Kaushik Reddy : మంత్రి పొన్నం ప్రభాకర్‌పై ఎమ్మెల్యే కౌశిక్ రెడ్డి తీవ్ర వ్యాఖ్యలు

పొన్నం ప్రభాకర్ ఓ ఆవేశం స్టార్. మరోసారి ఆయన నోరుపారేసుకున్నారు. ప్రజలు ఫోన్ చేస్తే కూడా ఇష్టానుసారంగా మాట్లాడుతున్నాడంటూ బీఆర్ఎస్ ఎమ్మెల్యే కౌశిక్ రెడ్డి ఆగ్రహం వ్యక్తం చేశారు.

MLA Kaushik Reddy

MLA Kaushik Reddy : మంత్రి పొన్నం ప్రభాకర్‌పై బీఆర్ఎస్ ఎమ్మెల్యే కౌశిక్ రెడ్డి తీవ్ర వ్యాఖ్యలు చేశారు. మంత్రి పొన్నం ప్రభాకర్ పిచ్చిపిచ్చిగా వ్యవహరిస్తున్నారంటూ ఆగ్రహం వ్యక్తం చేశారు. ఆయన ఆవేశం చూస్తుంటే.. ఆవేశం స్టార్ అని పిలవాలని ఉందని ఎద్దేవా చేశారు. ఆడియోలో ఎమ్మార్వోలతో మాట్లాడిన మాటలు సిగ్గుచేటన్నారు. ఆర్డీవోకి ఫోన్ చేసి బెదిరిస్తున్నారు.. సీఎస్ కు ఫిర్యాదు చేస్తా అంటున్నాడు. ఆయనపై చర్యలు తీసుకుంటే మంత్రి పొన్నంను కూడా మంత్రి వర్గం నుంచి బర్తరఫ్ చేయాలని కౌశిరెడ్డి డిమాండ్ చేశారు. ఆర్డీవో, ఎమ్మార్వోలకు నా నుంచి ఒక్క ఫోన్ కాల్ ఉన్నా.. ఛాలెంజ్ కు సిద్ధం అన్నారు.

Also Read : తమిళనాడు సీఎం స్టాలిన్ మార్నింగ్ వాక్.. స్వీట్ షాపులోకి వెళ్లి ఏం చేశారంటే? వీడియో వైరల్

పొన్నం ప్రభాకర్ ఓ ఆవేశం స్టార్. మరోసారి ఆయన నోరుపారేసుకున్నారు. ప్రజలు ఫోన్ చేస్తే కూడా ఇష్టానుసారంగా మాట్లాడుతున్నాడు. కుక్కకి బొక్క దొరికినట్లుగా మంత్రి వ్యవహారశైలి ఉంది. ఆరు గ్యారెంటీలతో ఆయన బూతులను ఏడో గ్యారెంటీగా ఇస్తున్నాడంటూ పొన్నంపై కౌశిక్ రెడ్డి ఆగ్రహం వ్యక్తం చేశాడు. మరోవైపు.. బీఆర్ఎస్ ఎమ్మెల్యే దానం నాగేందర్ పార్టీ మారడంపై స్పీకర్ కు ఫిర్యాదు చేశామని కౌశిక్ రెడ్డి చెప్పారు. కాంగ్రెస్ ఎంపీ అభ్యర్థిగా కూడా దానం నాగేందర్ ను ప్రకటించారు. ఇప్పటికైనా స్పీకర్ వెంటనే దానం నాగేందర్ పై చర్యలు తీసుకోవాలని  కౌశిక్ రెడ్డి కోరారు.