RR vs CSK : ఇటు ధోనికి ఒక‌టి, అటు సంజు శాంస‌న్‌కి రెండు.. 350ని చేరుకునేది ఎవ‌రు?
మంగ‌ళ‌వారం అరుణ్‌జైట్లీ స్టేడియం వేదిక‌గా రాజ‌స్థాన్ రాయ‌ల్స్‌తో చెన్నై సూప‌ర్ కింగ్స్ త‌ల‌ప‌డ‌నుంది.
- Published By: 10TV Digital Team ,Published On : May 20, 2025 / 03:20 PM IST
Courtesy BCCI
ఐపీఎల్ 2025 సీజ‌న్‌లో భాగంగా మంగ‌ళ‌వారం చెన్నై సూప‌ర్ కింగ్స్‌తో రాజ‌స్థాన్ రాయ‌ల్స్ త‌ల‌ప‌డ‌నుంది. ఢిల్లీలోని అరుణ్ జైట్లీ స్టేడియం ఈ మ్యాచ్ కు వేదిక కానుంది. కాగా.. ఇప్ప‌టికే చెన్నై, రాజ‌స్థాన్‌లు ప్లేఆఫ్స్ రేసు నుంచి నిష్ర్క‌మించ‌డంతో ఈ మ్యాచ్ నామ‌మాత్రంగానే మారింది. అయితే.. ఇరు జ‌ట్ల కెప్టెన్లు మాత్రం ఓ అరుదైన మైలురాయి పై క‌న్నేశారు.
నేటి మ్యాచ్‌లో ధోని గ‌నుక ఓ సిక్స్ కొడితే టీ20ల్లో 350 సిక్స‌ర్లు మైలురాయిని చేరుకుంటాడు. అటు సంజూశాంస‌న్ రెండు సిక్స‌ర్లు బాదితే ఈ మైలురాయిని అందుకుంటాడు. వీరిలో ఎవ‌రు 350 సిక్స‌ర్ల మైలురాయిని అందుకుంటారో చూడాల్సిందే. ఇప్ప‌టి వ‌ర‌కు టీ20ల్లో 33 మంది క్రికెట‌ర్లు మాత్ర‌మే ఈ మైలురాయిని చేరుకున్నారు.
LSG : ప్లే ఆఫ్స్ రేసు నుంచి ల‌క్నో ఔట్‌.. ఓన‌ర్ సంజీవ్ గొయెంకా ట్వీట్ వైర‌ల్‌..
టీ20ల్లో అత్య‌ధిక సిక్స‌ర్లు కొట్టిన జాబితాలో వెస్టిండీస్ దిగ్గ‌జ ఆట‌గాడు క్రిస్‌గేల్ అగ్ర‌స్థానంలో ఉన్నాడు. గేల్ 463 మ్యాచ్‌ల్లో 1056 సిక్స‌ర్ల‌ను బాదాడు. ఆ త‌రువాతి స్థానాల్లో పొలార్డ్‌, ఆండ్రీ రసెల్, నికోలస్ పూరన్, అలెక్స్ హేల్స్ త‌దిత‌రులు ఉన్నారు.
టీ20ల్లో అత్య‌ధిక సిక్స‌ర్లు కొట్టిన ప్లేయ‌ర్లు వీరే..
* క్రిస్ గేల్ – 463 మ్యాచ్‌ల్లో 1056 సిక్స‌ర్లు
* కీర‌న్ పోలార్డ్ – 695 మ్యాచ్‌ల్లో 908 సిక్స‌ర్లు
* ఆండ్రీ రసెల్ – 550 మ్యాచ్‌ల్లో 747 సిక్స‌ర్లు
* నికోలస్ పూరన్ – 396 మ్యాచ్‌ల్లో 634 సిక్స‌ర్లు
* అలెక్స్ హేల్స్ – 495 మ్యాచ్‌ల్లో 560 సిక్స‌ర్లు
* కొలిన్ మున్రో – 441 మ్యాచ్‌ల్లో 557 సిక్స‌ర్లు
* రోహిత్ శ‌ర్మ – 459 మ్యాచ్‌ల్లో 542 సిక్స‌ర్లు
* జోస్‌ బట్లర్ – 446 మ్యాచ్‌ల్లో 537 సిక్స‌ర్లు
* గ్లెన్ మాక్స్‌వెల్ – 466 మ్యాచ్‌ల్లో 530 సిక్స‌ర్లు
ఈ సీజ‌న్‌లో ఇప్ప‌టి వ‌ర‌కు ధోని 11 మ్యాచ్‌ల్లో 25.71 స‌గ‌టు 140.62 స్ట్రైక్‌రేటుతో 180 ప‌రుగులు చేశాడు.
