Snakes In Home : ఇంట్లోకి పాములు దురాయని.. ఇంటికే నిప్పుపెట్టాడు
ఎలుకలు ఉన్నాయని ఇల్లు తగబెట్టిన సామెత తెలుగులో చాలా ఫేమస్. అయితే ఇటువంటి నిజమైన సంఘటన అమెరికాలో చోటుచేసుకుంది.
Snakes In Home : ఎలుకలు ఉన్నాయని ఇల్లు తగబెట్టిన సామెత తెలుగులో చాలా ఫేమస్. అయితే ఇటువంటి నిజమైన సంఘటన అమెరికాలో చోటుచేసుకుంది. కానీ అక్కడ ఇంట్లో ఉంది ఎలుకలు కాదు పాములు. పాములను తరిమే ప్రయత్నంలో ఇంట్లో పొగపెట్టాడో వ్యక్తి.. అది కాస్త మండే వస్తువులకు అంటుకోవడంతో ఇల్లు మొత్తం కాలిబూడిదైంది. అమెరికాలోని మేరీలాండ్లోని మాంట్గోమెరీలో ఈ సంఘటన జరగ్గా ఇందుకు సంబందించిన వీడియోలు సోషల్ మీడియాలో వైరల్గా మారాయి.
చదవండి : Drunkard With Snake : త్రాచు పాముతో తాగుబోతు యాచన…. హడలి పోయిన స్ధానికులు
మాంట్గోమెరీలోని ఓ ఇంట్లోకి పాములు చొరబడ్డాయి.. వాటిని గమనించిన ఇంటి యజమాని బయటకు పంపే ప్రయత్నం చేశాడు. అయితే అవి కనిపించకుండా లోపలికి వెళ్లడంతో వాటిని బయటకు రప్పించేందుకు పొగపెట్టాడు.. ఆ పొగ కాస్తా ఇల్లు మొత్తం కమ్మేసింది. దీంతో అక్కడి నుంచి బయటకు వచ్చాడు సదరు వ్యక్తి. ఇదే సమయంలో మంటలు చెలరేగి ఇంట్లోని మండే వస్తువులకు అంటుంది. ఒక్కసారిగా మంటలు వ్యాపించాయి. ఇంటి యజమాని తేరుకునే లోపే మంటలు ఇల్లంతా వ్యాపించాయి. దీంతో అగ్నిమాపక సిబ్బందికి సమాచారం అందించాడు. వారు వచ్చేలోపే జరగాల్సినంత నష్టం జరిగిపోయింది. ఇల్లు పూర్తిగా కాలిపోయింది.
చదవండి : Snake Venom : అమ్మకానికి పాము విషం- ధర తెలిస్తే……
ఫైర్ సిబ్బందిలోని ఓ వ్యక్తి ఆ దృశ్యాలను తన ఫోన్లో బందించి సోషల్ మీడియాలో పోస్టు చేశాడు. దీంతో ఇల్లు కాలిపోతున్న వీడియోలు వైరల్ అయ్యాయి. ఇక ఈ ఘటనపై ఇంటి యజమాని మాట్లాడుతూ.. 10 లక్షల డాలర్ల నష్టం జరిగినట్లు వివరించాడు. ఇంట్లోని అన్ని వస్తువులు కాలిపోయాయని తెలిపాడు.
ICYMI (Tuesday 11/23 10p) 21000blk Big Woods Rd, Dickerson/Poolesville, @mcfrs no injuries, Cause-undetermined/under investigation, >$1M loss, ~75FFs responded, it was dark & cold (~ 25°) NOTE: non-hydrant area, driveway 3/4 mi long off Big Woods Rd pic.twitter.com/hJ4i4Bz8nL
— Pete Piringer (@mcfrsPIO) November 26, 2021