Indian Racing League : నేడు, రేపు హైదరాబాద్ లో ఇండియన్ రేసింగ్ లీగ్.. నగరంలో ట్రాఫిక్ ఆంక్షలు

హైదరాబాద్ లో మరోసారి కార్ రేసింగ్ జరుగనుంది. నగరంలోని హుస్సేన్ సాగర్ తీరంలో శనివారం, ఆదివారం రెండు రోజులపాటు ఇండియన్ రేసింగ్ లీగ్ చివరి సిరీస్ నిర్వహించనున్నారు. నెక్లెస్ రోటరీ నుంచి తెలుగు తల్లి జంక్షన్, సెక్రటేరియట్ నుంచి ఎన్టీఆర్ గార్డెన్, మింట్ కాంపౌండ్, ఐమ్యాక్స్ వరకు రేస్ లీగ్ కొనసాగనుంది.

Indian Racing League

Indian Racing League : హైదరాబాద్ లో మరోసారి కార్ రేసింగ్ జరుగనుంది. నగరంలోని హుస్సేన్ సాగర్ తీరంలో శనివారం, ఆదివారం రెండు రోజులపాటు ఇండియన్ Indian Racing Leagueరేసింగ్ లీగ్ చివరి సిరీస్ నిర్వహించనున్నారు. నెక్లెస్ రోటరీ నుంచి తెలుగు తల్లి జంక్షన్, సెక్రటేరియట్ నుంచి ఎన్టీఆర్ గార్డెన్, మింట్ కాంపౌండ్, ఐమ్యాక్స్ వరకు రేస్ లీగ్ కొనసాగనుంది. ఈ నేపథ్యంలో ఎన్టీఆర్ మార్గ్ లో పోలీసులు ట్రాఫిక్ ఆంక్షలు విధించారు. ఈ నెల 11 వరకు ఆంక్షలు కొనసాగనున్నాయి.

దీంతో ట్యాంక్ బండ్, ఎన్టీఆర్ మార్గ్, ఐమ్యాక్స్ థియేటర్ల వైపు వచ్చే వాహనదారులు ప్రత్యామ్నాయ మార్గాల్లో వెళ్లాలని పోలీసులు సూచించారు. వీవీ విగ్రహం (ఖైరతాబాద్) వైపు నుంచి నెక్లెస్ రోటరీ వైపు ట్రాఫిక్ అనుమతి లేదు. వీవీ విగ్రహం దగ్గర షాదన్ కాలేజీ, రవీంద్ర భారతి వైపు మళ్లిస్తారు. బుద్ధ భవన్ నుంచి నెక్లెస్ రోటరీ వైపు వాహనాలకు అనుమతి లేదు. ఈ వాహనాలు నల్లగుట్ట జంక్షన్ నుంచి రాణిగంజ్, ట్యాంక్ బండ్ వైపు మళ్లిస్తారు.

Indian Army: ఇండియన్ ఆర్మీ “యూనిఫామ్” గురించి 5 ఆసక్తికర అంశాలు

రసూల్ పురా, మినిస్టర్ రోడ్డు నుంచి నెక్లెస్ రోటరీ వైపు నల్లగుట్ట మీదుగా వచ్చే వాహనాలను, నల్లగుట్ట జంక్షన్ వద్ద రాణిగంజ్ వైపు మళ్లిస్తారు. ఇక్బాల్ మినార్ నుంచి తెలుగు తల్లి జంక్షన్, ట్యాంక్ బండ్ వైపు వాహనాలకు అనుమతి లేదు. ఈ వాహనాలను ఫ్లై ఓవర్ నుంచి కట్టమైసమ్మ ఆలయం, లోయర్ ట్యాంక్ వైపు మళ్లిస్తారు. ట్యాంక్ బండ్, తెలుగుతల్లి జంక్షన్ నుంచి ఇక్బాల్ మినార్, రవీంద్ర భారతి జంక్షన్ వైపు మళ్లించనున్నారు.

బీఆర్ కే భవన్ నుంచి నెక్లెస్ రోటరీ వైపు వచ్చే వాహనాలను తెలుగు తల్లి జంక్షన్ నుంచి ఇక్బాల్ మినార్, రవీంద్ర భారతి జంక్షన్ వైపు మళ్లిస్తారు. ఇక్బాల్ మినార్ జంక్షన్ నుంచి మింట్ కంపౌండ్ వైపు వాహనాలను అనుమతి లేదు. వాహనలను రవీంద్ర భారతి జంక్షన్ వైపు మళ్లిస్తారు. ఖైరతాబాద్ బడా గణేష్ వైపు నుంచి ప్రింటింగ్ ప్రెస్, నెక్లెస్ రోటరీ వైపు వాహనాలకు అనుమతి లేదు. ఈ వెహికిల్స్ బడా గణేష్ వద్ద రాజ్ దూత్ లైన్ లోకి మళ్లిస్తారు.