వైసీపీలో మార్పులు చేర్పుల కసరత్తు పూర్తి..!

పలువురు సిట్టింగ్ లకు టికెట్లు నిరాకరించారు. కొత్త వారికి అవకాశం ఇచ్చారు. కొన్ని చోట్ల ఎమ్మెల్యేలకు స్థానచలనం కల్పించారు.

YCP Changes List

YSRCP Changes : వచ్చే ఎన్నికల్లో గెలుపే లక్ష్యంగా సీఎం జగన్ పార్టీలో భారీగా మార్పులు చేర్పులు చేస్తున్న సంగతి తెలిసిందే. పలు స్థానాల్లో ఇప్పటికే మార్పులు చేశారు జగన్. పలువురు సిట్టింగ్ ఎమ్మెల్యేలకు టికెట్లు నిరాకరించారు. కొత్త వారికి అవకాశం ఇచ్చారు. కొన్ని చోట్ల ఎమ్మెల్యేలకు స్థానచలనం కల్పించారు. మరికొన్ని చోట్ల ఎంపీలను ఎమ్మెల్యేలుగా బరిలోకి దింపుతున్నారు.

ఇప్పటికే 11 చోట్ల మార్పులతో వైసీపీ తొలి జాబితా విడుదలైన సంగతి తెలిసిందే. తాజాగా వైసీపీలో మార్పులు చేర్పులకు సంబంధించి పూర్తి కసరత్తు అయినట్లు తెలుస్తోంది. ఏ క్షణంలోనైనా వైసీపీ అభ్యర్థుల తుది జాబితా విడుదల కానుందని సమాచారం. ఫుల్ లిస్ట్ పై సజ్జల రామకృష్ణారెడ్డి ప్రకటన చేయనున్నారని తెలుస్తోంది. ఇప్పటికే 11 చోట్ల మార్పులు ప్రకటించిన వైసీపీ.. మిగిలిన మార్పులన్నీ ఒకేసారి అనౌన్స్ చేయనుంది.