Hema : సిని ‘మా’ రాజకీయం.. ఒత్తిడి తట్టుకోలేకే పోటీ – హేమ..

‘మా’ ఎన్నికల్లో నాలుగో పోటీదారుగా సీనియ‌ర్ స‌హాయ న‌టి హేమ పేరు ఖ‌రారైంది. త‌న వారికోసమే తాను పోటీకి దిగుతున్నాన‌ని అంటున్నారు హేమ..

Hema: సిని‘మా’లో రాజకీయం వేడెక్కింది. ఎన్నడు లేనంతగా ఈసారి తెలుగు సినిమా ఆర్టిస్టుల సంఘం (మా) ఎన్నిక‌లు ర‌స‌వ‌త్త‌రంగా మారాయి. ఈసారి ‘మా’ అధ్య‌క్ష ప‌ద‌వికి విల‌క్ష‌ణ న‌టుడు ప్ర‌కాష్ రాజ్.. యువ‌హీరో మంచు విష్ణు.. సీనియ‌ర్ న‌టీమ‌ణి జీవిత రాజ‌శేఖ‌ర్ పోటీబ‌రిలో నిల‌వ‌గా.. ఇప్పుడు నాలుగో పోటీదారుగా సీనియ‌ర్ స‌హాయ న‌టి హేమ పేరు ఖ‌రారైంది. త‌న వారికోసమే తాను పోటీకి దిగుతున్నాన‌ని హేమ అంటున్నారు.

ఈ సందర్భంగా హేమ మాట్లాడుతూ.. ‘‘మా’లో గ‌త కొన్నేళ్లుగా.. ఉపాధ్య‌క్షురాలిగా, సంయుక్త కార్య‌ద‌ర్శిగా, ఈసీ స‌భ్యురాలిగా ప‌ద‌వులు చేప‌ట్టాను.. ప‌ద‌వుల‌కు న్యాయం చేశాను. ఈసారి కూడా ఎప్పుడెప్పుడా అని ఎదురు చూస్తున్న మా అసోసియేష‌న్ ఎన్నిక‌లు రానే వ‌చ్చాయి. ఈసారి ట్రెజ‌ర‌ర్ ప‌ద‌వికి పోటీ చేయాల‌ని అనుకున్నాను. ఎల‌క్ష‌న్ ముందు ఆలోచ‌న ఇది. కానీ ఆలోచ‌న మారింది.

Hema : ‘మా’ అధ్య‌క్ష బరిలో సీనియ‌ర్ న‌టి హేమ..

ఎల‌క్ష‌న్‌ ప్ర‌క‌టించ‌గానే ప్ర‌కాష్ రాజ్ గారు.. మంచు విష్ణు బాబు.. జీవిత గారు పోటీ చేస్తున్నార‌ని తెలిసింది. పెద్ద‌లంతా ఎల‌క్ష‌న్ బ‌రిలో దిగుతున్నారని తెలిశాక‌.. పెద్ద‌లు పెద్ద‌ల వివాదాల్లో మ‌న‌మెందుకు చిక్కుకోవాలి.. పోటీప‌డాలి.. అస‌లు పోటీ చేయొద్ద‌నే అనుకున్నాను. నిన్నటి ప్ర‌క‌ట‌న అనంత‌రం సినీ ప్ర‌ముఖుల నుంచి ఒత్తిడిని ఎదుర్కొన్నాను.

నేను ఉపాధ్య‌క్షురాలిగా పోటీ చేసిన‌ప్పుడు నా స్నేహితులు ముఖ్యంగా లేడీ స‌పోర్ట‌ర్స్, న‌న్ను మెజారిటీతో గెలిపించిన సినీ ప్ర‌ముఖులంతా ఫోన్ చేసి నువ్వెందుకు పోటీ చేయ‌కూడ‌దు.. నువ్వుంటే బావుంటుంది. ఎవ‌రైనా క‌ష్టాలు చెప్పుకోవాల‌న్నా, అర్థ రాత్రి ఫోన్ చేసినా అందుబాటులో ఉంటావు.. అందుకే నువ్వు కావాలి అని అడుగుతున్నారు.
నన్ను పోటీ చేయ‌మని నా వాళ్లంతా ఒత్తిడి చేస్తున్నారు. గత ఎన్నికల్లో ఇండిపెండెంట్‌గా పోటీ చేసిన స‌మ‌యంలో నాకు అండ‌గా నిలిచిన వారంద‌రికోసం, నా వారి కోసం ‘మా’ ఎన్నిక‌ల్లో అధ్యక్ష పదవికి పోటీ చేయాల‌నుకుంటున్నాను..’’ అన్నారు.

MAA Elections : ‘మా’ లో తీన్మార్.. లోకల్ – నాన్ లోకల్ ఫీలింగ్.. జీవిత పరిస్థితి ఏంటి..?