Shaheen Afridi : పాకిస్తాన్ పేస‌ర్ షాహీన్ అఫ్రిది వ‌ర‌ల్డ్ రికార్డ్‌..

పాకిస్తాన్ స్టార్ పేస‌ర్ షాహీన్‌ ఆఫ్రిది అరుదైన ఘ‌న‌త సాధించాడు.

WI vs PAK 1st ODI Shaheen Afridi become the highest wicket taker after 65 ODI matches

పాకిస్తాన్ స్టార్ పేస‌ర్ షాహీన్‌ ఆఫ్రిది అరుదైన ఘ‌న‌త సాధించాడు. వెస్టిండీస్‌తో శుక్ర‌వారం ట్రినిడాడ్‌లో జ‌రిగిన తొలి వ‌న్డేలో నాలుగు వికెట్లు తీశాడు. ఈ క్ర‌మంలో అరంగ్రేటం నుంచి తొలి 65 వ‌న్డే మ్యాచ్‌ల త‌రువాత అత్య‌ధిక వికెట్లు తీసిన ఆట‌గాడిగా చ‌రిత్ర సృష్టించాడు. గ‌తంలో ఈ రికార్డు అఫ్గానిస్థాన్ ఆట‌గాడు ర‌షీద్ ఖాన్ పేరిట ఉంది. ర‌షీద్ తొలి 65 వ‌న్డే మ్యాచ్‌ల్లో 128 వికెట్లు తీయ‌గా.. షాహీన్ 131 వికెట్లు ప‌డ‌గొట్టాడు.

ఇక తొలి వ‌న్డే మ్యాచ్ విష‌యానికి వ‌స్తే.. ఈ మ్యాచ్‌లో వెస్టిండీస్ తొలుత బ్యాటింగ్ చేసింది. 49 ఓవ‌ర్ల‌లో 280 ప‌రుగుల‌కు ఆలౌటైంది. విండీస్ బ్యాట‌ర్ల‌లో ఎవిన్ లూయిస్ (60; 62 బంతుల్లో 5 ఫోర్లు, 3 సిక్స‌ర్లు), కెప్టెన్ షై హోప్ (55; 77 బంతుల్లో 4 ఫోర్లు), రోస్ట‌న్ ఛేజ్ (53; 54 బంతుల్లో 4 ఫోర్లు, 2 సిక్స‌ర్లు) హాఫ్ సెంచ‌రీల‌తో రాణించారు. పాక్ బౌల‌ర్ల‌లో షాహీన్ అఫ్రిది నాలుగు వికెట్లు తీశాడు. నసీమ్ షా మూడు వికెట్లు ప‌డ‌గొట్టాడు. సైమ్ అయూబ్, సుఫియాన్ ముఖీమ్, సల్మాన్ అఘా లు త‌లా ఓ వికెట్ సాధించారు.

Akash Deep : రాఖీ పండ‌గ రోజు.. క్యాన్స‌ర్‌తో పోరాడుతున్న అక్క‌తో క‌లిసి కొత్త కారు కొన్న ఆకాశ్‌దీప్‌.. ధ‌ర ఎంతో తెలుసా?

అనంత‌రం 281 ప‌రుగుల ల‌క్ష్యాన్ని పాక్ 48.5 ఓవ‌ర్ల‌లో 5 వికెట్లు కోల్పోయి ఛేదించింది. పాక్ బ్యాట‌ర్ల‌లో హసన్ నవాజ్ (63 నాటౌట్; 54 బంతుల్లో 5 ఫోర్లు, 3 సిక్స‌ర్లు), కెప్టెన్ మ‌హ్మ‌ద్ రిజ్వాన్ (53; 69 బంతుల్లో 4 ఫోర్లు) హాఫ్ సెంచ‌రీలు చేశారు. బాబ‌ర్ ఆజాం (47; 64 బంతుల్లో 5 ఫోర్లు, 1 సిక్స్‌), హుస్సేన్ (41 నాటౌట్; 37 బంతుల్లో 4 ఫోర్లు, 1 సిక్స్‌) లు రాణించారు. విండీస్ బౌల‌ర్ల‌లో షమర్ జోసెఫ్ రెండు వికెట్లు తీశాడు. జేడెన్ సీల్స్, గుడాకేష్ మోటీ, రోస్టన్ చేజ్ లు త‌లా ఓ వికెట్ ప‌డ‌గొట్టాడు.

ఈ విజ‌యంతో పాకిస్తాన్ మూడు వ‌న్డేల సిరీస్‌లో 1-0 ఆధిక్యంలో నిలిచింది. రెండో వ‌న్డే కూడా ఇదే వేదిక పై ఆదివారం (ఆగ‌స్టు 10న‌) జ‌ర‌గ‌నుంది.