Godfather: సల్మాన్‌తో కలిసి చిందులేసేందుకు రెడీ అవుతోన్న మెగాస్టార్..? | Chiranjeevi Salman Khan To Shake Legs For Godfather

Godfather: సల్మాన్‌తో కలిసి చిందులేసేందుకు రెడీ అవుతోన్న మెగాస్టార్..?

మెగాస్టార్ చిరంజీవి ప్రస్తుతం వరుసబెట్టి సినిమాలు చేస్తున్న సంగతి తెలిసిందే. తమిళ దర్శకుడు మోహన్ రాజాతో కలిసి ‘గాడ్‌ఫాదర్’ అనే మూవీని తెరకెక్కిస్తున్న...

Godfather: సల్మాన్‌తో కలిసి చిందులేసేందుకు రెడీ అవుతోన్న మెగాస్టార్..?

Godfather: మెగాస్టార్ చిరంజీవి ప్రస్తుతం వరుసబెట్టి సినిమాలు చేస్తున్న సంగతి తెలిసిందే. తమిళ దర్శకుడు మోహన్ రాజాతో కలిసి ‘గాడ్‌ఫాదర్’ అనే మూవీని తెరకెక్కిస్తున్న మెగాస్టార్, ఈ సినిమాలో సరికొత్త లుక్‌లో కనిపించనున్నాడు. ఇప్పటికే మెజారిటీ షూటింగ్ పూర్తి చేసుకున్న ఈ సినిమాలో బాలీవుడ్ స్టార్ హీరో సల్మాన్ ఖాన్ ఓ కీలక పాత్రలో నటిస్తున్నాడు. కాగా ఈ సినిమాలో ఆయన పాత్ర ఎలా ఉండబోతుందా అనే ఆసక్తి ప్రేక్షకుల్లో నెలకొనగా, తాజాగా ఈ సినిమాకు సంబంధించిన ఓ వార్త సోషల్ మీడియాలో చక్కర్లు కొడుతూ హల్‌చల్ చేస్తోంది.

Godfather: ఆగస్టు వార్.. సిద్ధమంటోన్న గాడ్‌ఫాదర్..?

ఈ సినిమాలో సల్మాన్ ఖాన్ పాత్ర చాలా కీలకంగా ఉండటమే కాకుండా ఓ పాటలో చిరుతో కలిసి సల్మాన్ కూడా చిందులేసేందుకు రెడీ అవుతున్నట్లు తెలుస్తోంది. ప్రస్తుతం వెకేషన్‌లో ఉన్న మెగాస్టార్, ఈ నెలాఖరున తిరిగి రానున్నారు. ఇక వచ్చిన వెంటనే జూన్ మొదటివారంలో గాడ్‌ఫాదర్ సినిమా కోసం ఓ పాట షూటింగ్‌లో పాల్గొనబోతున్నట్లు తెలుస్తోంది. ఈ పాటలో చిరుతో పాటు సల్మాన్ ఖాన్ కూడా పాల్గొంటాడని చిత్ర వర్గాలు అంటున్నాయి. దీంతో ఈ పాట ఎలా ఉండబోతుందా అనే ఆసక్తి మెగా ఫ్యాన్స్‌తో పాటు ప్రేక్షకుల్లోనూ నెలకొంది.

Godfather: చిరు.. సల్మాన్.. ప్రభుదేవా.. థమన్.. వాట్ ఏ కాంబినేషన్!

ఇక మలయాళ మూవీ లూసిఫర్ చిత్రానికి రీమేక్‌గా ఈ సినిమా వస్తుండటంతో గాడ్‌ఫాదర్‌పై ప్రేక్షకుల్లో మంచి అంచనాలు క్రియేట్ అయ్యాయి. ఈ సినిమాను ఆగస్టు నెలలో రిలీజ్ చేసేందుకు చిత్ర యూనిట్ రెడీ అవుతోంది. మరి ఈ సినిమాలో సల్మాన్ ఖాన్‌తో కలిసి చిరు చిందులేస్తే ఆ పాట ఎలా ఉండబోతుందా అని ఆడియెన్స్ ఆతృతగా చూస్తున్నారు. ఇక ఈ సినిమాలో నయనతార హీరోయిన్‌గా నటిస్తుండగా, సత్యదేవ్ ఓ కీలక పాత్రలో నటిస్తున్నాడు. ఈ చిత్రానికి థమన్ అదిరిపోయే సంగీతాన్ని అందిస్తున్నాడు.

×