EV Bus Fleet: తిరుపతిలో ఫ్రెష్ బస్సు EV బస్ ఫ్లీట్‌ను జెండా ఊపి ప్రారంభించిన కేంద్ర మంత్రి నితిన్ గడ్కరి
ఈ బస్సులు పునరుత్పత్తి బ్రేకింగ్, ఉష్ణోగ్రత సెన్సార్లు, CCTV నిఘా, మెడికల్ కిట్‌లు, అగ్నిమాపక యంత్రాలు, మహిళా ప్రయాణికుల కోసం ప్రత్యేకమైన పింక్ సీట్ ఫీచర్ వంటి అధునాతన భద్రతా చర్యలను కలిగి ఉంటాయి
- Published By: 10TV Digital Team ,Published On : July 12, 2023 / 09:21 PM IST
Nitin Gadkari: కొత్త-యుగం ఇంటర్‌సిటీ EV బస్సు సర్వీస్ అయిన ఎలక్ట్రిక్ ఫ్లీట్‌ను తిరుపతిలో జరిగిన ఒక కార్యక్రమంలో కేంద్ర రోడ్డు రవాణా శాఖ మంత్రి నితిన్ గడ్కరీ బుధవారం జెండా ఊపి ప్రారంభించారు. భారతదేశంలో సౌకర్యవంతమైన, సరసమైన, పర్యావరణ అనుకూలమైన ఇంటర్-సిటీ బస్సు ప్రయాణానికి భవిష్యత్ ప్రత్యామ్నాయాన్ని అందించడానికి ఒక ముఖ్యమైన దశను ఇది సూచిస్తుంది. బెంగుళూరు-తిరుపతి రూట్‌లో ఒక్కో సీటుకు రూ.399 ధరతో ఇప్పటికే నడుస్తున్న ఫ్రెష్ బస్సు, తమ ప్రయాణీకులకు ప్రీమియం, పర్యావరణ అనుకూల బస్సు ప్రయాణ అనుభవాన్ని అందిస్తోంది. ఈ నెలలోనే హైదరాబాద్-విజయవాడ మార్గంలో కూడా కంపెనీ తమ సేవలను ప్రారంభించనుంది.
మెరుగైన శిక్షణ, నాణ్యత తనిఖీలతో పాటుగా మద్యం, మాదకద్రవ్యాల పరీక్షలతో సహా కఠినమైన పరిశీలనను డ్రైవర్లు ఎదుర్కోవాల్సి ఉంటుంది. ఈ బస్సులు పునరుత్పత్తి బ్రేకింగ్, ఉష్ణోగ్రత సెన్సార్లు, CCTV నిఘా, మెడికల్ కిట్‌లు, అగ్నిమాపక యంత్రాలు, మహిళా ప్రయాణికుల కోసం ప్రత్యేకమైన పింక్ సీట్ ఫీచర్ వంటి అధునాతన భద్రతా చర్యలను కలిగి ఉంటాయి. ప్రయాణీకులందరికీ సురక్షితమైన, ఆహ్లాదకరమైన అనుభూతిని అందిస్తాయి. 2 గంటల్లో 100% ఛార్జ్ చేయగల సామర్థ్యంతో ఫ్రెష్ బస్ ఎలక్ట్రిక్ ఫ్లీట్ గరిష్టంగా గంటకు 90 కిమీ వేగంతో 400 కిమీ వరకు ప్రయాణించగలదు.
ఈ కార్యక్రమంలో నితిన్ గడ్కరీ మాట్లాడుతూ “ఎలక్ట్రిక్ బస్సుల రాక కాలుష్యం తగ్గడానికి దారి తీస్తుంది. అలాగే డీజిల్, ముడి చమురు దిగుమతిపై ఆధారపడటాన్ని కూడా తగ్గించగలుగుతుంది. పర్యావరణ అనుకూల రవాణాను ప్రోత్సహించడం, కర్బన ఉద్గారాలను తగ్గించడం కోసం ఈ కార్యక్రమం ఒక ముఖ్యమైన ముందడుగు. కస్టమర్ అనుభవం, భద్రత మరియు ఆవిష్కరణలపై ఫ్రెష్ బస్ యొక్క దృష్టి ప్రశంసనీయం. వారి ఎలక్ట్రిక్ ఫ్లీట్ భారతదేశంలో ఇంటర్ సిటీ ట్రావెల్ కి పచ్చదనం, మరింత సమర్థవంతమైన భవిష్యత్తును అందించటానికి దోహదపడుతుందని నేను విశ్వసిస్తున్నాను” అని అన్నారు.
