Swati Maliwal: స్వాతి మాలివాల్‌ను కారుతో లాక్కెళ్లిన వీడియో విడుదల.. స్వాతిపై బీజేపీ విమర్శలు
గురువారం ఉదయం మూడు గంటల సమయంలో ఢిల్లీలోని ఎయిమ్స్ రెండో గేటు వద్ద ఈ ఘటన జరిగింది. ఫుట్‌పాత్‌పై ఎదురు చూస్తున్న స్వాతి వద్దకు వచ్చిన కార్ డ్రైవర్ ఆమెతో అసభ్యంగా మాట్లాడాడు. దీంతో స్వాతి అతడిపై ఆగ్రహం వ్యక్తం చేసేందుకు, డ్రైవింగ్ సీట్లో ఉన్న అతడి దగ్గరకు వెళ్లి ప్రశ్నించింది.
- Published By: 10TV Digital Team ,Published On : January 20, 2023 / 06:55 PM IST
Swati Maliwal: ఢిల్లీ మహిళా కమిషన్ చైర్‌పర్సన్ స్వాతి మాలివాల్‌ను ఒక డ్రైవర్ కొంత దూరం కారుతో లాక్కెళ్లిన సంగతి తెలిసిందే. గురువారం ఉదయం మూడు గంటల సమయంలో ఢిల్లీలోని ఎయిమ్స్ రెండో గేటు వద్ద ఈ ఘటన జరిగింది. ఫుట్‌పాత్‌పై ఎదురు చూస్తున్న స్వాతి వద్దకు వచ్చిన కార్ డ్రైవర్ ఆమెతో అసభ్యంగా మాట్లాడాడు.
Milk Adulteration: దేశంలో పాల కల్తీపై ఆ ప్రచారంలో నిజం లేదు.. కేంద్రం ప్రకటన
దీంతో స్వాతి అతడిపై ఆగ్రహం వ్యక్తం చేసేందుకు, డ్రైవింగ్ సీట్లో ఉన్న అతడి దగ్గరకు వెళ్లి ప్రశ్నించింది. దీంతో అతడు కారును అలాగే నడుపుకొంటూ వెళ్లిపోయాడు. ఆ సమయంలో కారు విండోలో స్వాతి చేయి ఇరుక్కుపోయింది. దీంతో స్వాతి కూడా కొద్ది దూరం అలాగే కారుతోపాటు వెళ్లిపోయింది. తర్వాత అతడు విండో గ్లాస్ దించడంతో స్వాతి బయటపడింది. ఈ ఘటనపై స్వాతి పోలీసులకు ఫిర్యాదు చేయగా, విచారణ జరిపిన పోలీసులు కార్ డ్రైవర్‌ను అరెస్టు చేశారు. కాగా, ఈ ఘటనకు సంబంధించిన వీడియోను తాజాగా ఢిల్లీ పోలీసులు స్వాధీనం చేసుకున్నారు. ఈ వీడియోలో కార్, స్వాతి వద్దకు రావడం.. డ్రైవర్‌తో ఆమె మాట్లాడటం.. కారులో ఆమెను లాక్కుంటూ వెళ్లిపోవడం వంటివన్నీ రికార్డయ్యాయి.
Kerala: కాలేజీలో హీరోయిన్‌తో విద్యార్థి అసభ్య ప్రవర్తన.. సస్పెండ్ చేసిన యాజమాన్యం
ప్రస్తుతం ఈ వీడియో సోషల్ మీడియాలో వైరల్ అవుతోంది. మరోవైపు ఈ ఘటనపై, వీడియోపై బీజేపీ ఆగ్రహం వ్యక్తం చేస్తోంది. ఢిల్లీ పోలీసుల ప్రతిష్ట దెబ్బతీసేందుకే ఈ వీడియో తీసినట్లుగా ఉందని విమర్శించింది. ఘటన జరిగిన వెంటనే స్వాతి ఎందుకు స్పందించలేదని బీజేపీ అధికార ప్రతినిధి హరీష్ ఖరానా ప్రశ్నించారు. ఢిల్లీ పోలీసుల ఆత్మస్థైర్యాన్ని దెబ్బతీసేందుకే ఈ ఘటన అంతా సృష్టించినట్లుగా ఉందని ఆయన విమర్శించారు.
Video of the incident reported by Delhi Women’s Commission Chairperson #SwatiMaliwal has surfaced.
Accused was arrested after Swati claimed that her condition could have been similar to that of Anjali.
However, after the video surfaced, the incident itself is being questioned! pic.twitter.com/rMGYWxhuuD
— Priti Gandhi – प्रीति गांधी (@MrsGandhi) January 20, 2023
