Old Women Dance : బామ్మ డ్యాన్స్ కు…2కోట్ల వ్యూస్

ప్రస్తుతం తన జీవితంలో బాధ్యతలన్నీ తీరిపోయాయి. పెళ్ళి, పిల్లలు వారంతా తమజీవితంలో స్ధిరపడిపోవటంతో ప్రస్తుతం కృష్ణకుమారి తన చిన్ననాటి కోరిక తీర్చుకోవటంపై దృష్టిసారించింది.

10TV Telugu News

Old Women Dance : ఆ బామ్మ వయస్సు 78 ఏళ్ళు..ఆమె వేస్తున్న డ్యాన్స్ ప్రస్తుతం సోషల్ మీడియాను ఓ ఊపు ఊపేస్తుంది. కాలు,చేయి సరిగా ఆడించలేని స్టేజిలో కృష్ణా,రామా అనుకుంటూ ఇంట్లో కూర్చోవాల్సిన బామ్మ ఇలా డ్యాన్స్ చేయటమేంటా అని అంతా ఆశ్చర్యపోతున్నారు. ఆ వయస్సులో ఉరకలేస్తున్న ఆమె ఉత్సాహం చూసి కుర్రకారు ఫీదా అవుతున్నారు. పూర్తి వివరాల్లోకి వెళితే..

నేపాల్ లోని గోర్కా జిల్లాకు చెందిన కృష్ణ కుమారి తివారికి డ్యాన్స్ అంటే ఎనలేని మక్కువ. చిన్నతనంలో డ్యాన్స్ నేర్చుకోవాలని, అందరి ముందు ఆడిపాడాలని ఉన్నా అదికుదరలేదు. కుటుంబసభ్యులు ప్రోత్సహించకపోవటం, డ్యాన్సు నేర్చుకుంటూ సమాజం కుటుంబాన్ని చిన్న చూపు చూస్తుందన్న భయంతో ఆమె తనలోని కోర్కెలను అణిచిపెట్టుకుంది. తక కోరిక మాత్రం తీరని కలగానే మిగిలిపోవటంతో ఎంతో బాధపడేది.

ప్రస్తుతం తన జీవితంలో బాధ్యతలన్నీ తీరిపోయాయి. పెళ్ళి, పిల్లలు వారంతా తమజీవితంలో స్ధిరపడిపోవటంతో ప్రస్తుతం కృష్ణకుమారి తన చిన్ననాటి కోరిక తీర్చుకోవటంపై దృష్టిసారించింది. మధురమైన పాటలకు వృధ్ధాప్యాన్ని సైతం లెక్క చేయకుండా శక్తిని కూడదీసుకుని చెంగుచెంగున లేడిపిల్లలా డ్యాన్స్ చేస్తూ తన కోరికను తీర్చకుంటుంది. ఆమె డ్యాన్స్ చేస్తున్న వీడియోలను కుటుంబసభ్యులు టిక్ టాక్ లో అప్ లోడ్ చేస్తుండటంతో సోషల్ మీడియాలో కృష్ణ కుమారి వీడియోలు వైరల్ గా మారాయి.

నెటిజన్లు ఆమె డ్యాన్స్ ను చూసి మెచ్చుకుంటుండగా, ఇక ఆమె నివాస ప్రాంతంలోని వారైతే పెళ్ళిళ్ళు, పార్టీలకు కృష్ణ కుమారిని ఆహ్వానిస్తూ ఆమె చేత డ్యాన్స్ చేయిస్తూ ప్రోత్సహిస్తున్నారు. ఆమెను ప్రస్తుతం కుటుంబసభ్యులు ప్రోత్సహిస్తున్నారు. సోషల్ మీడియాలో ఆమె వీడియోలకు ఫాలోయింగ్ విపరీతంగా ఉంటుంది. ఒక్కో వేడియోకు 2కోట్ల వ్యూస్ రావటమే కాదు. కామెంట్లు ఇబ్బడిముబ్బడిగా వస్తున్నాయి.

10TV Telugu News