Ravichandran Ashwin : చరిత్ర సృష్టించిన రవిచంద్రన్ అశ్విన్.. స్వదేశంలో అత్యధిక వికెట్లు తీసిన బౌలర్గా..
టీమ్ఇండియా సీనియర్ ఆటగాడు రవిచంద్రన్ అశ్విన్ చరిత్ర సృష్టించాడు.
టీమ్ఇండియా సీనియర్ ఆటగాడు రవిచంద్రన్ అశ్విన్ చరిత్ర సృష్టించాడు. స్వదేశంలో అత్యధిక వికెట్లు తీసిన భారత బౌలర్గా నిలిచాడు. ఈ క్రమంలో స్పిన్ దిగ్గజం అనిల్ కుంబ్లే రికార్డును బద్దలు కొట్టాడు. అంతర్జాతీయ క్రికెట్ లో ఓవరాల్గా ఈ ఘనత సాధించిన ఐదో ఆటగాడిగా నిలిచాడు. రాంచీలో ఇంగ్లాండ్తో జరుగుతున్న నాలుగో టెస్టు మ్యాచులో అశ్విన్ ఈ ఘనతలను అందుకున్నాడు. వరుస బంతుల్లో బెన్ డకెట్, ఓలీపోప్లను ఔట్ చేయడం ద్వారా స్వదేశంలో అశ్విన్ తీసిన వికెట్ల సంఖ్య 351కి చేరింది.
Another day, another landmark! 🙌 🙌
With that Ben Duckett wicket, R Ashwin completed 3⃣5⃣0⃣ Test wickets in India 👍 👍
Follow the match ▶️ https://t.co/FUbQ3Mhpq9 #TeamIndia | #INDvENG | @IDFCFIRSTBank pic.twitter.com/2hHY2Ohq7p
— BCCI (@BCCI) February 25, 2024
భారత్లో అత్యధిక వికెట్లు తీసిన టీమ్ఇండియా ఆటగాళ్లు వీరే..
రవిచంద్రన్ అశ్విన్ – 351*
అనిల్ కుంబ్లే – 350 వికెట్లు
హర్భజన్ సింగ్ – 265
కపిల్ దేవ్ – 219
రవీంద్ర జడేజా – 210*
బిఎస్ చంద్రశేఖర్ – 142
బిషన్ సింగ్ బేడీ – 137
జహీర్ ఖాన్ – 104
ఇషాంత్ శర్మ – 104
R Ashwin 🙌🙌🙌 #INDvENG pic.twitter.com/7ywntggMY9
— Cricbuzz (@cricbuzz) February 25, 2024
ఇక ఓవరాల్గా తీసుకుంటే.. స్వదేశంలో 350 కంటే ఎక్కువ వికెట్లు తీసిన బౌలర్ల జాబితాలో అశ్విన్ ఐదో స్థానంలో నిలిచాడు. ముత్తయ్య మురళీధరన్, జేమ్స్ ఆండర్సన్, స్టువర్ట్ బ్రాడ్, కుంబ్లే తర్వాత అశ్విన్ ఈ ఘనత సాధించాడు.
Dhruv Jurel : ధ్రువ్ జురెల్ సెంచరీ మిస్.. ఇంగ్లాండ్కు స్వల్ప ఆధిక్యం
స్వదేశంలో 350 లేదా అంతకంటే ఎక్కువ టెస్ట్ వికెట్లు సాధించిన బౌలర్లు..
ముత్తయ్య మురళీధరన్ (శ్రీలంక) – 73 టెస్టుల్లో 493 వికెట్లు
జేమ్స్ ఆండర్సన్ (ఇంగ్లాండ్) – 105 టెస్టుల్లో 434 వికెట్లు
స్టువర్ట్ బ్రాడ్ (ఇంగ్లాండ్) – 98 టెస్టుల్లో 398 వికెట్లు
రవిచంద్రన్ అశ్విన్ (భారత్)- 59 టెస్టుల్లో 351 వికెట్లు
అనిల్ కుంబ్లే (భారత్) – 63 టెస్టుల్లో 350 వికెట్లు