India tour Of Zimbabwe : అలా టీ20 ప్రపంచకప్ అయిపోగానే.. ఇలా జింబాబ్వేకు వెళ్లనున్న భారత క్రికెటర్లు
వెస్టిండీస్, అమెరికాలు సంయుక్తంగా ఆతిథ్యం ఇస్తున్న టీ20 ప్రపంచకప్ 2024 ముగిసిన వెంటనే టీమ్ఇండియా, జింబాబ్వే జట్ల మధ్య టీ20 సిరీస్ జరగనుంది.
![India tour Of Zimbabwe : అలా టీ20 ప్రపంచకప్ అయిపోగానే.. ఇలా జింబాబ్వేకు వెళ్లనున్న భారత క్రికెటర్లు India tour Of Zimbabwe : అలా టీ20 ప్రపంచకప్ అయిపోగానే.. ఇలా జింబాబ్వేకు వెళ్లనున్న భారత క్రికెటర్లు](https://10tv.in/wp-content/uploads/2024/02/New-Project-5-6.jpg)
India tour Of Zimbabwe
Team India : జూలైలో భారత జట్టు జింబాబ్వే పర్యటనకు వెళ్లనుంది. వెస్టిండీస్, అమెరికాలు సంయుక్తంగా ఆతిథ్యం ఇస్తున్న టీ20 ప్రపంచకప్ 2024 ముగిసిన వెంటనే టీమ్ఇండియా, జింబాబ్వే జట్ల మధ్య టీ20 సిరీస్ జరగనుంది. జూలై 6 తేదీ నుంచి ఈ సిరీస్ ఆరంభం కానుంది. మొత్తం ఐదు టీ20 మ్యాచుల్లో భారత్, జింబాబ్వేలు తలపడనున్నాయి. ఈ పర్యటనకు సంబంధించిన వివరాలను జింబాబ్వే క్రికెట్ బోర్డు వెల్లడించింది.
హరారే స్పోర్ట్స్ క్లబ్లో జూలై 6, 7, 10, 13, 14 తేదీల్లో మ్యాచులు జరగనున్నాయి. తమ దేశంలో ఈ ఏడాది జరిగే అతిపెద్ద అంతర్జాతీయ ఈవెంట్ ఇదేనని, భారత జట్టు తమ దేశంలో పర్యటించేందుకు ఒప్పుకున్నందుకు ఎంతో ఆనందంగా ఉన్నట్లు జింబాబ్వే క్రికెట్ చైర్మన్ తవెంగ్వా ముకుహ్లానీ తెలిపారు.
IND vs ENG : అబుదాబిలో ఇంగ్లాండ్ జట్టు ఏం చేస్తుందో తెలుసా?
ఈ పర్యటనపై బీసీసీఐ సెక్రటరీ జే షా మాట్లాడుతూ.. ప్రపంచ వ్యాప్తంగా క్రికెట్ కమ్యూనిటీకి సహకారం అందించడంలో బీసీసీఐ ఎల్లప్పుడూ మార్గదర్శక పాత్ర పోషిస్తుందన్నారు. ఇది జింబాబ్వేకి పునర్నిర్మాణ కాలం అని తాము అర్థం చేసుకున్నట్లు చెప్పారు.
India Tour of Zimbabwe
🗓️ July 2024
5⃣ T20Is 🙌
📍 HarareMore details 👉 https://t.co/lmtzVUZNCq#TeamIndia | #ZIMvIND pic.twitter.com/CgVkLS8JIB
— BCCI (@BCCI) February 6, 2024
షెడ్యూల్ ఇదే..
తొలి టీ20 – జూలై 6
రెండవ టీ20 – జూలై 7
మూడో టీ20 – జూలై 10
నాలుగో టీ20 – జూలై 13
ఐదో టీ20 – జూలై 14
AUS vs WI : చరిత్ర సృష్టించిన ఆస్ట్రేలియా.. 6.5 ఓవర్లలో ముగిసిన వన్డే!