Vaibhav Sooryavanshi : చరిత్ర సృష్టించిన వైభవ్ సూర్యవంశీ.. క్రిస్ గేల్ రికార్డు బ్రేక్..
ఐపీఎల్ 2026 సీజన్లో వైభవ్ సూర్యవంశీ (Vaibhav Sooryavanshi) అరుదైన ఘనత సాధించాడు.
- Published By: Thota Vamshi Kumar , Updated On : May 28, 2026 / 7:54 AM IST
Vaibhav Sooryavanshi creates history become first player 60 sixes in an IPL season (pic credit@ipl)
- వైభవ్ సూర్యవంశీ అరుదైన ఘనత
- ఓ సీజన్లో అత్యధిక సిక్సర్లు కొట్టిన ప్లేయర్గా
- క్రిస్గేల్ను అధిగమించి
Vaibhav Sooryavanshi : ఐపీఎల్ 2026 సీజన్లో వైభవ్ సూర్యవంశీ అరుదైన ఘనత సాధించాడు. ఓ ఐపీఎల్ సీజన్లో అత్యధిక సిక్సర్లు కొట్టిన ప్లేయర్గా చరిత్ర సృష్టించాడు. బుధవారం న్యూ చండీగఢ్ వేదికగా సన్రైజర్స్ హైదరాబాద్తో జరిగిన మ్యాచ్లో అతడు ఈ ఘనత సాధించాడు. ఈ మ్యాచ్లో అతడు పెను విధ్వంసం సృష్టించాడు. కేవలం 29 బంతుల్లోనే 97 పరుగులు సాధించాడు. ఇందులో 5 ఫోర్లు, 12 సిక్సర్లు ఉన్నాయి.
ఈ మ్యాచ్లో వైభవ్ ఏడో సిక్స్ కొట్టిన తరువాత ఐపీఎల్ చరిత్రలో ఓ సీజన్లో అత్యధిక సిక్సర్లు కొట్టిన ప్లేయర్గా రికార్డులకు ఎక్కాడు. ఈ క్రమంలో అతడు దిగ్గజ ఆటగాడు క్రిస్గేల్ ను అధిగమించాడు. 2012లో క్రిస్గేల్ 59 సిక్సర్లు బాదగా.. తాజా మ్యాచ్లో అన్ని సిక్సర్లు కలిపి వైభవ్ 65 సిక్సర్లు కొట్టాడు. ఈ సీజన్లో రాజస్థాన్ ఇంకా రెండు మ్యాచ్లు ఆడే అవకాశం ఉండడంతో వైభవ్ సిక్సర్ల సంఖ్య ఇంకా పెరిగే అవకాశం ఉంది.
ఓ ఐపీఎల్ సీజన్లో 60 సిక్సర్లు దాటిన ఏకైక ఆటగాడిగానూ వైభవ్ సూర్యవంశీ నిలిచాడు.
ఓ ఐపీఎల్ సీజన్లో అత్యధిక సిక్సర్లు కొట్టిన ప్లేయర్లు వీరే..
* వైభవ్ సూర్యవంశీ – 65* సిక్సర్లు (ఐపీఎల్ 2026లో)
* క్రిస్గేల్ – 59 సిక్సర్లు (ఐపీఎల్ 2012లో)
* ఆండ్రీ రస్సెల్ – 52 సిక్సర్లు (ఐపీఎల్ 2019లో)
* క్రిస్ గేల్ – 51 సిక్సర్లు (ఐపీఎల్ 2013లో)
* జోస్ బట్లర్ – 45 సిక్సర్లు (ఐపీఎల్ 2022లో)
He’s always aiming for the stars 💫
Relive his record-breaking six ▶️ https://t.co/7D6JymqfsM#TATAIPL | #Eliminator | #TheFinalLeap | #SRHvRR | @rajasthanroyals pic.twitter.com/8YODkB5QJy
— IndianPremierLeague (@IPL) May 27, 2026
