Oppo A6s 5G : భారీ బ్యాటరీతో ఒప్పో A6s 5G వచ్చేసిందోచ్.. 50MP డ్యూయల్ కెమెరా ఫీచర్లు కేక, ధర జస్ట్ ఎంతంటే?
Oppo A6s 5G : ఒప్పో నుంచి అద్భుతమైన 5జీ ఫోన్ లాంచ్ అయింది. 6,500mAh బ్యాటరీ, 50ఎంపీ కెమెరాతో అత్యంత ఆకర్షణీయంగా ఉంది. పూర్తి ఫీచర్లు, ధరకు సంబంధించి వివరాలపై ఓసారి లుక్కేయండి.
- Published By: Sreehari A ,Published On : March 18, 2026 / 05:46 PM IST
PNB Customers
- 6500mAh భారీ బ్యాటరీతో ఒప్పో A6s 5జీ ఫోన్ లాంచ్
- 50MP డ్యూయల్ రియర్ కెమెరాలతో మెయిన్ సెన్సార్
- 44W ఫాస్ట్ ఛార్జింగ్కు సపోర్ట్
- కేవలం 30 నిమిషాల్లో 41శాతం వరకు ఛార్జ్
Oppo A6s 5G Launch : ఒప్పో లవర్స్కు గుడ్ న్యూస్.. ఒప్పో నుంచి సరికొత్త 5జీ ఫోన్ వచ్చేసింది. ఒప్పో A6s 5జీ ఫోన్ 6,500mAh బ్యాటరీతో అద్భుతమైన బ్యాటరీ లైఫ్ అందిస్తుంది. ఒప్పో 5జీ ఫోన్ ఎ-సిరీస్ లైనప్లో చేరింది.
మీడియాటెక్ డైమెన్సిటీ 6300 చిప్సెట్, అదిరిపోయే ఏఐ ఫీచర్లు ఉన్నాయి. ఈ మిడ్-రేంజ్ స్మార్ట్ఫోన్లో 50MP మెయిన్ సెన్సార్తో డ్యూయల్ రియర్ కెమెరా కూడా ఉంది. ఈ ఒప్పో ఫోన్ మొత్తం రెండు కలర్ ఆప్షన్లలో లభిస్తుంది.
భారత్లో ఒప్పో A6s 5జీ ధర ఎంతంటే? :
భారత మార్కెట్లో ఒప్పో A6s 5జీ ఫోన్ 4GB ర్యామ్, 128GB స్టోరేజ్ మోడల్ ధర రూ. 18,999 కాగా, 6GB ర్యామ్, 128GB వేరియంట్ ధర రూ. 20,999గా ఉంది. అమెజాన్, ఫ్లిప్కార్ట్, అధికారిక ఒప్పో ఇండియా వెబ్సైట్, ఒప్పో స్టోర్, ఎంపిక చేసిన మెయిన్ రిటైల్ అవుట్లెట్ల ద్వారా కొన్ని ప్రారంభ ఆఫర్లతో పాటు కొనుగోలుకు అందుబాటులో ఉంది.
ఒప్పో A6s 5G స్పెసిఫికేషన్లు, ఫీచర్లు :
ఒప్పో A6s 5జీ ఫోన్ 6,500mAh బ్యాటరీతో వస్తుంది. 44W ఫాస్ట్ ఛార్జింగ్కు సపోర్ట్ చేస్తుంది. కేవలం 30 నిమిషాల్లో ఒక శాతం నుంచి 41శాతం వరకు ఛార్జ్ అవుతుందని కంపెనీ పేర్కొంది. ఒప్పో ప్రకారం.. ఒక్కసారి ఫుల్ ఛార్జ్ చేస్తే ఈ బ్యాటరీ 882.1 గంటల వరకు స్టాండ్బై టైమ్ లేదా 22.4 గంటల వీడియో ప్లేబ్యాక్ను అందిస్తుంది.
కెమెరా విషయానికి వస్తే.. ఒప్పో A6s 5జీలో 50MP ప్రైమరీ కెమెరా, 2MP సెకండరీ సెన్సార్తో డ్యూయల్ రియర్ సెటప్ ఉంది. 5MP ఫ్రంట్-ఫేసింగ్ కెమెరా సెల్ఫీలు, వీడియో కాల్స్ కోసం అద్భుతంగా ఉంటుంది. ఒప్పో A6s 5జీ, మీడియాటెక్ డైమెన్సిటీ 6300 చిప్సెట్తో రన్ అవుతుంది. 6GB వరకు ర్యామ్, 128GB స్టోరేజ్ కూడా ఉంది.
మెరుగైన గేమింగ్ పర్ఫార్మెన్స్ కోసం ఇందులో ఏఐ గేమ్బూస్ట్, వీక్ నెట్వర్క్ సిగ్నల్స్ ఉన్న ప్రాంతాలలో కనెక్టివిటీని పెంచేందుకు ఏఐ లింక్బూస్ట్ 3.0 ఫీచర్లు ఉన్నాయి. ఆండ్రాయిడ్ ఆధారిత కలర్ఓఎస్ 15పై రన్ అవుతుంది. ఈ ఒప్పో ఫోన్ 120Hz అడాప్టివ్ రిఫ్రెష్ రేట్, 1,125 నిట్స్ వరకు టాప్ బ్రైట్ నెస్ అందించే 6.75-అంగుళాల ఎల్సీడీ డిస్ప్లే ఉంది. దుమ్ము, నీటి నిరోధకత కోసం IP64 రేటింగ్తో వస్తుంది.
కనెక్టివిటీ ఫీచర్లలో బ్లూటూత్, 5G, జీపీఎస్, USB టైప్-C పోర్ట్ ఉన్నాయి. 8.6mm మందంతో ఉండి సుమారుగా 212 గ్రాముల బరువు ఉంటుంది. ఒప్పో A6s 5జీ అరోరా గోల్డ్, ప్లమ్ పర్పుల్ అనే రెండు కలర్ ఆప్షన్లలో లభిస్తుంది.
