HDFC Scholarship: విద్యార్థులకు గుడ్ న్యూస్.. హెచ్‌డీఎఫ్‌సీ అకౌంట్ ఉంటే రూ.75 వేల స్కాలర్‌షిప్.. అర్హత, దరఖాస్తు, పూర్తి వివరాలు

HDFC Scholarship: హెచ్‌డీఎఫ్‌సీ బ్యాంక్ ఆర్థికంగా వెనుకబడిన విద్యార్థులకు గుడ్ న్యూస్ చెప్పింది. 1వ తరగతి నుంచి పోస్ట్‌గ్రాడ్యుయేట్ వరకు ఉన్న విద్యార్థులకు స్కాలర్షిప్ అందించనుంది.

HDFC Parivartan 75 thousand scholarship for economically backward students

హెచ్‌డీఎఫ్‌సీ బ్యాంక్ ఆర్థికంగా వెనుకబడిన విద్యార్థులకు గుడ్ న్యూస్ చెప్పింది. 1వ తరగతి నుంచి పోస్ట్‌గ్రాడ్యుయేట్ వరకు ఉన్న విద్యార్థులకు స్కాలర్షిప్ అందించనుంది. ఈ మేరకు ECSS స్కాలర్‌షిప్ 2025-26 కోసం దరఖాస్తులను ఆహ్వానిస్తోంది. ఈ కార్యక్రమం ఆర్థికంగా వెనుకబడిన, ప్రతిభావంతులైన విద్యార్థులకు సహాయం అందించడమే లక్ష్యంగా రూపొందించబడింది. దీనికి ఎంపికైన విద్యార్థులకు రూ.75,000 వరకు ఆర్థిక సహాయం లభించనుంది. కాబట్టి విద్యార్థులు తప్పుకుండా ఈ అవకాశాన్ని సద్వినియోగం చేసుకోవాలి. సెప్టెంబర్ 04, 2025 వరకు హెచ్‌డీఎఫ్‌సీ బ్యాంక్ అధికారిక వెబ్ సైట్ ద్వారా దరఖాస్తు చేసుకోవచ్చు.

అర్హత వివరాలు:

• భారత పౌరులు మాత్రమే దరఖాస్తు చేసుకోవాలి.
• 1వ తరగతి నుంచి డిప్లొమా, ఐటిఐ, పాలిటెక్నిక్, గ్రాడ్యుయేట్, పోస్ట్ గ్రాడ్యుయేట్ కోర్సులు చదువుతున్న విద్యార్థులందరు దరఖాస్తు చేయవచ్చు.
• చివరిగా రాసిన అర్హత పరీక్షలో కనీసం 55% మార్కులు సాధించి ఉండాలి.
• అభ్యర్థుల వార్షిక ఆదాయం రూ.2.5 లక్షలు లేదా అంతకంటే తక్కువగా ఉండాలి.

స్కాలర్షిప్ వివరాలు:

ఈ స్కీంకు ఎంపికైన అభ్య‌ర్థుల‌కు స్కాలర్‌షిప్ రూపంలో రూ.75,000 వరకు ఆర్థిక సహాయం అందుతుంది

• 1 నుంచి 6వ తరగతి వరకు రూ.15,000
• 7 నుంచి 12/ డిప్లొమా / ఐటిఐ వరకు రూ.18,000
• BA, B.Com చదువుతున్నవారికి రూ.30,000
• ఇంజనీరింగ్, MBBS చదువుతున్న వారికి రూ.50,000
• జనరల్ పీజీ చదువుతున్నవారికి రూ.35,000
• MBA, M.Tech చేస్తున్న వారికి రూ.75,000

వరకు ఆర్ధిక సహాయం అందిస్తారు. అది కూడా విద్యార్థులు వ్యక్తిగత ఖాతాల్లో మాత్రమే జమ చేయడం జరుగుతుంది.