IPL2022 LSJ Vs GJ : రెచ్చిపోయిన రాహుల్ తెవాటియా.. లక్నోపై గుజరాత్ థ్రిల్లింగ్ విక్టరీ
ఉత్కంఠ పోరులో లక్నోపై గుజరాత్ థ్రిల్లింగ్ విక్టరీ కొట్టింది. 5 వికెట్ల తేడాతో గెలుపొందింది.(IPL2022 LSJ Vs GJ)
- Published By: 10TV Digital Team ,Published On : March 28, 2022 / 11:40 PM IST
Ipl2022 Lsj Vs Gj
IPL2022 LSJ Vs GJ : ఐపీఎల్ 2022 సీజన్ 15 లో భాగంగా నేడు రెండు కొత్త జట్లు లక్నో సూపర్ జెయింట్స్, గుజరాత్ టైటాన్స్ తలపడ్డాయి. ముంబైలోని వాంఖడే స్టేడియం వేదికగా జరిగిన ఈ ఉత్కంఠ పోరులో లక్నోపై గుజరాత్ థ్రిల్లింగ్ విక్టరీ కొట్టింది. 5 వికెట్ల తేడాతో గుజరాత్ టైటాన్స్ గెలుపొందింది. బౌలింగ్‌లో షమీ (3/25) మెరుపులకు తోడు కీలక సమయంలో రాహుల్ తెవాటియా (24 బంతుల్లో 40 పరుగులు నాటౌట్.. 4×5, 6×2) దంచికొట్టడంతో.. గుజరాత్ గెలుపు బోణీ కొట్టింది.
లక్నో నిర్దేశించిన 159 పరుగుల టార్గెట్ ను హార్ధిక్ సేన 19.4 ఓవర్లలోనే 5 వికెట్లు కోల్పోయి చేధించింది. గుజరాత్ బ్యాటర్లలో రాహుల్ తెవాటియా అదరగొట్టాడు. 24 బంతుల్లోనే 40 పరుగులు చేసి జట్టు విజయంలో కీ రోల్ ప్లే చేశాడు. అతడి స్కోర్ లో 5 ఫోర్లు, రెండు సిక్సులు ఉన్నాయి.
హార్దిక్ పాండా కెప్టెన్ ఇన్నింగ్స్ ఆడాడు. 28 బంతుల్లో 33 పరుగుల చేశాడు. 5 ఫోర్లు, ఒక సిక్స్ బాదాడు. డేవిడ్ మిల్లర్ (21 బంతుల్లో 30 పరుగులు), వేడ్ (29 బంతుల్లో 30 పరుగులు), సదర్ గనీ(15*) రాణించారు.(IPL2022 LSJ Vs GJ)
లక్నో బౌలర్లలో చమీరా రెండు వికెట్లు తీశాడు. అవేశ్ ఖాన్, కృనాల్ పాండ్య, దీపక్ హుడా తలో వికెట్ పడగొట్టారు. తొలుత బ్యాటింగ్ చేసిన లక్నో జట్టు నిర్ణీత ఓవర్లలో 6 వికెట్ల నష్టానికి 158 పరుగులు చేసింది.
IPL 2022: ధోనీతో పోటీ పడాలనుకుంటున్నా – హార్దిక్ పాండ్యా
ముంబయిలోని వాంఖడే స్టేడియంలో తొలుత బ్యాటింగ్ చేసిన లక్నో జట్టు నిర్ణీత 20 ఓవర్లలో 6 వికెట్లకు 158 పరుగులు చేసింది. ఇన్నింగ్స్ తొలి బంతికే కెప్టెన్ కేఎల్ రాహుల్ డకౌట్ కావడంతో లక్నో శిబిరం దిగ్భ్రాంతికి గురైంది. రాహుల్ ను ఔట్ చేసిన షమీ అదే ఊపులో డికాక్ (7), మనీష్ పాండే (6)లను కూడా ఔట్ చేయడంతో లక్నో కష్టాల్లో పడింది. మరోవైపు వరుణ్ ఆరోన్ కూడా విజృంభించి ఎవిన్ లూయిస్ (10)ని పెవిలియన్ చేర్చాడు.
ఈ దశలో దీపక్ హుడా (55), ఆయుష్ బదోని (54) అద్భుతంగా ఆడి జట్టు స్కోరును 100 మార్కు దాటించారు. లక్నో జట్టు ఆ మాత్రం స్కోరు చేసిందంటే వీళ్లద్దరి చలవే. దీపక్ హుడా, ఆయుష్ జట్టుని ఆదుకున్నారు. స్కోర్ బోర్డును పరుగులు పెట్టించారు. ఆఖర్లో కృనాల్ పాండ్యా (13 బంతుల్లో 21 నాటౌట్) ధాటిగా ఆడాడు. గుజరాత్ బౌలర్లలో షమీ 3 వికెట్లు తీశాడు. వరుణ్ ఆరోన్ 2 వికెట్లు, రషీద్ ఖాన్ 1 వికెట్ పడగొట్టారు. లక్నో సూపర్ జెయింట్స్, గుజరాత్ టైటాన్స్ ఐపీఎల్ లో అరంగ్రేటం చేశాయి.
ఐపీఎల్ 2022 సీజన్ 15-లో ఈసారి 10 జట్లు ఆడుతుండడం తెలిసిందే. కొత్తగా గుజరాత్ టైటాన్స్, లక్నో సూపర్ జెయింట్స్ జట్లు ఎంట్రీ ఇచ్చాయి. గుజరాత్ జట్టుకు హర్దిక్ పాండ్యా నాయకత్వం వహిస్తుండగా, లక్నో జట్టుకు కేఎల్ రాహుల్ కెప్టెన్ గా వ్యవహరిస్తున్నాడు. వీరిద్దరూ బెస్ట్ ఫ్రెండ్స్ గా గుర్తింపు పొందారు. అయితే మైదానంలో ప్రత్యర్థులుగా బరిలోకి దిగారు. ఇకపోతే.. హార్దిక్ పాండ్యా సోదరుడు కృనాల్ పాండ్యా లక్నో జట్టులో ఉన్నాడు.
IPL 2022 : రోహిత్ శర్మకు రూ.12 లక్షల జరిమానా.. హిట్ మ్యాన్ చేసిన తప్పు ఇదే..!
భారత క్రికెట్ రంగంలో హార్దిక్, కృనాల్ పాండ్యా, కేఎల్ రాహుల్… ముగ్గురూ చాలాకాలంగా మిత్రులు. వీళ్లు ఎక్కడ ఉన్నా అక్కడ సందడి నెలకొంటుంది. సోషల్ మీడియాలో వీళ్ల దోస్తీకి సంబంధించి అనేక ఫొటోలు దర్శనమిస్తాయి.
