఏకే-47. రష్యా తయారు చేసిన ఈ తుపాకీ ప్రపంచ వ్యాప్తంగా ప్రాచుర్యం పొందింది. AK-47లో పేరులో AK అంటే ‘Avtomat Kalashnikova’ అని అర్థం..
47 అంటే 1947 ఏడాదిగా చెబుతారు. సోవియట్‌ యూనియన్‌కు చెందిన మిహాయిల్‌ Kalashnikov ఈ గన్ కనిపెట్టారు. దాంతో ఆయన పేరు మీదనే AK-47 అని పేరొచ్చింది. అప్పట్లో సోవియెట్‌ సైన్యం కోసం ఈ తుపాకీలను అతి రహస్యంగా తయారు చేశారు. 1919, నవంబర్‌ 10వ తేదీన జన్మించిన Kalashnikova రెండో ప్రపంచ యుద్ధం సమయంలో సోవియెట్‌ యుద్ధ ట్యాంక్‌ మెకానిక్‌గా పని చేశారు.ప్రపంచ వ్యాప్తంగా ఈ రష్యా తయారీ తుపాకీ కనిపిస్తుంది. సైనికులు,ఉగ్రవాదులు, అసాంఘిక శక్తుల చేతుల్లోనూ ఏకే-47 తుపాకులు ఉంటున్నాయి.
ఇంతకీ ఈ AK-47 తుపాకీ గురించి ఇప్పుడెందుకు అంటే అంతకు మించిన తుపాకీని తయారు చేస్తోంది భారత్. AK-47 తుపాకీ రష్యా తయారు చేసింది. ఇప్పుడు భారత్ కు మిత్ర దేశమైన రష్యాతో కలిసి భారత్ AK 203 తుపాకీ తయారు చేస్తోంది. ఇది AK-47కు బాబులాంటిది. అంతకు మించి అన్నట్లుగా ఉంటుంది ఈ AK-203..!!
భారత్-రష్యా సంయుక్తంగా ఈ AK-203ను తయారు చేస్తున్నాయి. భారత్-రష్యా సంయుక్త భాగస్వామ్యంతో ఉత్తరప్రదేశ్ అమేథీలోని కోర్వా ఆర్డినెన్స్ ఫ్యాక్టరీలో తొలి బ్యాచ్ తుపాకులు తయారయ్యాయి. ఇది 7.62 ఎంఎం తుపాకీ. త్వరలోనే ఈ తుపాకులు భారత సైన్యం చేతికి అందనున్నాయి. ప్రపంచ ప్రసిద్ధికెక్కిన బ్రాండ్ కలాష్నికోవ్ కు చెందిన ఏకే-200 సిరీస్ అస్సాల్ట్ రైఫిళ్లను ఉత్పత్తి చేయడం ప్రారంభించిన తొలిదేశం భారత్ కావడం విశేషం. భారత సైన్యం ఇప్పటివరకు ఇన్సాస్ రైఫిళ్లను వినియోగిస్తోంది. ఇకపై ఇన్సాస్ స్థానంలో భారత సైన్యం చేతుల్లో ఏకే-203 రైఫిళ్లు ఘర్జించనున్నాయి. ఈ తుపాకుల రేంజ్ గరిష్ఠంగా 800 మీటర్లు. నిమిషానికి 700 రౌండ్లు కాల్చే కెపాసిటీ కలిగి ఉంటుంది.
AK–47 సృష్టికర్త పేరే తుపాకీ పేరుతో ప్రాచుర్యం..
AK–47 తుపాకిలో ఏకే అంటే ‘Avtomat Kalashnikova’ అని అర్థం.. 47 అంటే 1947 ఏడాదిగా చెబుతారు. సోవియట్‌ యూనియన్‌కు చెందిన మిహాయిల్‌ Kalashnikov ఈ గన్ కనిపెట్టారు. దాంతో ఆయన పేరు మీదనే AK-47 అని పేరొచ్చింది. అప్పట్లో సోవియెట్‌ సైన్యం కోసం ఈ తుపాకీలను అతి రహస్యంగా తయారు చేశారు. 1919, నవంబర్‌ 10వ తేదీన జన్మించిన Kalashnikova రెండో ప్రపంచ యుద్ధం సమయంలో సోవియెట్‌ యుద్ధ ట్యాంక్‌ మెకానిక్‌గా పని చేశారు.
1941లో సోవియెట్‌పై జర్మనీ దురాక్రమణ సమయంలో ఆయన తీవ్రంగా గాయపడ్డారు. సోవియెట్‌ సైనికుల వద్ద పవర్‌ఫుల్ గన్స్ లేకపోవడం వల్లనే గాయపడాల్సి వచ్చిందని..అలాంటి తుపాకుల కోసం చాలా శ్రమించారు. అనేక గన్ మోడళ్ల రైపిల్స్ రూపొందించారు. చివరగా ఆయన AK-47 తుపాకీ మోడల్‌ను తయారు చేశారు. 1947లో మొట్టమొదటి సారిగా సోవియెట్‌ వీటి ఉత్పత్తిని ప్రారంభించింది. 1949లో ఈ తుపాకీలను అసాల్ట్‌ రైఫిల్‌గా సోవియట్‌ ఆర్మీ కొనుగోలు చేసింది.
వార్సా ఒప్పందం ద్వారా ఈ గన్స్ పలు దేశాలకు విస్తరించాయి.. వియత్నాం, అఫ్గానిస్థాన్, కొలంబియా, మొజాంబిక్‌ విప్లవాల్లో ఏకే–47 తుపాకులను వినియోగించారు. ఉపయోగించారు. అందుకే ఆ దేశ జెండాల్లో ఏకే–47 గన్ ఒక గుర్తుగా మిగిలిపోయింది. ఏకే–47 తుపాకుల ఉత్పత్తి దాదాపు దశాబ్దంపాటు కొనసాగింది. 1959లో AK-M పేరిట కొత్త వర్షన్‌ వచ్చింది. AK–47 తుపాకుల బరువును తగ్గించి, చౌక ధరకు ఈ కొత్త వర్షన్‌ను ఉత్పత్తి చేశారు.
ప్రపంచవ్యాప్తంగా ఏకే–47 తుపాకుల్లో 50 అమెరికా డాలర్లకు దొరికే వర్షన్లు లభ్యమవుతున్నాయి. AK-47 తుపాకుల్లో అనేక వెర్షన్లు తయారుచేసిన మిహాయిల్‌ కలష్నికోవ్‌ను స్టాలిన్‌ ప్రైజ్, ఆర్డర్‌ ఆఫ్‌ లెనిన్‌ అవార్డులు పొందారు. కలష్నికోవ్, 2013లో 94ఏళ్లకు మరణించారు.
ఆత్మరక్షణ కోసం సృష్టించిన AK–47 టెర్రరిస్టుల చేతుల్లో సామాన్యుల ప్రాణాలు తీస్తోందని తెలిసి కలష్నికోవ్ తన చివరి రోజుల్లో తీవ్ర ఆవేదనకు గురయ్యారు. అమాయక ప్రజల ప్రాణాలు తీస్తున్న ఈ ఏకే 47 గన్లకు తానే పూర్తి బాధ్యుడినని ఎంతో కుమిలిపోయారంట.. ప్రపంచవ్యాప్తంగా AK–47 తుపాకుల వల్ల కొన్ని కోట్ల మంది ప్రజలు మరణించారట..దటీజ్ AK -47..
