వేలంలో కోటి రూపాయలు పలికిన మోడీ ఫొటో

ప్రధానమంత్రి నరేంద్రమోడీకి గుజరాత్ సీఎం విజయ్ రూపానీ  బహుమతిగా ఇచ్చిన కొబ్బరికాయతో ఉన్న వెండి కలష్ వేలంలో  కోటి రూపాయలకు అమ్ముడుపోయింది. గడిచిన 6 నెలల్లో దేశంలో వివిధ ప్రాంతాల్లో మోడీ పర్యటించిన సమయంలో వచ్చిన బహుమతులను వేస్తున్న విషయం తెలిసిందే. ఈ క్రమంలో సోమవారం ఈ-వేలంలో ఈ కలష్ బేస్ ప్రైస్ 18వేల ఉండగా దీని కోసం కోటి రూపాయలకు అమ్ముడుపోయింది. నేషనల్ గ్యాలరీ ఆఫ్ మోడరన్ ఆర్ట్ దగ్గర  గ్యాలరీలో ఉంచబడిన మొదటి బ్యాచ్ వస్తువులలో ఈ కలష్ ఉంది.

కలష్ కాకుండా 1 కోట్ల రూపాయలకు విక్రయించిన మరో వస్తువు ప్రధానమంత్రి మోడీ ఫోటో స్టాండ్. దీని మూల ధర 500 రూపాయలు మాత్రమే. అయితే ఇదిొ కూడా కోటి రూపాయలకు అమ్ముడుపోయింది. ఒక ఆవు ఒక దూడకు మేత ఇచ్చే లోహ శిల్పం మూల ధర 1500 ఉండగా 51లక్షల రూపాయలకు అమ్ముడుపోయింది. అక్టోబర్ 3 వరకు www.pmmementos.gov.in వెబ్‌సైట్‌లో ఇ-వేలం జరుగుతోంది. ఈ ఏడాది వస్తువుల మూల ధర రూ .200 నుంచి రూ .2.5 లక్షల వరకు ఉంది. పీఎం మోడీ పోర్ట్రెయిట్స్‌లో అత్యధిక మూల ధర రూ .2 లక్షలు.

ఈ సంవత్సరం నేషనల్ గ్యాలరీ ఆఫ్ మోడరన్ ఆర్ట్‌లో షాల్స్, జాకెట్స్, పోర్ట్రెయిట్స్, కత్తులు, హెడ్‌గేర్లు వంటి వస్తువులతో సహా 2,772 మెమెంటోలను ప్రదర్శనకు ఉంచారు.