Allyson Felix : స్వర్ణాల రాణి,ఒలింపిక్స్ లో 10 పతకాలు సాధించిన క్రీడాకారిణిగా రికార్డు
ఒలింపిక్స్ లో 10 పతకాలు సాధించిన క్రీడాకారిణిగా అరుదైన రికార్డును క్రియేట్ చేశారు అమెరికాకు చెందిన మహిళా స్టార్‌ అథ్లెట్ అలీసన్ ఫెలిక్స్. ఒలింపిక్స్ అథ్లెటిక్స్‌ క్రీడాంశంలో అత్యధిక పతకాలు సాధించిన క్రీడాకారిణిగా అలీసన్ కొత్త చరిత్ర లిఖించారు.
- Published By: 10TV Digital Team ,Published On : August 7, 2021 / 05:30 PM IST
Allyson Felix
Allyson Felix 10th Olympic Medal: ఒలింపిక్స్ కు అర్హత సాధించటమే ఘనత అయితే దాంట్లో పతకం సాధించటం మరో ఘనత. అటువంటిది ఏకంగా ఒలింపిక్స్ అథ్లెటిక్స్‌ లో ఒకటి రెండూ కాదు ఏకంగా 10 పతకాలు సాధించిన మహిళ సరికొత్త రికార్డు సృష్టించారు అమెరికా మహిళా స్టార్‌ అథ్లెట్ అలీసన్ ఫెలిక్స్. ఒలింపిక్స్ అథ్లెటిక్స్‌ క్రీడాంశంలో అత్యధిక పతకాలు సాధించిన క్రీడాకారిణిగా అలీసన్ కొత్త చరిత్ర లిఖించారు.టోక్యో ఒలింపిక్స్‌లో శుక్రవారం (ఆగస్టు 6,2021) జరిగిన మహిళల 400 మీటర్ల ఫైనల్‌ రేసులో 35 ఏళ్ల ఫెలిక్స్ 49.46 సెకన్లలో గమ్యానికి చేరి మూడో స్థానంలో నిలిచి కాంస్య పతకాన్ని కైవసం చేసుకున్నారు. ఈ పతకంతో 10 ఒలింపిక్‌ మెడల్స్‌ (6 స్వర్ణాలు, 3 రజతాలు, 1 కాంస్యం)తో ట్రాక్‌ అండ్‌ ఫీల్డ్‌లో అత్యధిక పతకాలు సాధించిన మహిళగా ఘనతకెక్కింది.
ఈ పతకాల్లో 6 స్వర్ణపతకాలే కావటం విశేషం. మిగతావి మూడు రజతాలు, ఒక కాంస్యంతో ఈ రికార్డును సాధించారు అలీసన్ ఫెలిక్స్. టోక్యో ఒలింపిక్స్ కంటే ముందు వరకు ఈ రికార్డు జమైకా అథ్లెట్ మెర్లిన్ ఒట్టి పేరుతో ఉండగా ఆ రికార్డును ఫెలిక్స్ బద్దలు కొట్టారు. మెర్లిన్ 9 పతకాలు సాధించగా ఫెలిక్స్ ఒక్క పథకం ఎక్కువతో ఆమె రికార్డును బ్రేక్ చేశారు.అంతేకాదు..ఒలింపిక్స్ చరిత్రలో అత్యధిక పతకాలు నెగ్గిన అమెరికా అథ్లెట్‌గా పేరున్న కార్ల్ లూయిస్ రికార్డును కూడా ఫెలిక్స్ సమం చేసి ఆమె సరసన నలిచారు. కార్ల్ లూయిస్ 10 పతకాలు సాధించగా ఫెలిక్స్ కూడా 10 సాధించి ఆమెతో సమం అయ్యారు. నేడు జరిగే మహిళల మహిళల 4100 మీ. టీమ్‌ రిలేలో కూడా ఫెలిక్స్ పతకం సాధిస్తే… అమెరికా తరఫున అత్యధిక పతకాలు సాధించిన ట్రాక్‌ అండ్‌ ఫీల్డ్‌ అథ్లెట్‌గా ఫెలిక్స్ నిలుస్తుంది. ఇలా మొత్తం రికార్డు మాత్రం ఫిన్లాండ్‌ అథ్లెట్ 12 పతకాలతో పావో నుర్మీ పేరిట ఉంది. 400 మీ. పరుగులో ఫెలిక్స్ కంటే ముందుగా 48.36 సెకన్లలో గమ్యాన్ని చేరిన షానే మిల్లర్‌ విబో (బహామస్‌) స్వర్ణాన్ని… మెరిలిడీ పౌలినో రజతాన్ని దక్కించుకున్నారు.
అమ్మతనం కోసం…
ఈతరంలో ‘క్వీన్‌ ఆఫ్‌ ట్రాక్‌’గా అలీసన్ ఫెలిక్స్‌కు గుర్తింపు ఉంది. టోక్యోకు ముందే 6 స్వర్ణ పతకాలతో సహా ఫెలిక్స్ ఖాతాలో 9 ఒలింపిక్‌ పతకాలు ఉండటం విశేషం. అద్భుతంగా రాణిస్తున్న ఆమెతో పెద్ద పెద్ద కంపెనీలు బ్రాండింగ్‌ ఒప్పందాలు కుదుర్చుకున్నాయి. వీటిలో వరల్డ్‌ నంబర్‌వన్‌ స్పోర్ట్స్‌ కంపెనీ ‘నైకీ’ కూడా ఉంది. నైకీతో ఫెలిక్స్ అనుబంధం పదేళ్లకు పైగా సాగింది. మరో అథ్లెట్ కెన్నెత్‌ ఫెర్గూసన్‌తో పెళ్లి జరిగిన తరువాత ఆమె తల్లి కావాలని అనుకోవటంతో ‘నైకీ’ కాంట్రాక్ట్‌ పొడిగింపు విషయంలోను..అదే సమయంలో సమయంలో గతంలో ఇచ్చిన దాంట్లో 70 శాతం తక్కువగా ఇస్తామని చెప్పింది.దీంతో ఫెలిక్స్ షాక్‌ అయ్యారు.
అంతేకాకుండా ఆమె గర్భం ధరించాక ప్రసవానికి ముందు..ప్రసవం తరువాత కూడా ఆమె ప్రదర్శన బాగుండని పక్షంలో డబ్బులు తగ్గిస్తామని స్పష్టం చేసింది. దానికి ఫెలిక్స్ హర్ట్ అయ్యారు. ‘ఇంత పెద్ద అథ్లెట్‌నైన నాతోనే నైకీ ఇలా చేస్తే మిగతావారి పరిస్థితి ఏమిటి’ అంటూ ప్రశ్నించారు. ఆ తరువాత ఆమె నౌకీతో సంబంధాలు కట్ చేసుకున్నారు. తరువాత ‘గ్యాప్‌’ కు చెందిన ‘అథ్లెటా’తో ఒప్పందం చేసుకోవటంతో ‘అథ్లెట్…అమ్మ’ అంటూ ఆమెను తమ ప్రచారంలో వాడుకున్నారు. ఫెలిక్స్ కొట్టిన దెబ్బకు ‘నైకీ’ కి జనంలో బాగా చెడ్డపేరు వచవ్చింది. దీంతో దిగి వచ్చింది.
ఈ క్రమంలో వచ్చిన చెడ్డపేరు పోగొట్టుకోవటానికి అథ్లెట్ల కోసం కొత్త మెటర్నిటీ పాలసీని ప్రకటించింది. ఇప్పుడు నైకీ అథ్లెట్లకు గ్యారంటీ మొత్తం లభించడంతో పాటు ప్రసవానికి ముందు, తర్వాత 18 నెలల బోనస్‌ కూడా లభిస్తుంది. మహిళా అథ్లెట్ల హక్కు కోసం 170 బిలియన్‌ డాలర్ల విలువ గల కంపెనీతో పోరాడేందుకు సన్నద్ధమైన ఫెలిక్స్… ఇప్పుడు తన కూతురు క్యామ్రిన్‌ తోడుగా 10వ ఒలింపిక్‌ పతకంతో మురిసిపోతోంది. కూతుర్ని ఎత్తుకుని ఫోజులిచ్చింది. దీంతో కూతర్ని ఎత్తుకున్న అథ్లెట్ ఫెలిక్స్ ఫోటోలు..వీడియోలు సోషల్ మీడియాలో హల్ చల్ చేస్తున్నాయి. మరి అంతేగా..అమ్మతనంపై ఆంక్షలు పెట్టటానికి ఎవరికి హక్కు ఉంటుంది. అమ్మ అయ్యాక కూడా రాణిస్తు 10 పతకంతో కొత్త చరిత్ర లిఖించింది ఫెలిక్స్జ
