Bollywood : రంజాన్ వీకెండ్ కూడా బాలీవుడ్ కి కలిసి రాలేదు.. బోల్తా పడ్డ భారీ సినిమాలు..

రంజాన్ ని టార్గెట్ పెట్టుకొని బాలీవుడ్ లో అజయ్ దేవగణ్ నటించిన 'రన్ వే 34', టైగర్ ష్రాఫ్ నటించిన 'హీరోపంతి 2' సినిమాలు ప్రేక్షకుల ముందుకు వచ్చాయి. అయితే ఈ రెండు సినిమాలు కూడా ప్లాప్ టాక్ నే..................

Bollywood : రంజాన్ వీకెండ్ కూడా బాలీవుడ్ కి కలిసి రాలేదు.. బోల్తా పడ్డ భారీ సినిమాలు..

Bollywood :  గత కొన్ని రోజులుగా సౌత్ సినిమాలు బాలీవుడ్ లో దుమ్ము దులిపేస్తున్న సంగతి తెలిసిందే. ఒక పక్క వరుసగా సౌత్ సినిమాలు బాలీవుడ్ లో భారీ విజయాలు సాధిస్తుంటే బాలీవుడ్ సినిమాలు మాత్రం వరుస పరాజయాలు చూస్తున్నాయి. ఇప్పటికే సౌత్ సక్సెస్ ని తట్టుకోలేకపోతున్న బాలీవుడ్ వాళ్ళ సినిమాలు పరాజయం అవడంతో మరింత అసహనానికి గురవుతున్నారు. రెండు వారల క్రితం రిలీజ్ అయిన ‘కేజీఎఫ్ 2’ బాలీవుడ్ లో ఇంకా సక్సెస్ గా నడస్తుంది. సినిమా రిలీజ్ అయి మూడో వారంలోకి వచ్చినా సరే దీని దెబ్బకి బాలీవుడ్ లో రిలీజ్ అవుతున్న కొత్త సినిమాలు ఏవి నిలబడట్లేదు.

 

ఇటీవల బాలీవుడ్ లో అలియా భట్ నటించిన ‘గంగూబాయి కతీయావడి’ సినిమాకి కాస్త హిట్ టాక్ వచ్చినా ఎక్కువ రోజులు థియేటర్ లో నిలబడలేకపోయింది. ఇక జాన్ అబ్రహం ‘ఎటాక్’, అక్షయ్ కుమార్ ‘బచ్చన్ పాండే’ సినిమాలు పరాజయాన్ని చూశాయి. ఇటీవల వచ్చిన షాహిద్ కపూర్ ‘జెర్సీ’ సినిమా కూడా మంచి టాక్ వచ్చినా కలెక్షన్ల పరంగా పరాజయాన్నే చూసింది. ఇక బాలీవుడ్ కి బాగా కలిసొచ్చే రంజాన్ పండగ టైంలో అయినా సినిమా రిలీజ్ చేసి హిట్ కొట్టాలి అనుకున్నారు. కానీ ఇప్పుడు కూడా వాళ్ళ ఆశలు అడియాశలయ్యాయి.

Rashmika Mandanna : రష్మిక రోజూ ఏం తింటుందో తెలుసా?

రంజాన్ ని టార్గెట్ పెట్టుకొని బాలీవుడ్ లో అజయ్ దేవగణ్ నటించిన ‘రన్ వే 34’, టైగర్ ష్రాఫ్ నటించిన ‘హీరోపంతి 2’ సినిమాలు ప్రేక్షకుల ముందుకు వచ్చాయి. అయితే ఈ రెండు సినిమాలు కూడా ప్లాప్ టాక్ నే తెచ్చుకున్నాయి. ‘రన్ వే 34’ సినిమా కాస్త టాక్ పరంగా బానే ఉన్నా కలెక్షన్స్ మాత్రం నిల్. ఇక ఫుల్ యాక్షన్ ఎంటర్టైనర్ గా వచ్చిన ‘హీరోపంతి 2’ సినిమా అయితే పూర్తిగా బోర్లా పడింది. ఈ రెండు సినిమాల మొదటి రోజూ కలెక్షన్లు ‘కేజీఎఫ్ 2’ ప్రస్తుత రోజు వారి కలెక్షన్స్ అంత కూడా లేకపోవడం గమనార్హం. ఈ రెండు సినిమాల పరాజయంతో బాలీవుడ్ మరోసారి నిరాశలోకి వెళ్ళింది.

మరి బాలీవుడ్ ఈ పరిస్థితి నుంచి ఎప్పుడు గట్టెక్కుతుందో చూడాలి. బాలీవుడ్ ఎలాగైనా ఒక్క భారీ బ్లాక్ బ్లాస్టర్ కొట్టాలని చూస్తుంది. ఈ సమ్మర్ సీజన్ బాలీవుడ్ కి ఏమైనా కలిసొస్తుందా చూడాలి.