Google Pixel 9 Pro XL స్మార్ట్‌ఫోన్‌పై కళ్లుచెదిరే ఆఫర్.. వేలాది రూపాయల డిస్కౌంట్
డిస్కౌంట్ అందుబాటులో ఉండడంతో ఈ స్మార్ట్‌ఫోన్‌ను కొనాలనుకుంటే ఇప్పుడే కొనేయడం బెటర్.
- Published By: 10TV Digital Team ,Published On : May 12, 2025 / 06:35 PM IST
Google Pixel 9 Pro XL
గూగుల్ పిక్సెల్ ఫోన్‌ను కొనాలని అనుకుంటున్నారా? అయితే, మీకు ఇదే మంచి అవకాశం. విజయ్ సేల్స్‌లో పిక్సెల్ 9 ప్రో ఎక్స్‌ఎల్‌పై రూ.20,000 డిస్కౌంట్ అందుబాటులో ఉంది. విజయ్ సేల్స్ అధికారిక వెబ్‌సైట్‌ ద్వారా ఈ ఆఫర్‌లో స్మార్ట్ఫోన్ కొనొచ్చు.
గూగుల్ పిక్సెల్ 9 ప్రో ఎక్స్‌ఎల్‌ భారత్‌లో రూ.1,24,999కు లాంచ్ అయింది. ఇప్పుడు విజయ్ సేల్స్ అధికారిక వెబ్‌సైట్‌లో ఈ ప్రీమియం ఫ్లాగ్‌షిప్ స్మార్ట్ఫోన్ రూ.1,14,999కే అందుకోవచ్చు. అంటే, పిక్సెల్ 9 ప్రో ఎక్స్‌ఎల్‌లో రూ.10,000 ఫ్లాట్ డిస్కౌంట్ ఉంది. అంతేగాక, హెచ్‌డీఎఫ్‌సీ బ్యాంక్ క్రెడిట్ కార్డ్ ఈఎంఐతో బిల్‌ కడితే అదనంగా రూ.10,000 డిస్కౌంట్ పొందవచ్చు.
గూగుల్ పిక్సెల్ 9 ప్రో ఎక్స్‌ఎల్‌ ఫీచర్లు
గూగుల్ పిక్సెల్ 9 ప్రో ఎక్స్‌ఎల్‌ 1344 x 2992 పిక్సెల్స్ రిజల్యూషన్‌తో 6.7-అంగుళాల LTPO OLED డిస్‌ప్లేతో అందుబాటులో ఉంది. ఈ డిస్‌ప్లే 120Hz రిఫ్రెష్ రేట్, HDR, 3,000 నిట్స్ పీక్ బ్రైట్‌నెస్‌ సపోర్టుతో వచ్చింది. గొరిల్లా గ్లాస్ విక్టస్ 2 ఉంటుంది.
పిక్సెల్ 9 ప్రో ఎక్స్‌ఎల్‌ టెన్సర్ G4 ప్రాసెసర్ ఇందులో ఉంది. ఈ స్మార్ట్ఫోన్ 45W ఫాస్ట్ ఛార్జింగ్ సపోర్ట్‌తో 5060mAh బ్యాటరీతో మార్కెట్లో ఉంది. ఫొటోగ్రఫీ కోసం.. Pixel 9 Pro XL బ్యాక్‌సైడ్ ట్రిపుల్ కెమెరా సెటప్‌ ఉంది.
ఈ కెమెరా సెటప్‌లో OISతో కూడిన 50MP ప్రధాన కెమెరా, 48MP అల్ట్రావైడ్ లెన్స్, 5x ఆప్టికల్ జూమ్‌తో 48MP టెలిఫొటో సెన్సార్ ఉన్నాయి. సెల్ఫీలు, వీడియో కాల్‌ల కోసం 42MP ఫ్రంట్ ఫేసింగ్ కెమెరా ఉంది. పిక్సెల్ 9 ప్రో ఎక్స్‌ఎల్‌పై రూ.20,000 డిస్కౌంట్ అందుబాటులో ఉండడంతో ఈ స్మార్ట్‌ఫోన్‌ను కొనాలనుకుంటే ఇప్పుడే కొనేయడం బెటర్.
