BHIM App : బిగ్ అలర్ట్.. BHIM యాప్లో కొత్త ఫీచర్.. యూపీఐ PINతో పనిలేదు.. మీ బయోమెట్రిక్తోనే పేమెంట్ చేయొచ్చు!
BHIM App : భీమ్ యాప్లో ఇప్పుడు కొత్త బయోమెట్రిక్ ఫీచర్ ద్వారా యూపీఐ పిన్ ఎంటర్ చేయకుండానే రూ. 5,000 వరకు పేమెంట్లు చేయవచ్చు. మొబైల్ ఫింగర్ ఫ్రింట్ లేదా ఫేస్ లాక్ ద్వారా యూపీఐ పేమెంట్లు చేయొచ్చు.
- Published By: Sreehari A ,Published On : March 26, 2026 / 06:06 AM IST
BHIM App PIN
- మీ యూపీఐ పిన్ ఏంటో మర్చిపోయారా?
- యూపీఐ పేమెంట్ల కోసం పిన్ తప్పనిసరి
- భీమ్ యాప్లో బయోమెట్రిక్ ఫీచర్ ఎలా పనిచేస్తుందంటే?
BHIM App : యూపీఐ యూజర్లకు బిగ్ అప్డేట్.. మీ యూపీఐ పిన్ మర్చిపోయారా? డోంట్ వర్రీ.. BHIM యాప్లో కొత్త బయోమెట్రిక్ ఫీచర్ వచ్చేసింది. ఇకపై వినియోగదారులు యూపీఐ పిన్ ఎంటర్ చేయకుండా కేవలం ఫింగర్ ఫ్రింట్ లేదా ఫేస్ లాక్ ఉపయోగించి పేమెంట్లు చేయవచ్చు. మొబైల్ ఫింగర్ ఫ్రింట్ లేదా ఫేస్ లాక్ ఉపయోగించి రూ. 5వేల వరకు యూపీఐ పేమెంట్లు చేయొచ్చు.
ఈ కొత్త ఫీచర్తో ప్రతి చిన్న పేమెంట్ కోసం యూపీఐ పిన్ ఎంటర్ చేయాల్సిన అవసరం ఉండదు. పిన్ మర్చిపోవడం లేదా రాంగ్ పిన్ ఎంటర్ చేయడం వల్ల పేమెంట్లు ఫెయిల్ అవుతుంటాయి. ఇకపై ఇలాంటి సమస్య ఉండదు. ఈ కొత్త ఫీచర్ ద్వారా పేమెంట్లు మరింత స్పీడ్ ఈజీ అవుతాయి.
భీమ్ యాప్ ద్వారా ఫింగర్ ఫ్రింట్, ఫేస్ ఐడెంటిటీ సపోర్టు చేస్తుంది. ఆండ్రాయిడ్, iOS డివైజ్ రెండింటిలోనూ ఈ ఫీచర్ వర్క్ అవుతుంది. ఫ్రెండ్స్ లేదా ఫ్యామిలీ సభ్యులకు కూడా డబ్బు పంపవచ్చు. క్యూఆర్ కోడ్లను స్కాన్ చేసి పేమెంట్లు చేయవచ్చు. ఆన్లైన్ లావాదేవీలు ఈజీగా చేయొచ్చు.
సేఫ్టీ పరంగా కూడా ఈ ఫీచర్ చాలా పవర్ఫుల్. ఫింగర్ ఫ్రింట్, ఫేస్ అథెంటికేషన్ ప్రతి వ్యక్తికి తప్పనిసరి. మీ మొబైల్లోనే బయోమెట్రిక్స్ స్టోర్ అవుతాయి. దాంతో ఆన్ లైన్ మోసాలు జరిగే అవకాశం చాలా తగ్గుతుంది. అయినప్పటికీ, రూ. 5వేల కన్నా ఎక్కువ లావాదేవీలకు యూపీఐ పిన్ ఎంటర్ చేయాల్సి ఉంటుంది.
ఫీచర్ ఎలా ఎనేబుల్ చేయాలి? :
ఈ ఫీచర్ ఎనేబుల్ చేసే ముందు వినియోగదారులు భీమ్ యాప్ను ఓపెన్ చేయాలి. ప్రొఫైల్కు వెళ్లి బ్యాంక్ అకౌంట్ సెలెక్ట్ చేసుకోవాలి. బయోమెట్రిక్ ట్రాన్సాక్షన్ ఆప్షన్ ఎనేబుల్ చేయాలి. ఆ తర్వాత ఫింగర్ ఫ్రింట్ ఉపయోగించి ఈజీగా పేమెంట్లు చేయవచ్చు.
