Virat Kohli : కోహ్లీ వన్డే ర్యాంకింగ్ విషయంలో ఐసీసీ బిగ్ మిస్టేక్.. 722 రోజులు.. ఫ్యాన్స్ చూడబట్టి సరిపోయింది గానీ.. లేదంటేనా?
వన్డే ర్యాంకింగ్స్ బ్యాటింగ్ విభాగంలో కోహ్లీ (Virat Kohli) ఎన్ని రోజులు అగ్రస్థానంలో ఉన్నాడు అనే విషయంలో ఐసీసీ ఓ తప్పు చేసింది.
- Published By: 10TV Digital Team ,Published On : January 16, 2026 / 02:41 PM IST
ICC Massive Blunder On Virat Kohli No1 ODI Ranking
- కోహ్లీ విషయంలో ఐసీసీ మిస్టేక్
- వన్డే బ్యాటర్ల ర్యాంకింగ్స్లో అగ్రస్థానంలో ఎన్ని రోజులు ఉన్నాడనే విషయంలో
- తొలుత 825 రోజులు అని పోస్ట్
Virat Kohli : టీమ్ఇండియా సీనియర్ ఆటగాడు విరాట్ కోహ్లీ ప్రస్తుతం భీకర ఫామ్లో ఉన్నాడు. అంతర్జాతీయ క్రికెట్లో టెస్టులు, టీ20లకు వీడ్కోలు పలికిన ఈ రన్ మెషీన్ వన్డేల్లో అదరగొడుతున్నాడు. గత ఆరు మ్యాచ్ల్లో ఐదు సార్లు 50 లేదా అంతకంటే ఎక్కువ పరుగులను సాధించాడు. ఈ క్రమంలోనే అంతర్జాతీయ క్రికెట్ కౌన్సిల్ (ఐసీసీ) తాజాగా ప్రకటించిన వన్డే ర్యాంకింగ్స్లో అగ్రస్థానానికి చేరుకున్నాడు. నాలుగేళ్ల తరువాత కోహ్లీ వన్డే ర్యాంకింగ్స్లో నంబర్ 1 స్థానానికి చేరడంతో ఫ్యాన్స్ సంబరాలు చేసుకుంటున్నారు.
అయితే.. కోహ్లీ నంబర్ 1 ర్యాంక్ విషయంలో ఐసీసీ బిగ్ మిస్టేక్ చేసింది. వన్డే ర్యాంకింగ్స్ బ్యాటింగ్ విభాగంలో కోహ్లీ ఎన్ని రోజులు నంబర్-1 స్థానంలో ఉన్నాడు అనే విషయాన్ని లెక్కించడంతో ఐసీసీ తప్పు చేసింది. తొలుత 825 రోజులు అని చెప్పింది. ఈ క్రమంలో అతడు వన్డే ర్యాంకింగ్స్ బ్యాటింగ్ విభాగంలో టాప్-1లో అత్యధిక రోజులు ఉన్న ప్లేయర్ల జాబితాలో 10వ స్థానంలో నిలిచాడని తెలిపింది.
RCB : పార్టీలో ఆర్సీబీ ప్లేయర్ల జోష్ చూశారా?
🚨ICC deleted this post after massive backlash from Virat Kohli fans and corrected their mistake.
ICC mentioned that Virat Kohli spent 825 days as the No.1 ODI batter, but in reality, he held the top spot for 1,547 days.
How can a big cricketing body like the ICC make such a… pic.twitter.com/2QHC5KMeSV
— Mention Cricket (@MentionCricket) January 15, 2026
వెంటనే ఐసీసీ చేసిన తప్పును అభిమానులు కనిపెట్టేశారు. వాస్తవానికి కోహ్లీ 1547 రోజులు ఐసీసీ వన్డే బ్యాటర్ల ర్యాంకింగ్స్లో అగ్రస్థానంలో ఉన్నాడు. ఈ ఈ విషయాన్ని గతంలో ఐసీసీ ప్రకటించింది కూడా. ఇక అభిమానులు కూడా ఇదే విషయాన్ని ఐసీసీ దృష్టికి తీసుకువెళ్లారు.
IND vs NZ : ఓటమి బాధలో ఉన్న టీమ్ఇండియాకు మరో షాక్..
ఇక ఐసీసీ తాము చేసిన తప్పును సరిదిద్దుకుంది. పాత పోస్ట్ను డిలీట్ చేసింది. 1547 రోజులు కోహ్లీ నంబర్ 1 వన్డే బ్యాటర్గా కొనసాగాడని పోస్ట్ చేసింది.
‘టీమ్ఇండియా మాజీ కెప్టెన్ కోహ్లీ తొలిసారి అక్టోబర్ 2013లో వన్డే ర్యాంకింగ్స్లో అగ్రస్థానానికి చేరుకున్నాడు. ఇప్పటి వరకు అతడు మొత్తం 1547 రోజులు నంబర్-1 స్థానంలో ఉన్నాడు. ఏ టీమ్ఇండియా ప్లేయర్ కూడా ఇన్ని రోజులు అగ్రస్థానంలో లేడు. ఇక ఓవరాల్ చూస్తే..విండీస్ దిగ్గజం వివ్ రిచర్డ్స్ (2306 రోజులు) తొలి స్థానంలో ఉండగా, కోహ్లీ మూడో స్థానంలో ఉన్నాడు.’ అని ఐసీసీ వివరణ ఇచ్చింది.
