Virat Kohli : విరాట్ కోహ్లీ అరుదైన ఘ‌న‌త.. సచిన్ రికార్డు స‌మం
Virat Kohli-Sachin Tendulkar : ప‌రుగుల యంత్రం రికార్డుల రారాజు విరాట్ కోహ్లీ అరుదైన ఘ‌న‌త సాధించాడు. ఓ ప్రపంచకప్ ఎడిషన్లో అత్యధిక సార్లు అర్ధ‌శ‌త‌కాలు బాదిన ఆట‌గాడిగా రికార్డుల‌కు ఎక్కాడు.
- Published By: 10TV Digital Team ,Published On : November 12, 2023 / 04:32 PM IST
Virat Kohli
ప‌రుగుల యంత్రం రికార్డుల రారాజు విరాట్ కోహ్లీ అరుదైన ఘ‌న‌త సాధించాడు. ఓ ప్రపంచకప్ ఎడిషన్లో అత్యధిక సార్లు అర్ధ‌శ‌త‌కాలు బాదిన ఆట‌గాడిగా రికార్డుల‌కు ఎక్కాడు. ఈ క్ర‌మంలో భార‌త దిగ్గ‌జ ఆట‌గాడు సచిన్ టెండూల్కర్, బంగ్లాదేశ్ బ్యాట‌ర్ ష‌కీబ్‌ల రికార్డును స‌మం చేశాడు. నెద‌ర్లాండ్స్‌తో మ్యాచ్‌లో 53 బంతుల్లో హాఫ్ సెంచ‌రీ చేయ‌డం ద్వారా విరాట్ ఈ ఘ‌న‌త అందుకున్నాడు. ఈ ప్ర‌పంచ‌క‌ప్‌లో విరాట్ 7 సార్లు అర్ధ‌శ‌త‌కాలు బాదాడు.
ఓ ప్రపంచకప్ ఎడిషన్లో అత్యధిక 50+ స్కోర్లు చేసిన ఆట‌గాళ్లు..
సచిన్ టెండూల్కర్ (భార‌త్‌) – 7 సార్లు – 2003
షకీబ్ అల్ హసన్ (బంగ్లాదేశ్)- 7 సార్లు – 2019
విరాట్ కోహ్లీ (భార‌త్‌) – 7*సార్లు – 2023
ప్ర‌స్తుతం విరాట్ కోహ్లీ సూప‌ర్ ఫామ్‌లో ఉన్నాడు. నెద‌ర్లాండ్స్‌తో మ్యాచ్ క‌లిపి ఈ మెగా టోర్నీలో 9 మ్యాచులు ఆడి 99 స‌గ‌టుతో 594 ప‌రుగులు చేశాడు. ఈ క్ర‌మంలో ఈ ప్ర‌పంచ‌క‌ప్‌లో అత్యధిక ప‌రుగులు చేసిన ఆట‌గాడిగానూ నిలిచాడు. ఈ జాబితాలో రెండో స్థానంలో క్వింట‌న్ డికాక్ ఉన్నాడు. డికాక్ 9 మ్యాచుల్లో 65.66 స‌గ‌టుతో 591 ప‌రుగులు చేశాడు. ఆ త‌రువాత జాబితాలో న్యూజిలాండ్ ఆట‌గాడు ర‌చిన్ ర‌వీంద్ర ఉన్నాడు. ర‌చిన్ 9 మ్యాచుల్లో 70.62 స‌గ‌టుతో 565 ప‌రుగులు చేశాడు.
– 85(116) vs Australia.
– 55*(56) vs Afghanistan.
– 103*(97) vs Bangladesh.
– 95(104) vs New Zealand.
– 88(94) vs Sri Lanka.
– 101*(121) vs Afghanistan.
– 50*(53) vs Netherlands (Batting)This is the World Cup of King Kohli – he is breaking record books in ODIs. 🐐 pic.twitter.com/G6YUYDtLQY
— Johns. (@CricCrazyJohns) November 12, 2023
ఈ ప్ర‌పంచ‌క‌ప్‌లో అత్యధిక ప‌రుగులు చేసిన టాప్‌-5 ఆట‌గాళ్ల జాబితా..
విరాట్ కోహ్లీ (భార‌త్‌) – 594 ప‌రుగులు
క్వింట‌న్ డికాక్ (ద‌క్షిణాఫ్రికా) – 591
ర‌చిన్ ర‌వీంద్ర (న్యూజిలాండ్) – 565
రోహిత్ శ‌ర్మ (భార‌త్‌) – 503
డేవిడ్ వార్న‌ర్ (ఆస్ట్రేలియా) – 499 ప‌రుగులు చేశారు.
Greatest catch ever : మీ జీవితంలో ఇలాంటి క్యాచ్ చూసి ఉండ‌రు.. చేతుల‌తో కాదు.. వీపుతో..
