Chandrayaan-2 : చంద్రుడి చుట్టూ 9 వేల సార్లు తిరిగిన ఆర్బిటర్
భారత అంతరిక్ష పరిశోధన సంస్థ మరో కీలక మైలురాయిని చేరుకుంది. చంద్రయాన్-2లోని ఆర్బిటర్ చంద్రుడి చుట్టూ 9 వేల సార్లు తిరిగింది.
- Published By: 10TV Digital Team ,Published On : September 7, 2021 / 10:54 AM IST
Isro
Orbits Around Moon : భారత అంతరిక్ష పరిశోధన సంస్థ మరో కీలక మైలురాయిని చేరుకుంది. చంద్రయాన్-2లోని ఆర్బిటర్ చంద్రుడి చుట్టూ 9 వేల సార్లు తిరిగింది. ల్యాండర్ చంద్రుడిపై దిగ‌డంలో విఫ‌ల‌మై కూలిపోయినా.. ఆర్బిటర్ మాత్రం త‌న ప‌ని తాను చేసుకుంటూ వెళ్తోంది. చంద్రుడి చుట్టూ తిరుగుతూ అద్భుత‌మైన సమాచారాన్ని భూమికి చేర‌వేసిన‌ట్లు ఇస్రో తెలిపింది. చంద్రుడి క్షక్షలోకి చంద్రయాన్-2 వెళ్లి రెండేళ్లైన సంద‌ర్భంగా సోమవారం నుంచి లూనార్ సైన్స్ వ‌ర్క్‌షాప్ 2021ని ఇస్రో నిర్వహిస్తోంది.
Read More : Lahari Shari: ఈ సీజన్ బిగ్‌బాస్ షో గ్లామరస్ డాల్ లహరి
స్పేస్‌క్రాఫ్ట్‌లోని 8 ప‌రిక‌రాలు రిమోట్ సెన్సింగ్ చేస్తున్నట్టు ఇస్రో ఛైర్మన్ శివన్ చెప్పారు. ఇది భూమి నుంచి వంద కిలోమీట‌ర్ల ఎత్తులో ఉన్నట్లు తెలిపారు. కొన్ని రోజుల క్రితం జాబిల్లి ఉపరీతలంపై హైడ్రక్సిల్, నీటి అణువులను ఆర్బిటర్ కనుగోంది. ఈ సమాచారాన్ని సేకరించి చంద్రుడిపై ఖనిజ లవణాల సమ్మేళనాన్ని పరీక్షిస్తున్నారు. ఆర్బిటర్ డేటాతో చంద్రుడిపై తేమ ఉనికి ఉన్నట్టు స్పష్టమవుతోందన్నారు శాస్త్రవేత్తలు.
Read More : KBC: కోటి గెలిచిన అంధురాలి కథ.. విధిని జయించిన స్ఫూర్తి గాథ!
చంద్రుడిపై వాతావరణ పరిస్థితులు తెలుసుకునేందుకు చంద్రయాన్ -2 ప్రయోగాన్ని 2019లో జులై 22న ప్రయోగించారు. ఇందులో విక్రమ్ ల్యాండర్ చంద్రుడి ఉపరీతలాన్ని బలంగా తాకి ల్యాండింగ్ సరిగా చేయలేకపోయింది. అయితే ఆర్బిటర్ మాత్రం కక్ష్యలో పరిభ్రమిస్తోంది. జాబిల్లి చుట్టూ తిరుగుతూ డేటాను ఎప్పటికప్పుడు చేరవేస్తోంది. చంద్రయాన్ -2 ప్రయోగం రెండేళ్లు పూర్తి చేసుకుని…9 వేల సార్లు తిరిగింది. భారత్ గతంలో పంపిన చంద్రయాన్-1 విజయవంతమైంది. దానికి కొనసాగింపుగా చంద్రయాన్-2 ప్రయోగించారు.
