Redmi A7 Pro 5G : 32MP కెమెరా, 6300mAh బ్యాటరీతో కొత్త రెడ్మి A7 ప్రో 5జీ.. ఫీచర్లు చూస్తే ఫిదానే, ధర ఎంతంటే?
Redmi A7 Pro 5G : షావోమీ రెడ్మి A7 ప్రో 5జీ ఫోన్ భారత మార్కెట్లోకి వచ్చేసింది. షావోమీ కొత్త సరసమైన స్మార్ట్ఫోన్ రెడ్మి A7 ప్రో 5జీ అదిరిపోయే ఫీచర్లు, స్పెషిఫికేషన్లతో ఆకట్టుకుంటోంది.
- Published By: Sreehari A ,Published On : April 13, 2026 / 02:50 PM IST
Redmi A7 Pro 5G
- రెడ్మి A7 ప్రో 5జీ 32MP ప్రైమరీ కెమెరాతో వస్తుంది
- 6.9-అంగుళాల డిస్ప్లే, 6300mAh బ్యాటరీ ఉంది
- 3 నెలల వరకు నో-కాస్ట్ ఈఎంఐ బెనిఫిట్స్
Redmi A7 Pro 5G : షావోమీ లవర్స్ కోసం అత్యంత సరసమైన స్మార్ట్ ఫోన్ వచ్చేసింది. రెడ్మి A7 ప్రో 5జీ ఫోన్ భారత మార్కెట్లో లాంచ్ అయింది. ఈ స్మార్ట్ఫోన్లో 32MP ప్రైమరీ కెమెరా, 8MP ఫ్రంట్ కెమెరా ఉన్నాయి.
రెడ్మి A7 ప్రో 5జీలో 6.9-అంగుళాల డిస్ప్లే, 15W ఫాస్ట్ ఛార్జింగ్ సపోర్ట్తో 6,300mAh బ్యాటరీ ఉన్నాయి. రెడ్మి A7 ప్రో 5జీ ఫోన్ ఫీచర్లు, స్పెసిఫికేషన్లు, ధరకు సంబంధించి పూర్తి వివరాలపై ఓసారి లుక్కేయండి.
రెడ్మి A7 ప్రో 5జీ ధర :
రెడ్మి A7 ప్రో 5జీ ఫోన్ 4GB+64GB స్టోరేజ్ వేరియంట్ ధర రూ. 12,499 కాగా, 4GB+128GB స్టోరేజ్ వేరియంట్ ధర రూ. 13,499గా ఉంది. ప్రారంభ ఆఫర్గా రూ. 1,000 తగ్గింపు అందిస్తోంది. రెడ్మి A7 ప్రో 5జీ ఫోన్ షావోమీ అధికారిక వెబ్సైట్, ఈ-కామర్స్ సైట్ అమెజాన్, ప్రముఖ రిటైల్ స్టోర్లలో అందుబాటులో ఉంటుంది.
ఆసక్తిగల కొనుగోలుదారులు 3 నెలల వరకు నో-కాస్ట్ ఈఎంఐ బెనిఫిట్స్ కూడా పొందవచ్చు. ఈ ఫోన్ బ్లాక్, మిస్ట్ బ్లూ, సన్సెట్ ఆరెంజ్ కలర్ ఆప్షన్లలో లభిస్తుంది. ఏప్రిల్ 15, 2026 నుంచి సేల్ అందుబాటులోకి వస్తుంది.
రెడ్మి A7 ప్రో 5జీ ఫీచర్లు, స్పెసిఫికేషన్లు :
రెడ్మి A7 ప్రో 5జీలో HD+ రిజల్యూషన్, 120Hz రిఫ్రెష్ రేట్, 800 నిట్స్ పీక్ బ్రైట్నెస్తో 6.9-అంగుళాల డిస్ప్లే ఉంది. ఈ డిస్ప్లే ట్రిపుల్ TÜV రైన్ల్యాండ్ ఐ కంఫర్ట్ సర్టిఫికేషన్తో వస్తుంది. రెడ్మి A7 ప్రో 5జీ ఫోన్ 6300mAh బ్యాటరీతో వస్తుంది. 15W ఫాస్ట్ ఛార్జింగ్, 7.5W వైర్డ్ రివర్స్ ఛార్జింగ్కు సపోర్ట్ చేస్తుంది.
ఈ ఫోన్ 4GB+64GB, 4GB+128GB, 6GB+128GB స్టోరేజ్ ఆప్షన్లలో లభిస్తుంది. మైక్రో ఎస్డీ కార్డ్ ద్వారా 2TB వరకు విస్తరించుకోవచ్చు. ఈ స్మార్ట్ఫోన్ ఆండ్రాయిడ్ 16 ఆధారిత షావోమీ హైపర్ఓఎస్ 3.0పై రన్ అవుతుంది. కంపెనీ 4 ఏళ్ల ఆండ్రాయిడ్ అప్డేట్లు, ఆ తర్వాత 6 ఏళ్ల సెక్యూరిటీ అప్డేట్ అందిస్తుంది.
కెమెరా సెటప్ విషయానికి వస్తే..
రెడ్మి A7 ప్రో 5జీ బ్యాక్ సైడ్ F2.0 అపర్చర్తో 32MP ఏఐ కెమెరా ఉంది. సెల్ఫీలు, వీడియో కాల్స్ కోసం ఫ్రంట్ సైడ్ F2.0 అపర్చర్తో 8MP కెమెరా ఉంది. కొలతల పరంగా ఈ ఫోన్ 171.56 మిమీ పొడవు, 79.47 మిమీ వెడల్పు, 8.15 మిమీ మందంతో 210 గ్రాముల బరువు ఉంటుంది.
కనెక్టివిటీ ఆప్షన్లలో 5జీ, డ్యూయల్ సిమ్, బ్లూటూత్ V5.4, 3.5mm హెడ్ఫోన్ జాక్, Wi-Fi ఉన్నాయి. సేఫ్టీ కోసం పక్కన అమర్చిన ఫింగర్ప్రింట్ సెన్సార్ ఉంది. ఈ ఫోన్ డస్ట్, వాటర్ రెసిస్టెన్స్ కోసం IP52 రేటింగ్తో వస్తుంది. ఆక్టా-కోర్ T8300 5జీ ప్రాసెసర్తో రన్ అవుతుంది.
