Redmi 11 Prime 5G : అత్యంత చౌకైన ధరకే రెడ్‌మి 11 ప్రైమ్ 5G ఫోన్.. ఫీచర్లు అదుర్స్.. కొత్త ధర ఎంతో తెలిస్తే వెంటనే కొనేస్తారు..!
Redmi 11 Prime 5G : ప్రముఖ చైనా స్మార్ట్‌ఫోన్ బ్రాండ్ షియోమీ (Xiaomi) ఇండియాలో సబ్ బ్రాండ్ రెడ్‌మి నుంచి రెడ్‌మి 11 ప్రైమ్ 5G (Redmi 11 Prime 5G) ధరను తగ్గించింది. ఈ హ్యాండ్‌సెట్ ధర రూ.1,000 తగ్గింపును పొందింది.
- Published By: 10TV Digital Team ,Published On : December 24, 2022 / 07:31 PM IST
Redmi 11 Prime 5G Smartphone gets cheaper with new price and Features
Redmi 11 Prime 5G : ప్రముఖ చైనా స్మార్ట్‌ఫోన్ బ్రాండ్ షియోమీ (Xiaomi) ఇండియాలో సబ్ బ్రాండ్ రెడ్‌మి నుంచి రెడ్‌మి 11 ప్రైమ్ 5G (Redmi 11 Prime 5G) ధరను తగ్గించింది. ఈ హ్యాండ్‌సెట్ ధర రూ.1,000 తగ్గింపును పొందింది. రెడ్‌మి11 ప్రైమ్ 5G స్మార్ట్‌ఫోన్ ఈ ఏడాది ప్రారంభంలో సెప్టెంబర్‌లో లాంచ్ అయింది. రెండు వేర్వేరు మోడళ్లలో అందుబాటులో ఉంది. బేస్ వేరియంట్ 4GB RAM, 64GB స్టోరేజీని కలిగి ఉంది. ఇది రూ.13,999 ధర ట్యాగ్‌తో లాంచ్ అయింది. ధర తగ్గింపు తర్వాత రూ. 12,999 వద్ద కొనుగోలు చేయవచ్చు.
లాంచ్ సమయంలో 6GB RAM, 128GB స్టోరేజ్ మోడల్ ధర రూ. 15,999గా ఉండనుంది. రూ.1,000 ధర తగ్గింపు పొందిన తర్వాత ఈ డివైజ్ ధర ఇప్పుడు రూ. 14,999లకే సొంతం చేసుకోవచ్చు. స్మార్ట్‌ఫోన్ కొత్త ధర ఇప్పటికే Mi.comలో తక్కువ ధరకే అందుబాటులో ఉంది. అలాగే, అమెజాన్ ఇండియా (Amazon India) వెబ్‌సైట్ నుంచి కొత్త ధరకు కూడా కొనుగోలు చేయవచ్చు. ఈ హ్యాండ్‌సెట్ మేడో గ్రీన్, క్రోమ్ సిల్వర్, థండర్ బ్లాక్ మూడు విభిన్న రంగులలో లభ్యమవుతుంది.
రెడ్‌మి 11 ప్రైమ్ 5G స్పెసిఫికేషన్స్ :
ఈ రెడ్‌మి 5G ఫోన్ 2408 x 1080 పిక్సెల్‌ల రిజల్యూషన్‌తో 6.58-అంగుళాల FHD+ డిస్‌ప్లేతో వస్తుంది. స్క్రీన్ రిఫ్రెష్ రేట్ 90Hz, ప్రొటెక్షన్ కోసం కార్నింగ్ గొరిల్లా గ్లాస్ 3 లేయర్‌తో వస్తుంది. స్మార్ట్‌ఫోన్ MediaTek Dimensity 700 ప్రాసెసర్‌తో 6GB వరకు LPDDR4X RAMతో వస్తుంది. Redmi 11 Prime 5G 128GB వరకు UFS 2.2 స్టోరేజీని అందిస్తుంది.
Redmi 11 Prime 5G Smartphone gets cheaper with new price
ఈ హ్యాండ్‌సెట్ ఆండ్రాయిడ్ 12 ఆపరేటింగ్ సిస్టమ్ ఆధారంగా MIUI 13పై రన్ అవుతుంది. కెమెరా ఫీచర్ల విషయానికి వస్తే.. ఈ స్మార్ట్‌ఫోన్ వెనుక భాగంలో డ్యూయల్ కెమెరా సిస్టమ్‌ను అందిస్తోంది. వెనుక కెమెరా సెటప్‌లో f/1.8 ఎపర్చరుతో 50MP ప్రైమరీ కెమెరా, f/24 ఎపర్చరుతో 2MP డెప్త్ సెన్సార్ ఉన్నాయి. సెల్ఫీల కోసం ఫోన్ ముందు భాగంలో f/2.2 ఎపర్చరుతో 8MP కెమెరాను కలిగి ఉంది.
Redmi 11 Prime 5G 18W ఫాస్ట్ ఛార్జింగ్‌కు సపోర్టుతో 5,000mAh బ్యాటరీని కలిగి ఉంది. ఈ స్మార్ట్‌ఫోన్ సెక్యూరిటీ, అథెంటికేషన్ కోసం సైడ్ ఫింగర్‌ప్రింట్ సెన్సార్, AI ఫేస్ అన్‌లాక్ రెండింటినీ అందిస్తుంది. ఈ ఫోన్‌లోని కనెక్టివిటీ ఫీచర్లలో 3.5mm హెడ్‌ఫోన్ జాక్, బ్లూటూత్ 5.1, Wi-Fi ప్రోటోకాల్, 802.11a/b/g/n/ac, 5G వంటివి ఉన్నాయి.
యాంబియంట్ లైట్ సెన్సార్, యాక్సిలెరోమీటర్, ఎలక్ట్రానిక్ కంపాస్, IR బ్లాస్టర్ వంటి సెన్సార్లు రెడ్‌మి 11 ప్రైమ్ 5Gలో అందుబాటులో ఉన్నాయి. ఇంకెందుకు ఆలస్యం.. ఇంత తక్కువ ధరలో అద్భుతమైన ఫీచర్లను కలిగిన రెడ్‌మి 11 ప్రైమ్ 5G ఫోన్ కొనుగోలు చేసుకోండి.
WATCH : 10TV LIVE : “నాన్ స్టాప్ న్యూస్ అప్ డేట్స్ కోసం 10TV చూడండి”..
Read Also : Redmi Note 11 Pro : స్నాప్ డ్రాగన్‌ 732G SoCతో రెడ్‌మి నోట్ 11ప్రో వస్తోంది.. ఏయే ఫీచర్లు ఉండొచ్చుంటే?
