The 100 Teaser : మరోసారి పోలీసుగా ఆర్కే నాయుడు.. జనసేనాని తల్లి చేతులు మీదుగా మూవీ టీజర్ లాంచ్..
మరోసారి పోలీసుగా కనిపించబోతున్న ఆర్కే నాయుడు. తన కొత్త మూవీ 'ది100' టీజర్ ని జనసేనాని తల్లి అంజనాదేవి లాంచ్ చేసారు.
- Published By: 10TV Digital Team ,Published On : April 26, 2024 / 10:58 AM IST
RK Sagar The100 Movie Teaser released by Pawan Kalyan Mother AnjanaDevi
The 100 Teaser : తెలుగు నటుడు ఆర్కే సాగర్ అలియాస్ ఆర్కే నాయుడు.. చాలా గ్యాప్ తరువాత తన కొత్త సినిమాతో ఆడియన్స్ ముందుకు రాబోతున్నారు. ‘మొగలిరేకులు’ సీరియల్ తో ఈ నటుడు రెండు తెలుగు రాష్ట్రాల్లో ఎంతటి ఫేమ్ ని సంపాదించుకున్నారో సపరేట్ గా చెప్పనవసరం లేదు. దీంతో హీరోగా సినిమా ఇండస్ట్రీలోకి ఎంట్రీ ఇచ్చారు. 2016లో ‘సిద్దార్థ’ సినిమాతో హీరోగా ఆడియన్స్ ముందుకు వచ్చారు.
ఆ తరువాత రెండేళ్లకు ‘మాన్ ఆఫ్ ది మ్యాచ్’ చేసారు. ఇక మూడో సినిమా చేయడం కోసం మూడేళ్లు సమయం పట్టింది. ‘షాదీ ముబారక్’ అనే రొమాంటిక్ లవ్ స్టోరీతో ఆడియన్స్ ముందుకు వచ్చి ఆకట్టుకున్నారు. ఈ సినిమా తరువాత మళ్ళీ మూడేళ్లకు ఇప్పుడు ‘ది100’ అనే యాక్షన్ థ్రిల్లర్ సినిమాతో వస్తున్నారు. ఈ సినిమాలో సాగర్ పోలీస్ ఆఫీసర్ పాత్రని పోషిస్తున్నారు.
Also read : Mrunal Thakur : ఆ హీరోని కొట్టడానికి భయపడ్డాను అంటున్న మృణాల్.. ఎవరు ఆ హీరో..?
‘మొగలిరేకులు’ సీరియల్ లో సాగర్ పోలీస్ ఆఫీసర్ పాత్రని పోషించే ఆడియన్స్ ని ఆకట్టుకున్నారు. దీంతో ఇప్పుడు మరోసారి పోలీసుగా కనిపించి ఆడియన్స్ ని మెప్పించడం కోసం ట్రై చేస్తున్నారు. ఇక రిలీజ్ కి సిద్దమవుతున్న ఈ మూవీ టీజర్ ని నేడు రిలీజ్ చేసారు. చిరంజీవి తల్లి అంజనాదేవి చేతులు మీదుగా ఈ టీజర్ ని లాంచ్ చేసారు. సాగర్ ఇటీవలే జనసేనలో జాయిన్ అయిన సంగతి తెలిసిందే.
ప్రస్తుతం జనసేన తరుపు నుంచి ఏపీలో కాంపెయిన్ కూడా చేస్తున్నారు. ఈ బంధంతోనే ఈ మూవీ టీజర్ ని అంజనాదేవి ద్వారా లాంచ్ చేసినట్లు తెలుస్తుంది. ఇక టీజర్ చూస్తుంటే ఆడియన్స్ ని ఆకట్టుకునేలాగానే ఉంది. రాఘవ్ ఓంకార్ శశిధర్ ఈ సినిమాని డైరెక్ట్ చేస్తున్నారు. మిష నారంగ్, ధన్య బాలకృష్ణ, గిరిధర్ తదితరులు ముఖ్య పాత్రలు పోషిస్తున్నారు. త్వరలోనే ట్రైలర్ తో పాటు మూవీ రిలీజ్ డేట్ ని కూడా అనౌన్స్ చేయనున్నారు.
