Honour Killing: హైదరాబాద్‌లో మరో పరువు హత్య

హైదరాబాద్‌లోని బేగంబజార్‌లో దారుణం జరిగింది. శుక్రవారం సాయంత్రం షాహినాథ్ గంజ్ పరిధిలోని మచ్చి మార్కెట్ వద్ద పరువు హత్య జరిగింది. ప్రేమ పెళ్లి చేసుకున్నారన్న కారణంతో నలుగురు దుండగులు యువకుడిని కత్తితో పొడిచి హత్య చేశారు.

Honour Killing: హైదరాబాద్‌లోని బేగంబజార్‌లో దారుణం జరిగింది. శుక్రవారం సాయంత్రం షాహినాథ్ గంజ్ పరిధిలోని మచ్చి మార్కెట్ వద్ద పరువు హత్య జరిగింది. ప్రేమ పెళ్లి చేసుకున్నారన్న కారణంతో నలుగురు దుండగులు యువకుడిని కత్తితో పొడిచి హత్య చేశారు. నీరజ్ పన్వార్ అనే యువకుడు గత ఏడాది ఒక యువతిని ప్రేమించి, పెళ్లి చేసుకున్నాడు. అయితే, యువతి కుటుంబ సభ్యులకు ఈ పెళ్లి ఇష్టం లేదు. దీంతో అప్పటినుంచి కక్షకట్టిన యువతి కుటుంబ సభ్యులు తాజాగా యువకుడిని హత్య చేసేందుకు నిర్ణయించుకున్నారు. మార్కెట్లో ఉన్న యువకుడిపై కత్తితో దాడి చేయడంతో అక్కడికక్కడే ప్రాణాలు కోల్పోయాడు.

Centre’s notice to cab aggregators: వెల్లువెత్తుతున్న ఫిర్యాదులు.. ఓలా, ఉబర్‌లకు కేంద్రం నోటీసులు

సమాచారం అందుకున్న పోలీసులు ఘటనా స్థలానికి చేరుకుని, నీరజ్ మృతదేహాన్ని స్వాధీనం చేసుకున్నారు. నిందితులపై కేసు నమోదు చేసి దర్యాప్తు చేస్తున్నారు. ఇటీవల హైదరాబాద్‌లోని సరూర్ నగర్‌లో పరువు హత్య జరిగిన సంగతి తెలిసిందే. ఆశ్రిన్ అనే యువతిని ప్రేమించి, పెళ్లి చేసుకున్నందుకు నాగరాజు అనే వ్యక్తిని యువతి కుటుంబ సభ్యులు హతమర్చారు. ఈ నెల మొదటి వారంలో ఈ ఘటన జరిగింది.