Traffic Restrictions : హైద‌రాబాద్‌లో ట్రాఫిక్ ఆంక్షలు.. ఫిబ్రవరి 15వరకు ఆ ఏరియాల్లోకి వెళ్లొద్దు
నాంపల్లిలోని ఎగ్జిబిషన్ మైదానంలో జనవరి 1 (సోమవారం) నుంచి ఫిబ్రవరి 15వ తేదీ వరకు 83 అఖిలభారత పారిశ్రామిక ప్రదర్శన (నుమాయిష్) జరగనుంది.
- Published By: 10TV Digital Team ,Published On : January 1, 2024 / 07:44 AM IST
Traffic Restrictions In Hyderabad
Traffic Restrictions In Hyderabad : నాంపల్లిలోని ఎగ్జిబిషన్ మైదానంలో జనవరి 1 (సోమవారం) నుంచి ఫిబ్రవరి 15వ తేదీ వరకు 83వ అఖిలభారత పారిశ్రామిక ప్రదర్శన (నుమాయిష్) జరగనుంది. ఈ సందర్భంగా ఆయా మార్గాల్లో సాయంత్రం 4గంటల నుంచి అర్థరాత్రి వరకు వాహనాల రాకపోకలపై పోలీసులు ఆంక్షలు విధించారు. రాబోయే 45 రోజులపాటు ఈ ట్రాఫిక్ ఆంక్షలు అమల్లో ఉంటాయని, ప్రజలు ఈ విషయాన్ని గమనించి సహకరించాలని పోలీసులు విజ్ఞప్తి చేశారు.
Also Read : Ram Mandir QR code scam : రామమందిరం పేరిట క్యూఆర్ కోడ్ స్కాం…హిందూ సంస్థల హెచ్చరిక
ట్రాఫిక్ ఆంక్షలు ఉన్న ప్రాంతాలివే ..
- సిద్ధిఅంబర్ బజార్, జాంబాగ్ ల వైపు నుంచి నాంపల్లి వైపు వెళ్లాలనుకునే ఆర్టీసీ, ప్రైవేటు బస్సులు, భారీ వాహనాలు ఎంజే మార్కెట్ వద్ద అబిడ్స్ జంక్షన్ వైపు మళ్లిస్తారు.
- పోలీసు కంట్రోల్ రూమ్, బషీర్ బాగ్ నుంచి నాంపల్లి వైపు వెళ్లే ఆర్టీసీ, ప్రైవేట్ బస్సులు, ఇతర వాహనాలను ఏఆర్ పెట్రోల్ బంక్ నుంచి బీజేఆర్ (బషీర్ బాగ్) కూడలి నుంచి అబిడ్స్ వైపు పంపిస్తారు.
- బేగంబజార్ ఛత్రీ నుంచి మాలకుంట వైపు వెళ్లే భారీ, ఇతర వాహనాలు అలాస్కా జంక్షన్ నుంచి దారుస్సలాం, ఏక్ మినార్ మసీదు, నాంపల్లి వైపు వెళ్లాల్సి ఉంటుంది.
- దారుస్సలాం (గోషామహల్ రోడ్డు) నుంచి అఫ్జల్ గంజ్, అబిడ్స్ వైపు వెళ్లాలనుకునే డీసీఎం వాహనాలతో సహా భారీ, ఇతర వాహనాలు అలాస్కా జంక్షన్ నుంచి బేగంబజార్, సిటీ కాలేజీ, నయా పూల్ వైపు మళ్లిస్తారు.
- మూసాబౌలి/బహదూర్ పుర పాతబస్తీ నుంచి నాంపల్లి వైపు వెళ్లాలనుకునే ఆర్టీసీ బస్సులతో సహా ఇతర వాహనాలు సిటీ కళాశాల వద్ద నయాపూల్, ఎంజే మార్కెట్ వైపు వెళ్లాల్సి ఉంటుంది.
