రెండు రోజుల్లోనే ముగిసిన ఇండియా, సౌతాఫ్రికా సెకండ్ టెస్ట్‌

ఇండియా, సౌతాఫ్రికా సెకండ్ టెస్ట్‌ రెండు రోజుల్లోనే ముగిసింది. ఫస్ట్ టెస్ట్ లో ఓటమికి టీమిండియా బదులు తీర్చుకుంది. దక్షిణాఫ్రికాను 7 వికెట్ల తేడాతో చిత్తు చేసింది.

South Africa vs India 2nd Test Day 2 Updates and Highlights

IND vs SA 2nd Test: సౌతాఫ్రికాతో జరిగిన రెండో టెస్ట్ మ్యాచ్ లో టీమిండియా 7 వికెట్ల తేడాతో ఘన విజయం సాధించింది. దక్షిణాఫ్రికా నిర్దేశించిన 79 పరుగుల లక్ష్యాన్ని 12 ఓవర్లలో 3 వికెట్లు కోల్పోయి చేరుకుంది. యశస్వి జైశాల్ 28, శుభ్‌మన్ గిల్ 10, విరాట్ కోహ్లి 12 పరుగులు చేసి అవుటయ్యారు. రోహిత్ శర్మ(17), శ్రేయస్ అయ్యర్(4) నాటౌట్ గా నిలిచారు. రెండు రోజుల్లోనే మ్యాచ్ ముగియడం విశేషం.

కోహ్లి అవుట్..
75 పరుగుల వద్ద టీమిండియా మూడో వికెట్ నష్టపోయింది. విరాట్ కోహ్లి 12 పరుగులు చేసి మార్కో జాన్సెన్ బౌలింగ్ లో అవుటయ్యాడు.

గిల్ అవుట్.. మూడో వికెట్ అవుట్
68 పరుగుల వద్ద టీమిండియా రెండో వికెట్ నష్టపోయింది. శుభ్‌మన్ గిల్ 10 పరుగులు చేసి రబడ బౌలింగ్‌లో క్లీన్‌బౌల్డ్ అయ్యాడు.

జైశాల్ అవుట్, ఫస్ట్ వికెట్ డౌన్
జైశాల్ అవుట్, ఫస్ట్ వికెట్ డౌన్ స్వల్ప లక్ష్యాన్ని ఛేదించేందుకు బరిలోకి దిగిన భారత్ 44 పరుగుల వద్ద తొలి వికెట్ కోల్పోయింది. యశస్వి జైశాల్ 28 పరుగులు చేసి అవుటయ్యాడు.

సౌతాఫ్రికా 176 ఆలౌట్.. భారత్ టార్గెట్ 79
రెండో టెస్ట్ లో టీమిండియాకు సౌతాఫ్రికా 79 పరుగుల టార్గెట్ పెట్టింది. సెకండ్ ఇన్నింగ్స్ లో సఫారీ టీమ్ 36.5 ఓవర్లలో 176 పరుగులకు ఆలౌటైంది. ఓపెనర్ ఐడెన్ మార్క్రామ్ సెంచరీ(106)తో జట్టును ఆదుకున్నాడు. మిగతా ఆటగాళ్లతో ముగ్గురు మాత్రమే డబుల్ డిజిట్ స్కోరు చేయగలిగారు. భారత బౌలర్లలో బుమ్రా 6 వికెట్లు పడగొట్టాడు. ముకేశ్ కుమార్ 2 వికెట్లు తీశాడు. సిరాజ్, ప్రసిద్ధ్ కృష్ణ చెరో వికెట్ దక్కించుకున్నారు.

మార్క్రామ్ సెంచరీ
సౌతాఫ్రికా ఓపెనర్ ఐడెన్ మార్క్రామ్ సెంచరీతో చెలరేగాడు. 99 బంతుల్లో 16 ఫోర్లు, 2 సిక్సర్లతో సెంచరీ పూర్తి చేశాడు. ఒకవైపు వికెట్లు పడుతున్నా పట్టుదలతో ఆడి సెంచరీ కొట్టాడు. 103 బంతుల్లో 106 పరుగులు చేసి 8వ వికెట్ గా పెవిలియన్ చేరాడు. మార్క్రామ్ ను సిరాజ్ అవుట్ చేశాడు.

కేశవ్ మహరాజ్ అవుట్
111 పరుగుల స్కోరు వద్ద దక్షిణాఫ్రికా ఏడో వికెట్ నష్టపోయింది. కేశవ్ మహరాజ్ 3 పరుగులు చేసి బుమ్రా బౌలింగ్ లో అవుటయ్యాడు. ఇప్పటివరకు బుమ్రా 5 వికెట్లు పడగొట్టాడు. ముఖేశ్ కుమార్ 2 వికెట్లు తీశాడు.

జాన్సెన్ అవుట్.. ఆరో వికెట్ డౌన్
106 పరుగుల స్కోరు వద్ద దక్షిణాఫ్రికా ఆరో వికెట్ చేజార్చుకుంది. బుమ్రా బౌలింగ్ లో మార్కో జాన్సెన్(11) అవుటయ్యాడు

మార్క్రామ్ హాఫ్ సెంచరీ
సౌతాఫ్రికా సెకండ్ ఇన్నింగ్స్‌లో ఓపెనర్ ఐడెన్ మార్క్రామ్ హాఫ్ సెంచరీ చేశాడు. భారత బౌలర్లను ధీటుగా ఎదుర్కొని 68 బంతుల్లో 8 ఫోర్లతో అర్ధసెంచరీ పూర్తి చేశాడు.

వెర్రెయిన్ అవుట్.. 5వ వికెట్ డౌన్
సౌతాఫ్రికా వరుసగా వికెట్లు కోల్పోతోంది. 85 పరుగుల వద్ద ఐదో వికెట్ కోల్పోయింది. వికెట్ కీపర్ కైల్ వెర్రెయిన్ 9 పరుగులు చేసి బుమ్రా బౌలింగ్ లో పెవిలియన్ చేరాడు. ఐడెన్ మార్క్రామ్(46) ఒంటరి పోరాటం చేస్తున్నాడు.

బెడింగ్‌హామ్ అవుట్.. 4వ వికెట్ డౌన్
సౌతాఫ్రికా 66 పరుగుల వద్ద నాలుగో వికెట్ నష్టపోయింది. డేవిడ్ బెడింగ్‌హామ్(11) బుమ్రా బౌలింగ్ లో అవుటయ్యాడు.

రెండో రోజు ఆట ప్రారంభం
ఇండియా, సౌతాఫ్రికా జట్ల మధ్య కేప్‌టౌన్‌ వేదికగా జరుగుతున్న రెండోటెస్టులో గురువారం రెండో రోజు ఆట ప్రారంభమైంది. 62/3 స్కోరుతో దక్షిణాఫ్రికా రెండో ఆట ఆరంభించింది. బుధవారం తొలి రోజు ఆటలో ఇరు జట్ల బౌలర్లు ఏకంగా 23 వికెట్లు పడగొట్టడం విశేషం. టాస్ గెలిచి ఫస్ట్ బ్యాటింగ్ చేసిన దక్షిణాఫ్రికా 55 పరుగులకే కుప్పకూలింది. తర్వాత బ్యాటింగ్ కు దిగిన భారత్ 153 పరుగులకు ఆలౌటైంది.