Bigg Boss 5 Telugu : బిగ్‌బాస్‌ ‘సీజన్ 5’ కంటెస్టెంట్స్ వీళ్ళే?

Bigg Boss 5 Telugu : తెలుగు బిగ్‌బాస్‌ రియాలిటీ షో.. ఈ పేరు తెలుగు ప్రజలకు పెద్దగా పరిచయం చేయాల్సిన అవసరం లేదు. హిందీ, తమిళ్‌, తెలుగు అనే తేడా లేకుండా అన్ని భాషల్లోనూ ఈ బిగ్‌ రియాల్టీ షోకి ఫ్యాన్స్‌ ఉన్నారు. ఇక తెలుగులో అయితే సీజన్‌, సీజన్‌కి బిగ్‌బాస్‌ ప్రేక్షకులు పెరిగిపోతున్నారు. అన్ని సీజన్లు కూడా సక్సెస్‌ఫుల్‌గా ప్రసరమై ఇప్పుడు ఐదు సీజన్‌కు రెడీ అవుతోంది. బుల్లితెరపై బిగ్‌బాస్‌ రియాల్టీ షోకి ఉన్న క్రేజీ గురించి ప్రత్యేకంగా చెప్పనక్కర్లేదు.

ఈ ఐదో సీజన్‌ సరికొత్తగా ఉండేందుకు నిర్వాహకులు ప్లాన్‌ చేస్తున్నట్లు తెలుస్తోంది. త్వరలోనే ఈ సీజన్‌ ప్రారంభం కానుంది. ఇందులో భాగంగానే సెట్ ఏర్పాటుతోపాటు.. కంటెస్టెంట్ల ఎంపిక ప్రక్రియ జరుగుతున్నట్లు తెలుస్తుంది. ఇక దీనికి సంబంధించి కంటెస్టెంట్స్ లిస్ట్ ఒకటి సోషల్ మీడియాలో చక్కర్లు కొడుతోంది. సోషల్ మీడియాలో వైరల్ అవుతున్న పేర్లను ఓ సారి చూద్దాం.. యాంకర్‌ వర్షిణి , యాంకర్‌ రవి, క్యారెక్టర్‌ ఆర్టిస్ట్‌ సురేఖ వాణి, బుల్లితెర నటి నవ్యస్వామి, యూట్యూబర్ షణ్ముఖ్‌ జశ్వంత్, హీరోయిన్‌ ఈషా చావ్లా, యాంకర్‌ శివ, శేఖర్‌ మాస్టర్‌, లోబో, సింగర్‌ మంగ్లీ, యాంకర్‌ ప్రత్యూష, టిక్‌టాక్‌ స్టార్‌ దుర్గారావు, బుల్లితెర నటులు సిద్ధార్థ్ వర్మ- విష్ణు ప్రియ జంటల పేర్లు వినిపిస్తున్నాయి.

ఈ పేర్లు చక్కర్లు కొడుతున్నప్పటికి దీనిపై బిగ్‌బాస్‌ నిర్వాహకుల నుంచి ఎటువంటి ప్రకటన రాలేదు. అయితే సోషల్ మీడియాలో వైరల్ అవుతున్న పేర్లలో సగానికి పైగా బిగ్‌బాస్‌ బాస్ లో పాల్గొనే అవకాశం ఉన్నట్లు తెలుస్తుంది.