హైదరాబాద్‌లో బిల్డింగ్ ఓనర్స్.. ఈ నిబంధనలు పాటించాల్సిందే.. గైడ్‌లైన్స్ విడుదల చేసిన చీఫ్ ఎలక్ట్రికల్ ఇన్‌స్పెక్టరేట్

పాత బస్తీలోని గుల్జార్ హౌస్ వద్ద అగ్నిప్రమాదం నేపథ్యంలో చీఫ్ ఎలక్ట్రికల్ ఇన్ స్పెక్టరేట్ కీలక ఆదేశాలు జారీ చేసింది.

Hyderabad

Hyderabad: పాత బస్తీలోని గుల్జార్ హౌస్ వద్ద అగ్నిప్రమాదం జరిగిన 17మంది మృతి చెందిన విషయం తెలిసిందే. షార్ట్ సర్క్యూట్ కారణంగా ఈ ప్రమాదం జరిగిందని ప్రాథమికంగా గుర్తించారు. అయితే, ప్రభుత్వం వాస్తవాలను నిగ్గు తేల్చేందుకు నాగ్ పూర్ నుంచి నిపుణుల బృందాన్ని రప్పించనుంది. ఈ ప్రమాదం నేపథ్యంలో హైదరాబాద్‌లోని భవన యాజమానులకు చీఫ్ ఎలక్ట్రికల్ ఇన్‌స్పెక్టరేట్ కీలక ఆదేశాలు జారీ చేసింది. విద్యుత్ భద్రతా నిబంధనలను పక్కాగా పాటించాలని ప్రకటనలో పేర్కొంది.

Also Read: నిరుద్యోగులకు గుడ్‌న్యూస్.. భారీగా ఉద్యోగాల భర్తీకి ప్రభుత్వం కసరత్తు.. గ్రూప్ 3, 4కు ఒకే ఎగ్జామ్.!

హైదరాబాద్‌లోని పలు ప్రాంతాల్లో షార్ట్‌సర్క్యూట్ కారణంగా అగ్నిప్రమాదాలు చోటు చేసుకుంటున్నాయి. ఈ క్రమంలో భవన యాజమానులు విద్యుత్ విషయంలో తగిన నిబంధనలు పాటించాల్సి ఉందని చీఫ్ ఎలక్ట్రికల్ ఇన్‌స్పెక్టరేట్ సూచించింది. ఈ మేరకు పలు నిబంధనలతో కీలక ఆదేశాలు జారీ చేసింది. హాస్పిటల్స్, మల్టీ స్టోర్డ్ బిల్డింగులు, బహుళ అంతస్థుల అపార్ట్‌మెంట్లు, వాణిజ్య సముదాయాలు, సినిమా హాళ్లు, హోటళ్లు, ఇతర ప్రజా సౌకర్యాలకు నిబంధనలు వర్తిస్తాయని వెల్లడించింది. చీఫ్ ఎలక్ట్రికల్ ఇన్‌స్పెక్టరేట్ సూచించిన నిబంధనలు పాటించకుంటే విద్యుత్ చట్టం 2003 ప్రకారంచర్యలు తీసుకుంటామని ప్రకటనలో హెచ్చరించింది.

నిబంధనలు ఇవే..
♦ విద్యుత్ పనులన్నీ లైసెన్స్ పొందిన ఎలక్ట్రికల్ కాంట్రాక్టర్లు, అనుమతి కలిగినవారి పర్యవేక్షణలో, నైపుణ్యం కలిగిన వైర్మెన్‌ల ద్వారా జరగాలి.
♦ లైటింగ్ సర్క్యూట్‌లకు 30ఎంఏఈఎల్సీబీ/ఆర్ సీసీబీ, పవర్ సర్క్యూట్లకు 100ఎంఏ ఈఎల్సీబీ అమర్చాలి.
♦ విద్యుత్ వైరింగ్, ఇన్స్టాలేషన్లు సెంట్రల్ ఎలక్ట్రి‌సిటీ అథారిటీ రెగ్యులేషన్స్ 2023, నేషనల్ ఎలక్ట్రికల్ కోడ్ 2023, నేషనల్ బిల్డింగ్ కోడ్ 2016, ఐఎస్/ఐఈసీ ప్రమాణాలకు లోబడి ఉండాలి.
♦ లైటింగ్ కు 1.5 స్క్వేర్ మిల్లీమీటర్, పవర్ పా యింట్లకు 2.5 స్క్వేర్ మిల్లీమీటర్, ఏసీ యూనిట్లకు 4 స్క్వేర్ మిల్లీమీటర్ ఉండే సరైన కేబుల్ సైజులను వాడాలి.
♦ ఓల్టేజ్ హెచ్చుతగ్గులున్న ప్రాంతాల్లో స్టెబిలైజర్లను ఉపయోగించాలి.
♦ ఫైనల్ సబ్ సర్క్యూట్ లు 10 పాయింట్లు లేదా 800 డబ్ల్యూ కంటే తక్కువగా ఉండాలి.
♦ ఓవర్ హీటింగ్ నివారణకు లోడ్ ను సమతుల్యం చేయాలి.
♦ హార్మోనిక్స్ ఉన్నచోట ఫిల్టర్లను అమర్చి, హై పవర్ ఫ్యాక్టర్ ను నిర్వహించాలి.
♦ ఒకే స్విచ్‌బోర్డ్‌కు బహుళ ఫేజ్‌ను కనెక్ట్ చేయ కూడదు.
♦ అత్యవసర సమయాల్లో సరఫరా నిలిపివేయడానికి ఐసోలేషన్ స్విచ్ లను అందుబాటులో ఉంచాలి.
♦ అదనంగా, ఆస్పత్రుల్లో ఐటీ సిస్టమ్ ఎర్తింగ్, మెడికల్ ఐసోలేషన్ ట్రాన్స్ ఫార్మర్లు, ఇన్సులే షన్ మానిటరింగ్ సిస్టమ్ లను వాడాలని, ఆర్‌సీసీబీలు, ఎంసీబీలను క్రమం తప్పకుండా పరీక్షించాలని సూచించారు.
♦ సర్జ్ ప్రొటెక్షన్ డివైజ్లు, ఫైరేటెడ్ సీలెంట్లు, మండే పదార్థాలకు దూరంగా స్విచ్ బోర్డ్లను ఉంచాలి.
♦ 15 సంవత్సరాలు దాటిన వైర్లను తొలగించి కొత్త వైర్లు ఏర్పాటు చేయాలి.