David Warner : బిగ్‌బాష్ లీగ్‌లో డేవిడ్ వార్న‌ర్ సెంచ‌రీ.. ఎలైట్ జాబితాలో విరాట్ కోహ్లీ రికార్డు స‌మం..

బిగ్‌బిష్ లీగ్‌లో డేవిడ్ వార్న‌ర్ సిడ్నీ థండ‌ర్ కు ప్రాతినిధ్యం వ‌హిస్తూ శత‌కంతో (David Warner) చెల‌రేగాడు.

David Warner : బిగ్‌బాష్ లీగ్‌లో డేవిడ్ వార్న‌ర్ సెంచ‌రీ.. ఎలైట్ జాబితాలో విరాట్ కోహ్లీ రికార్డు స‌మం..

Big Bash League Warner equals Kohli in elite list with masterclass century

Updated On : January 4, 2026 / 9:35 AM IST
  • బిగ్‌బిష్ లీగ్‌లో డేవిడ్ వార్న‌ర్ విధ్వంసం
  • సిడ్నీ థండ‌ర్ కు ప్రాతినిధ్యం వ‌హిస్తూ హోబ‌ర్ట్ పై విధ్వంస‌క‌ర శ‌త‌కం
  • టీ20ల్లో వార్న‌ర్‌కు ఇది 9వ శ‌త‌కం

David Warner : అంత‌ర్జాతీయ క్రికెట్ కు వీడ్కోలు ప‌లికిన డేవిడ్ వార్న‌ర్ ప్ర‌స్తుతం వివిధ టీ20 లీగుల్లో మాత్రం ఆడుతున్న సంగ‌తి తెలిసిందే. ప్ర‌స్తుతం అత‌డు బిగ్‌బాష్ లీగ్ 2025-26 ఆడుతున్నాడు. సిడ్నీ థండ‌ర్ జ‌ట్టుకు ప్రాతినిధ్యం వ‌హిస్తున్నాడు. శ‌నివారం హోబ‌ర్ట్ హ‌రికేన్స్‌తో జ‌రిగిన మ్యాచ్‌లో అత‌డు విధ్వంస‌కర సెంచ‌రీతో చెల‌రేగాడు.

కాగా.. టీ20ల్లో వార్న‌ర్‌కు ఇది తొమ్మిదో సెంచ‌రీ. ఈ క్ర‌మంలో టీ20ల్లో అత్య‌ధిక సెంచ‌రీలు చేసిన ఆట‌గాళ్ల జాబితాలో విరాట్ కోహ్లీ, రిలీ రూసోల‌తో క‌లిసి వార్న‌ర్ (David Warner) సంయుక్తంగా మూడో స్థానంలో నిలిచాడు. ఈ జాబితాలో క్రిస్ గేల్‌(22), బాబ‌ర్ ఆజామ్ (11)లు వ‌రుస‌గా తొలి రెండు స్థానాల్లో ఉన్నారు.

BCB : బీసీసీఐ పై ప్ర‌తీకారం తీర్చుకునేందుకు సిద్ద‌మైన బంగ్లాదేశ్ క్రికెట్ బోర్డు..! ముస్తాఫిజుర్ విష‌యంలో.. ఎలాగంటే?

ఇక మ్యాచ్ విష‌యానికి వ‌స్తే.. ఈ మ్యాచ్‌లో మొత్తంగా 65 బంతుల‌ను ఎదుర్కొన్న వార్న‌ర్ 11 ఫోర్లు, 9 సిక్స‌ర్ల సాయంతో 130 ప‌రుగుల‌తో అజేయంగా నిలిచాడు. వార్న‌ర్ ధాటికి తొలుత బ్యాటింగ్ చేసిన సిడ్నీ థండ‌ర్ జ‌ట్టు నిర్ణీత 20 ఓవ‌ర్ల‌లో 4 వికెట్ల న‌ష్టానికి 205 ప‌రుగులు చేసింది.

KKR : బీసీసీఐ ఆదేశాల‌పై స్పందించిన కేకేఆర్.. మేము అత‌డిని వ‌దిలివేస్తున్నాం..

ఆ త‌రువాత టిమ్ వార్డ్ (90; 49 బంతుల్లో 10 ఫోర్లు, 3 సిక్స‌ర్లు), మిచెల్ ఓవెన్ (45; 18 బంతుల్లో 2 ఫోర్లు, 5 సిక్స‌ర్లు), నిఖిల్ చౌదరి (29 నాటౌట్; 14 బంతుల్లో 3 ఫోర్లు, 2 సిక్స‌ర్లు) మెరుపులు మెరిపించ‌డంతో 206 ప‌రుగుల ల‌క్ష్యాన్ని హోబ‌ర్ట్ 17.5 ఓవ‌ర్ల‌లో 4 వికెట్లు కోల్పోయి అందుకుంది. సిడ్నీ బౌల‌ర్ల‌లో డేనియల్ సామ్స్ మూడు వికెట్లు తీశాడు.