Firecrackers Blast : బాబోయ్… బైక్‌పై వెళ్తుండగా బాంబుల్లా పేలిన టపాసులు.. తండ్రి, ఏడేళ్ల కొడుకు మృతి

తమిళనాడులోని విల్లుపురం జిల్లాలో తీవ్ర విషాదం చోటు చేసుకుంది. బ్యాగుల్లో తీసుకెళ్తున్న టపాసులు పేలి తండ్రి సహా ఏడేళ్ల కొడుకు స్పాట్ లోనే చనిపోయారు.

Firecrackers Blast : బాబోయ్… బైక్‌పై వెళ్తుండగా బాంబుల్లా పేలిన టపాసులు.. తండ్రి, ఏడేళ్ల కొడుకు మృతి

Firecrackers Blast

Firecrackers Blast : తమిళనాడులోని విల్లుపురం జిల్లాలో తీవ్ర విషాదం చోటు చేసుకుంది. బ్యాగుల్లో తీసుకెళ్తున్న టపాసులు పేలి తండ్రి సహా ఏడేళ్ల కొడుకు స్పాట్ లోనే చనిపోయారు. పుదుచ్చేరి లోని అరియన్‌కుప్పం ప్రాంతానికి చెందిన కలయని సన్‌(35) తన ఏడేళ్ల కొడుకు ప్రదేశ్ తో మరక్కణంలో బాణాసంచా కొనుగోలు చేశాడు. రెండు బ్యాగుల నిండా టపాసులు కొన్నాడు. ఆ తర్వాత వాటిని తీసుకుని ఆనందంగా బైక్‌పై ఇంటికి వెళ్తుండగా.. ఇంతలో ఊహించని ఘోరం జరిగిపోయింది. ప్రమాదవశాత్తు టపాసులు ఒక్కసారిగా బాంబుల్లా పేలాయి.

Third-Party Apps : మీ గూగుల్ అకౌంట్లో థర్డ్ పార్టీ యాప్స్ యాక్సస్ ఆపేయండిలా!

భారీ పేలుడు కారణంగా ఘటనా స్థలిలోనే తండ్రి, కొడుకు మృతి చెందారు. రోడ్డుపై వారి వెనకాలే వెళ్తున్న మరో ఇద్దరికి కూడా పేలుడు ధాటికి తీవ్ర గాయాలయ్యాయి. ఓ లారీ సహా ఇతర వాహనాలు ఈ పేలుడు దాటికి పాక్షికంగా దెబ్బతిన్నట్లు పోలీసులు తెలిపారు. క్రాకర్స్ పేలిన దృశ్యాలు సీసీ కెమెరాల్లో రికార్డ్ అయ్యాయి.

Heart Attack : అకస్మాత్తుగా గుండెపోటు ఎందుకు వస్తుందంటే?

సీసీ కెమెరాలో రికార్డ్ అయిన దృశ్యాలు షాక్ కి గురి చేస్తున్నాయి. ఆ దృశ్యాలు గుండెల్లో వణుకుపుట్టించే విధంగా ఉన్నాయి. టపాసులు బాంబుల్లా పేలాయి. అక్కడ భారీ బ్లాస్ట్ జరిగింది. ఏం జరిగిందో తెలుసుకునేలోపే తండ్రి, కొడుకు ప్రాణాలు పోయాయి. ఈ పేలుడిని కళ్లారా చూసిన వాహనదారులు, స్థానికులు నిర్ఘాంతపోయారు. బైక్ పై వెళ్తున్న సమయంలో ఒక్కసారిగా బ్లాస్ట్ జరిగింది. ఈ పేలుడికి కారణాలు తెలియాల్సి ఉంది. ఈ పేలుడికి సంబంధించిన వీడియో సోషల్ మీడియాలో వైరల్ గా మారింది. వీడియో చూసినోళ్లంతా వామ్మో అంటున్నారు.