WhatsApp Screen Sharing : వాట్సాప్‌లో ఇంట్రెస్టింగ్ ఫీచర్.. వీడియో కాల్స్‌ మాట్లాడుతూ.. ఫోన్ స్ర్కీన్ షేరింగ్ చేసుకోవచ్చు..!
WhatsApp Screen Sharing : వాట్సాప్‌లో సరికొత్త ఫీచర్ వచ్చేసింది. యూజర్లు వీడియో కాలింగ్ సమయంలో తమ ఫోన్ స్ర్కీన్ ఇతరులతో షేరింగ్ చేసుకోవచ్చు.
- Published By: 10TV Digital Team ,Published On : August 8, 2023 / 09:51 PM IST
WhatsApp launches screen sharing mode in video calls
WhatsApp Screen Sharing : ప్రముఖ మెసేజింగ్ యాప్ వాట్సాప్ (Whatsapp) సరికొత్త ఫీచర్‌ను ప్రవేశపెట్టింది. ఈ కొత్త ఫీచర్ సాయంతో ఇప్పుడు వీడియో కాల్‌ల సమయంలో వారి ఫోన్ స్క్రీన్‌ను షేర్ చేసేందుకు యూజర్లను అనుమతిస్తుంది. స్క్రీన్-షేరింగ్ అనేది హోస్ట్ తమ స్క్రీన్‌పై కనిపించే కంటెంట్‌ను ఇతరులతో షేర్ చేయడానికి అనుమతిస్తుంది. ఆఫీసు మీటింగ్స్, ఇతర విషయాలకు ఉపయోగకరమైన టూల్‌గామారుతుంది.
మెటా సీఈఓ మార్క్ జుకర్‌బర్గ్ తన ఫేస్‌బుక్ అకౌంట్ ద్వారా ఈ కొత్త అప్‌డేట్‌ను ప్రకటించారు. వాట్సాప్‌లో వీడియో కాల్ సమయంలో మీ స్క్రీన్‌ను షేర్ చేసుకునేచేసే సామర్థ్యాన్ని అందిస్తున్నామని తెలిపారు. వాట్సాప్ లేటెస్ట్ ఫీచర్.. గూగుల్ మీట్ (Google Meet), జూమ్ (Zoom) వంటి ప్రముఖ వీడియో కాలింగ్ యాప్‌లకు గట్టి పోటీని ఇస్తుంది. ఎందుకంటే.. గ్రూపు మీటింగ్స్‌కు ముఖ్యమైన ఫీచర్‌లలో ఒకటిగా చెప్పవచ్చు.
స్క్రీన్-షేరింగ్ సామర్థ్యాలతో వాట్సాప్ యూజర్లు డాక్యుమెంట్‌లు, షోకేస్ ప్రెజెంటేషన్‌లు చేసేందుకు యూజర్లను అనుమతిస్తుంది. అంతేకాకుండా, ఇప్పుడు ఫ్యామిలీ, స్నేహితులకు టెక్నికల్ సపోర్టును కూడా సులభంగా అందించవచ్చు. ఉదాహరణకు, మీ తల్లిదండ్రులు తమ ఫోన్ సెట్టింగ్‌లలో ఏదైనా అప్‌డేట్ చేయాల్సి వస్తే.. మీరు వాట్సాప్ వీడియో కాల్ స్క్రీన్ షేరింగ్ ఫీచర్‌ని ఉపయోగించవచ్చు. తద్వారా వారికి సాయం చేయవచ్చు. వినియోగదారులు స్క్రీన్ షేరింగ్ ఫీచర్‌పై పూర్తి కంట్రోల్ కలిగి ఉంటారు. ఏదైనా ఇతర వీడియో కాన్ఫరెన్సింగ్ యాప్‌లో సాధారణంగా ఉంటుంది. యూజర్లు ఎప్పుడైనా స్క్రీన్‌పై కంటెంట్‌ను షేరింగ్ చేయడాన్ని నిలిపివేయొచ్చు.
WhatsApp Screen Sharing : WhatsApp launches screen sharing mode in video calls
ఈ ఫీచర్‌ను వినియోగదారులు వీడియో కాల్ సమయంలో ‘Share’ ఐకాన్‌పై క్లిక్ చేసి.. ఆపై నిర్దిష్ట అప్లికేషన్ లేదా మొత్తం స్క్రీన్‌ను షేర్ చేయడం మధ్య ఎంచుకోవచ్చు. ప్రస్తుతం, వాట్సాప్ గరిష్టంగా 32 మంది పాల్గొనేవారితో వీడియో కాల్‌లకు సపోర్టు ఇస్తుంది. ఈ మెసేజింగ్ యాప్‌లో చిన్న మీటింగ్స్ సులభంగా నిర్వహించవచ్చు. స్క్రీన్-షేరింగ్ ఆప్షన్ గతంలో బీటా టెస్టర్‌లకు మాత్రమే అందుబాటులో ఉంది. ఇప్పుడు, యూజర్ల అందరికి అందుబాటులోకి రానుంది. ఈ కొత్త అప్‌డేట్ క్రమంగా అందరి యూజర్లు వినియోగించుకోవచ్చు. వాట్సాప్ ఇటీవలే చాట్ లాక్, ఎడిట్ బటన్, HD ఫోటో క్వాలిటీ అప్‌డేట్, మరిన్ని పెద్ద ఫీచర్‌లను అందించనుంది.
వాట్సాప్ మరో చాట్ లాక్ ఫీచర్ సూపర్ పర్సనల్ చాట్‌లకు లాక్‌ని యాడ్ చేయగలదు. తద్వారా మీ ఫోన్‌ను మరెవరికీ అప్పగించినా ఎవరూ వాటిని యాక్సెస్ చేయలేరు. ఈ కొత్త ఫీచర్ చాట్‌లోని విషయాలను నోటిఫికేషన్‌లలో ఆటోమాటిక్‌గా హైడ్ చేస్తుంది. వాట్సాప్ యాప్ ఎడిట్ బటన్ ఫీచర్ యూజర్లు ఎవరికైనా పంపిన తప్పు మెసేజ్‌లను ఏవైనా మార్పులు చేయడానికి 15 నిమిషాల విండోను అందిస్తుంది. ఇది చాలా ఉపయోగకరమైన ఫీచర్ అని చెప్పవచ్చు. ఎందుకంటే ఇప్పుడు పూర్తి మెసేజ్‌లను డిలీట్ చేయాల్సిన అవసరం లేదు. మీరు మొదట్లో సరైనది కాదని మీరు భావించే పదాలను లేదా పదాలను సరిచేయడానికి ఎడిట్ బటన్ యూజర్లను అనుమతిస్తుంది.
