No Name Station: పేరులేని రైల్వే స్టేషన్ మన దేశంలోనే

మనం రైలు ప్రయాణం చేయాలంటే టికెట్ బుక్ చేసుకోవాలి. టికెట్ బుక్ చేసుకోవాలంటే.. ఎక్కే స్టేషన్.. దిగే స్టేషన్ పేరు తెలిసుండాలి. మరి అసలు స్టేషన్ కు పేరే లేకపోతే?

No Name Station: మనం రైలు ప్రయాణం చేయాలంటే టికెట్ బుక్ చేసుకోవాలి. టికెట్ బుక్ చేసుకోవాలంటే.. ఎక్కే స్టేషన్.. దిగే స్టేషన్ పేరు తెలిసుండాలి. మరి అసలు స్టేషన్ కు పేరే లేకపోతే?. టికెట్ ఎలా బుక్ చేసుకుంటారు. అవును. మన దేశంలో ఉన్న 7349 రైల్వే స్టేషన్లకు ఏదో ఒక పేరు ఉంది. ఒక్క స్టేషన్ కు మాత్రం పేరు లేదు. ఆ రైల్వే స్టేషన్ పశ్చిమ బెంగాల్‌లోని బుర్ద్వాన్ జిల్లాలో ఉంది. బుర్ద్వాన్ నగరానికి 35 కిలోమీటర్ల దూరంలో ఉన్న ఆ రైల్వే స్టేషన్ ను 2008లో నిర్మించారు. బుర్ద్వాన్ జిల్లాలోని రాయ్‌నగర్ – రైనా గ్రామాల సమీపంలో ఉన్న ఈ రైల్వే స్టేషన్ కు మొదట్లో రాయ్‌నగర్ రైల్వే స్టేషన్ గా పేరుపెట్టారు.

Also Read: Fake Promotion: నకిలీ జీ.ఓతో ఐదుగురు అధికారులకు ఐఏఎస్ గా ప్రమోషన్

అయితే స్టేషన్ ఉన్న ప్రాంతం అధిక భాగం తమ గ్రామంలో ఉందని, దానికి తమ గ్రామ పేరే పెట్టాలని రైనా గ్రామస్తులు డిమాండ్ చేశారు. ఇది ఇరు గ్రామాల సమస్యగా మారిపోవడంతో రైల్వే అధికారులు ఈ స్టేషన్ కు పేరు లేకుండా చేశారు. అయితే స్టేషన్ కు తమ గ్రామం పేరే పెట్టాలని.. రైనా గ్రామస్తులు నేటికీ జిల్లా కోర్టులో పలుమార్లు అర్జీలు సమర్పించారు. అయితే జడ్జి వారి అర్జీలను కొట్టివేసి..ఆ నిర్ణయాన్ని రైల్వే అధికారులకే వదిలేశారు. మరి పేరు లేకపోతే ఇక్కడ నుంచి ఎక్కేదెలా? దిగేదెలా? అని అనుకుంటున్నారా?.

Also read: Child Reporter: రోడ్ల దుస్ధితిని వివరిస్తూ న్యూస్ రిపోర్టర్ గా మారిన చిన్నారి బాలిక

ఈ రైలు మార్గాన్ని గతంలో బంకురా-దామోదర్ రైల్వే మార్గంగా పిలిచేవారు. తరువాత, ఇది హౌరా-బర్ధమాన్ మార్గానికి అనుసంధానించబడింది. ఈ స్టేషన్‌లో బంకురా-మసగ్రామ్ ప్యాసింజర్ రైలు మాత్రమే రోజుకు ఆరు సార్లు ఆగుతుంది. స్థానిక గ్రామాల వారి సౌకర్యార్థమే కాబట్టి.. ఎవరికీ నచ్చిన పేరుతో వారు పిలుస్తారు. ఇక కిలోమీటర్ల లెక్కన టికెట్ ఇస్తారు. కొత్తగా ఇక్కడికి వచ్చే వారికి మాత్రం పేరు లేని ఈ రైల్వే స్టేషన్ ను చూసి కొంత ఆశ్చర్యానికి గురవుతారని స్థానికులు పేర్కొన్నారు.

Also read: Viral News: రైలు వస్తుండగా 9 నెలల చిన్నారితో సహా పట్టాలపై పడిపోయిన తల్లి