95-year-old man playing dhol : పెళ్లిలో డోలు వాయించిన వృద్ధుడు.. కన్నీరు పెట్టుకున్న నటులు
వయసు మళ్లుతున్నా ఆర్ధిక పరిస్థితులు బాగోక కొందరు వృద్ధులు కష్టపడే వారు కనిపిస్తూ ఉంటారు. 96 ఏళ్ల ఓ పెద్దాయన పెళిళ్లలో డోలు వాయిస్తూ కుటుంబాన్ని పోషిస్తున్నారు. ఓ పెళ్లిలో డోలు వాయిస్తూ కనిపించిన ఆయన పరిస్థితి అందరికీ కన్నీరు తెప్పించింది.
- Published By: 10TV Digital Team ,Published On : June 4, 2023 / 02:47 PM IST
95-year-old man playing dhol
Viral Video : కుటుంబ పోషణ కోసం 96 ఏళ్ల వృద్ధుడు ఓ పెళ్లిలో డోలు వాయించాడు. అదే జీవనాధారంగా చేసుకుని బతుకుతున్న ఆ పెద్దాయన కష్టం అందర్నీ కలచివేసింది. సోషల్ మీడియాలో వైరల్ అయిన వృద్ధుడి వీడియోపై చాలామంది నటులు రియాక్టయ్యారు.
Elderly man song viral : పాత్రపై సంగీతం వాయిస్తూ పెద్దాయన పాడిన పంజాబీ పాట వినండి
ఆర్ధిక పరిస్థితిలు బాగోక చాలామంది వృద్ధులు కష్టపడేవారిని మనం చూస్తూ ఉంటాయి. అయితే సోషల్ మీడియాలో mr_pandeyji_198 అనే ఇన్‌స్టాగ్రామ్ యూజర్ షేర్ చేసిన వీడియోలో పెళ్లిలో వృద్ధుడు డోలు వాయించడం కనిపిస్తుంది. ఇదే జీవనాధారంగా ఆ పెద్దాయన కుటుంబాన్ని పోషిస్తున్నాడని తెలిసింది.
పెద్దాయన చాలా ఉత్సాహంగా సంగీతం వాయిస్తున్నారు. అయితే వీడియోలో ఆయన ప్రయత్నాన్ని ఎవరూ అభినందించలేదు సరికదా.. కూర్చోవడానికి కుర్చీ కూడా ఇవ్వలేదు. ఇది చూసే చాలామంది యూజర్లు షాకయ్యారు. ఆ పెద్దాయన చాలా విచారంలో ఉన్నట్లు కనిపించారు. వైరల్ అవుతున్న ఈ వీడియోపై నటి పాలక్ సింధ్వానీ హార్ట్ ఎమోజీలతో స్పందించగా.. నటుడు ఆదర్శ్ ఆనంద్ ఈ వీడియో చూస్తే కన్నీరు వచ్చిందని షేర్ చేశారు. బాలీవుడ్ కొరియోగ్రాఫర్ రాహుల్ శెట్టి రుత్విక్ ఆ పెద్దాయన అడ్రస్ తెలుసుకోవడానికి సాయం చేయమని.. లేదంటే ఆయనకి ఎవరైనా సాయం చేయండి అని రిక్వెస్ట్ చేశారు.
View this post on Instagram
