Supreme Court : కుమారి, శ్రీమతి అంటే తప్పేంటి? – సుప్రీంకోర్టు
పేరుకి ముందు శ్రీమతి, కుమారి అనే పదాలు అడగొద్దు.. అంటూ సుప్రీంకోర్టులో ఒక పిటిషన్ దాఖలైంది. ఈ పదాల ఎంపిక వారి ఇష్టాన్ని అనుసరించి ఉంటుందని.. దానిని నియంత్రించలేమని స్పష్టం చేస్తూ పిటిషన్‌ను కొట్టి పారేసింది సుప్రీంకోర్టు.
- Published By: 10TV Digital Team ,Published On : May 16, 2023 / 01:23 PM IST
supreme court
Supreme Court dismissed the petition : పెళ్లి కాని ఆడవారిని కుమారి.. అని పెళ్లైన వారిని శ్రీమతి అని సంభోదిస్తారు. అయితే పేరుకి ముందు ఇలాంటి పదాలు పెట్టుకోవాలని ఏ మహిళను అడగకూడదంటూ సుప్రీంకోర్టులో పిటిషన్ దాఖలైంది. ఈ పిటిషన్‌ను తాజాగా సుప్రీంకోర్టు కొట్టివేసింది.
ఆడవారు తమ పేరుకి ముందు మిస్, కుమారి, మిసెస్ లాంటి పదాలు పెట్టుకోవద్దు అని కోరుతూ సుప్రీంకోర్టులో పిటిషన్ దాఖలైంది. అయితే దీనిని పరిశీలించిన ఎస్.కే.కౌల్, ఎ.అమానుల్లాతో కూడిన ధర్మాసనం కొట్టివేసింది. ఈ పదాలు ఉపయోగించడం వారి వ్యక్తిగత విషయమని పేర్కొంది. ఈ పిటిషన్ కేవలం ప్రచారం కోసం చేస్తున్నట్లుగా ఉందని ధర్మాసనం వెల్లడించింది. ఈ పదాలు వాడాలని ఎవరైనా అనుకుంటే వారిని ఎలా నిరోధించగలుగుతాం అని బెంచ్ ప్రశ్నించింది.
Divorce : విడాకులపై సుప్రీంకోర్టు తీర్పుతో హిందూ వివాహ వ్యవస్థపై సరికొత్త చర్చ.. ఆ వాదన కరక్టేనా!?
ఇక ఇదే అంశంపై పిటిషనర్ తరపు న్యాయవాది మరిన్ని పత్రాలను సమర్పించాలని అనుకుంటున్నట్లు సుప్రీంకోర్టుకు తెలిపారు. అందుకు కోర్టు తిరస్కరించింది.
