Imran Khan: తనను తాను గాడిదతో పోల్చుకున్న ఇమ్రాన్.. సోషల్ మీడియాలో నవ్వులు పూయిస్తున్న వీడియో.. |Video of ex-Pakistan PM Imran Khan comparing himself to a donkey goes viral

Imran Khan: తనను తాను గాడిదతో పోల్చుకున్న ఇమ్రాన్.. సోషల్ మీడియాలో నవ్వులు పూయిస్తున్న వీడియో..

పాకిస్తాన్ మాజీ ప్రధాని ఇమ్రాన్ ఖాన్ గతకొంత కాలంగా నిత్యం వార్తల్లో నిలుస్తున్నారు. గత నెలలో ఆ దేశ ప్రతిపక్ష పార్టీలు పెట్టిన అవిశ్వాసంలో పదవిని కోల్పోయిన ఇమ్రాన్.. తాజా ప్రభుత్వంపై...

Imran Khan: తనను తాను గాడిదతో పోల్చుకున్న ఇమ్రాన్.. సోషల్ మీడియాలో నవ్వులు పూయిస్తున్న వీడియో..

Imran Khan: పాకిస్తాన్ మాజీ ప్రధాని ఇమ్రాన్ ఖాన్ గతకొంత కాలంగా నిత్యం వార్తల్లో నిలుస్తున్నారు. గత నెలలో ఆ దేశ ప్రతిపక్ష పార్టీలు పెట్టిన అవిశ్వాసంలో పదవిని కోల్పోయిన ఇమ్రాన్.. తాజా ప్రభుత్వంపై విరుచుకుపడుతూ నిత్యం వార్తల్లో నిలుస్తున్నారు. ప్రస్తుతం ఓ మీడియా సంస్థకు ఇచ్చిన ఇంటర్వ్యూలో ఇమ్రాన్ తనను తాను గాడిదతో పోల్చుకున్న వీడియో సోషల్ మీడియాలో వైరల్ గా మారింది. ఈ వీడియోను హసన్ జైదీ అనే వ్యక్తి ట్విటర్ లో పోస్టు చేశాడు. దీంతో నెటిజన్లు విపరీతంగా ట్రోలింగ్ చేస్తున్నారు.

ప్రధాని పదవి కోల్పోయిన అనంతరం ఇమ్రాన్ ఖాన్ ఇటీవల ఓ మీడియా సంస్థకు ఇంటర్వ్యూ ఇచ్చారు. ఈ సందర్భంగా ఆయన వివిధ దేశాలతో తనకు సత్సంబంధాలు ఉన్నప్పటికీ పాకిస్థాన్ నా మాతృభూమి అంటూ వివరించారు. బ్రిటన్ లో ఎక్కువకాలం గడిపానని, అక్కడ ఎంతో మంది స్నేహితులు, అభిమానులు నన్ను ఎల్లప్పుడూ ఆదరిస్తూనే ఉంటారని అన్నారు. అయినప్పటికీ ఆ దేశాన్ని నేనెప్పుడూ సొంతిల్లు మాదిరిగా పరిగణించలేదని, నేను ఎప్పటికీ పాకిస్థానినే అన్నారు. ఈ క్రమంలో గాడిదకు కేవలం రంగులు వేసినంత మాత్రాన అది చారల గుర్రం కాలేదు.. గాడిద గాడిదే అని ఇమ్రాన్ చేసిన వ్యాఖ్యలకు సోషల్ మీడియాలో నెటిజన్లు తెగ ట్రోల్ చేస్తున్నారు.

×