Aadhaar Card : మీ వాట్సాప్‌లో ఆధార్ కార్డు ఇలా ఈజీగా డౌన్‌లోడ్ చేసుకోవచ్చు.. స్టెప్ బై స్టెప్ ప్రాసెస్.. !
Aadhaar Card : వాట్సాప్ ద్వారా ఆధార్ కార్డును నేరుగా డౌన్ లోడ్ చేసుకోవచ్చు. ఈ ఫీచర్ డిజిలాకర్ ఇంటిగ్రేషన్ ఆధారితంగా పనిచేస్తుంది.
- Published By: 10TV Digital Team ,Published On : September 16, 2025 / 02:22 PM IST
Aadhaar Card
Aadhaar Card : ఆన్‌లైన్‌లో ఆధార్ కార్డు ఈజీగా డౌన్‌లోడ్ చేసుకోవచ్చు. ప్రతి భారతీయుడికి ఆధార్ అత్యంత కీలకమైన ఐడెంటిటీ డాక్యుమెంట్లలో ఒకటిగా మారింది. బ్యాంకు అకౌంట్ ఓపెన్ చేయడం దగ్గర నుంచి మొబైల్ సిమ్ పొందడం వరకు ప్రతిదానికీ ఆధార్ కార్డు తప్పనిసరి.
ఆధార్ వినియోగం పెరగడంతో భారత విశిష్ట గుర్తింపు ప్రాధికార సంస్థ (UIDAI) ఇప్పుడు వాట్సాప్‌లో కూడా నేరుగా ఆధార్‌ను యాక్సెస్ చేసేందుకు అనుమతినిస్తుంది. ఇందుకోసం సరికొత్త విధానాన్ని అందుబాటులోకి తెచ్చింది.
ఈ సౌకర్యం వాట్సాప్‌లోని ప్రభుత్వ అధికారిక MyGov హెల్ప్‌డెస్క్ చాట్‌బాట్‌లో మెర్జ్ అయింది. ఇప్పుడు వినియోగదారులు తమ ఆధార్ పాస్‌వర్డ్-ప్రొటెక్షన్ డిజిటల్ కాపీని సురక్షితంగా డౌన్‌లోడ్ చేసేందుకు అనుమతిస్తుంది. ఈ ఫీచర్ డిజిలాకర్ ఇంటిగ్రేషన్ ద్వారా ఆధారితంగా పనిచేస్తుంది. డిజిటల్ ఆధార్ ఎన్‌క్రిప్ట్ చేసి ఉంటుంది. కేవలం ఆధార్ సంబంధిత యూజర్ మాత్రమే యాక్సెస్ చేయగలరు.
వాట్సాప్ నుంచి ఇలా రిజిస్టర్ చేసుకోండి.
- ఆధార్‌తో లింక్ చేసిన మొబైల్ నంబర్.
- యాక్టివ్ డిజిలాకర్ అకౌంట్
- వినియోగదారులు సులభంగా అకౌంట్ క్రియేట్ చేయొచ్చు.
- హెల్ప్‌డెస్క్ (MyGov) వాట్సాప్ నెం. +91-9013151515 సేవ్ చేసుకోండి.
వాట్సాప్ నుంచి ఆధార్ ఎలా డౌన్‌లోడ్ చేయాలి? :
- మీ ఫోన్‌లో +91-9013151515 “MyGov Helpdesk” గా సేవ్ చేసుకోండి.
- వాట్సాప్ ఓపెన్ చేసి ఆ నంబర్‌కు “Hi” అని సింపుల్ మెసేజ్ పంపండి.
- ప్రాంప్ట్ ద్వారా DigiLocker Services ఆప్షన్ ఎంచుకోండి.
- మీకు ఇప్పటికే డిజిలాకర్ అకౌంట్ ఉందో లేదో కన్ఫార్మ్ చేయండి.
- మీ ఆధార్ నంబర్ ఎంటర్ చేసి మీ రిజిస్టర్డ్ మొబైల్ నంబర్‌కు పంపిన OTP ద్వారా వెరిఫై చేసుకోండి.
- వెరిఫై తర్వాత చాట్‌బాట్ మీ డిజిలాకర్‌కు లింక్ చేసి డాక్యుమెంట్ల జాబితా కనిపిస్తుంది.
- ఈ లిస్టు నుంచి ఆధార్ ఎంచుకోండి.
- మీ డిజిటల్ ఆధార్ నేరుగా వాట్సాప్ లో PDF ఫార్మాట్‌లో కనిపిస్తుంది.
ఒకేసారి ఒక డాక్యుమెంట్ మాత్రమే డౌన్‌లోడ్ చేసుకోవచ్చు. మీ డిజిలాకర్ అకౌంటులో ఇప్పటికే అందుబాటులో ఉన్న డాక్యుమెంట్లను మాత్రమే యాక్సెస్ చేయగలరు. ఆధార్ లేదా ఇతర డాక్యుమెంట్లు లింక్ చేయకపోతే.. వినియోగదారులు వాట్సాప్ సర్వీసును ఉపయోగించే ముందు యాప్ లేదా వెబ్‌సైట్ ద్వారా తమ డిజిలాకర్ అకౌంట్ అప్‌డేట్ చేయాల్సి ఉంటుంది.
