MLA Raghunandan : జూబ్లీహిల్స్ రేప్ కేసు నిందితుల్లో సాదుద్దీన్ తోపాటు మేజర్లు ఉన్నారు : ఎమ్మెల్యే రఘునందన్
నిందితుల బర్త్ సర్టిఫికెట్, ఎస్ఎస్ సీ మెమోలను బయట పెట్టాలని డిమాండ్ చేశారు. సుప్రీంకోర్టుకు వెళ్లైనా నిందితులకు శిక్ష పడేలా చేస్తానని చెప్పారు.
- Published By: 10TV Digital Team ,Published On : June 12, 2022 / 08:23 PM IST
Raghunandan
MLA Raghunandan : హైదరాబాద్ జూబ్లీహిల్స్ బాలిక గ్యాంగ్ రేప్ కేసు ఘటనపై ఎమ్మెల్యే రఘునందన్ సంచలన ఆరోపణలు చేశారు. నిందితుల్లో సాదుద్దీన్ తోపాటు మేజర్లు ఉన్నారని పేర్కొన్నారు. నిందితులకు బెయిల్ రావడం, శిక్ష తగ్గించడం కోసమే ఫేక్ ఆధార్ కార్డులతో మైనర్లుగా కేసు నమోదు చేశారని ఆరోపించారు. 10టీవీ క్వశ్చన్ అవర్ లో రఘునందన్ ఈ వ్యాఖ్యలు చేశారు.
నిందితుల బర్త్ సర్టిఫికెట్, ఎస్ఎస్ సీ మెమోలను బయట పెట్టాలని డిమాండ్ చేశారు. సుప్రీంకోర్టుకు వెళ్లైనా నిందితులకు శిక్ష పడేలా చేస్తానని చెప్పారు. అయితే సాదుద్దీన్ తప్ప మిగతా అందరూ మైనర్లని హైదరాబాద్ పోలీసులు అంటున్నారు. కానీ, సాదుద్దీన్ కాకుండా మిగిలినవారిలో మేజర్లున్నారని రఘునందన్ చెబుతున్నారు. పోలీసులు నోటీసులు ఇస్తే ఆధారాలు ఇస్తానని రఘునందన్ పేర్కొన్నారు.
Jubilee Hills Gang Rape : జూబ్లీహిల్స్ గ్యాంగ్ రేప్ కేసు.. టెక్నికల్ ఎవిడెన్స్ ఆధారంగా మైనర్ల విచారణ
హైదరాబాద్ జూబ్లీహిల్స్ గ్యాంగ్ రేప్ సీన్ రీకన్‌స్ట్రక్షన్‌ ముగిసింది. పెద్దమ్మ గుడి వెనుక నిందితులతో పోలీసులు సీన్ రీకన్‌స్ట్రక్షన్‌ చేయించారు. జూబ్లీహిల్స్ పోలీస్ స్టేషన్ నుంచి నిందితుల్ని ప్రత్యేక వాహనంలో బయటకు తీసుకొచ్చిన పోలీసులు.. అమ్నేసియా పబ్ మీదుగా పెద్దమ్మ గుడి దగ్గరకు తరలించారు. ఆ రోజు అక్కడ ఏం జరిగిందో తెలుసుకున్నారు. అనంతరం నిందితుల్ని అదే వాహనంలో పోలీస్ స్టేషన్‌కు తరలించారు.
మరోవైపు జూబ్లీహిల్స్ గ్యాంగ్ రేప్ కేసులో రోజుకో కొత్త విషయం వెలుగు చూస్తోంది. ఈ కేసులో బాధితురాలి మెడికల్ రిపోర్ట్ కీలకంగా మారింది. బాలిక శరీరంపై 12 గాయాలు ఉన్నట్లు వైద్యులు ఇచ్చిన రిపోర్టులో ఉంది. బాలిక మెడపై నిందితులు కొరికిన గుర్తులు ఉన్నాయి. మైనర్ బాలిక మెడపై తీవ్రంగా కొరకడం, రక్కడంతో గాయాలు అయ్యాయి. బాలిక మెడపై టాటూలా ఉండాలనే, మెడపై కొరికినట్లు నిందితులు పోలీసులకు ఇచ్చిన వాంగ్మూలంలో చెప్పారు.
Jubilee Hills Gang Rape : జూబ్లీ హిల్స్ గ్యాంగ్ రేప్ కేసు-టాటూ లా ఉండాలనే మెడపై కొరికాము
ఇవాళ ఆరుగురు నిందితులను జూబ్లీ హిల్స్ పోలీసు స్టేషన్ లో ఏసీపీ సుదర్శన్ విచారిస్తున్నారు. సీన్ రీ కనస్ట్రక్షన్ కోసం పోలీసులు నిందితులను అమ్నేశియా పబ్ నుంచి రోడ్ నెంబరు 36 కు తీసుకువెళ్ళారు. ఈ కేసులో మరో సీసీటీవీ ఫుటేజీని పోలీసులు స్వాధీనం చేసుకున్నారు. ఆ ఫుటేజిలో ఎరుపు రంగు బెంజి కారులో బాలిక బంజారా హిల్స్ రోడ్ నెంబర్ 12 నుండి ప్రయాణిస్తన్న ఆధారాలు దొరికాయి. నిన్న ముగ్గురు మైనర్లతోపాటు ఒక మేజర్‌ను విచారణ అధికారి గంటపాటు ఇంటరాగేట్ చేశారు.
పబ్‌లో బాలికను పరిచయం చేసుకునప్పటి నుండి ట్రాప్‌లోకి దించడం…అనంతరం అత్యాచార ఘటన. మరుసటి రెండు రోజుల వరకు అసలు ఏం జరిగింది? ఎక్కడికి పరార్ అయ్యారు? ఎవరి సహాయంతో తెలంగాణ స్టేట్ దాటారు? ఇలా అనేక కోణాల్లో పోలీసు నిందితులను విచారించారు. సాదుద్దీన్ మాలిక్ కస్టడీ విచారణ నేటితో ముగియనుంది. పోలీసులు నిన్న ఆరుగురు నిందితులకు ఉస్మానియా ఆస్పత్రిలో పొటెన్సీ పరీక్షలు నిర్వహించారు.
